Wellness «Օմեգա-3» համալիրում հումքը ստացվում է բնական վերականգնվող աղբյուրներից, ինչն էլ երաշխավորված է Friend of the Sea ընկերության հավաստագրով, որը զբաղվում է ծովային ռեսուրսների պահպանության հարցերով: Արտադրանքի պատիճը պատրաստված է ձկան ժելատինից (կենդանական ժելատին չի օգտագործվում), հենց այդ պատճառով համալիրը հարմար է նաև բուսակերներին:
Համալիրի երկու պատիճը պարունակում է երկու տեսակի անփոխարինելի ճարպաթթու. 150 մգ ԷՊԹ (էյկոզապենտաենաթթու) և 100 մգ ԴՀԹ (դոկոզահեքսաենաթթու):
Օմեգա-3 և սիրտը
Օմեգա-3 պոլիչհագեցած ճարպաթթուների խումբը ներառում է ԱԼԹ (ալֆալինոլենաթթու), ԴՀԹ (դոկոզահեքսաենաթթու) և ԷՊԹ (էյկոզապենտաենաթթու), ունի մեծ ազդեցություն ընդհանուր օրգանիզմի վրա: Սակայն օրգանիզմում ճարպաթթուների գլխավոր դերը սրտի աշխատանքի բարելավումն է: ԴՀԹ և ԷՊԹ թթուները Օմեգա-3-ի առավել կարևոր տեսակներն են, դրանք էլ հենց ներառված են Wellness «Օմեգա 3» համալիրի կազմում:
Դրանք պահպանում են արյունատար անոթները, կարող են նվազեցնել եռգլիցերիդների մակարդակը և արյան ճնշումը, բարձրացնել ԲԽԼՊ (լավ խոլեստերինի) մակարդակը:
Օմեգա-3 և ինքնակարգավորում
Ճարպաթթուները մտնում են բջջային մեմբրանների կազմության մեջ և ունեն որոշիչ դեր օրգանիզմի բջջային առողջության համար: Բացի այդ, մենք օգտագործում ենք ԷՊԹ-ն էյկոզանոիդներ կոչվող ազդանշանային մոլեկուլների արտադրության համար, որոնք ունեն բազմակի ֆիզիոլոգիական դեր և նվազեցնում են բորբոքումները մեր մարմնում:
Օմեգա-3 և տեսողություն
ԴՀԹ-ն կարևորագույն կառուցվածքային բաղադրիչ է աչքի ծիածանաթաղանթում՝ կազմելով դրա մոտ 70%-ը: ԴՀԹ բարձր մակարդակն ապահովում է տեսողական վերլուծիչի գործառնությունն ու նպաստում է տեսողական օրգանների ձևավորմանը: Բացի այդ, ձկան յուղը բարձրացնում է կոնտրաստային զգայունությունը, որը պատասխանատու է խավար լույսի և մառախուղի պայմաններում տեսողության համար, ինչպես նաև պաշտպանում է աչքերը չորությունից:
Օմեգա-3 և ուղեղ
ԴՀԹ-ն կենսականորեն կարևոր է մանկական տարիքում ուղեղի զարգացման և աշխատունակության համար, ինչպես նաև մեծահասակների մոտ ուղեղի գործառնության համար: ԴՀԹ-ի մակարդակի նվազումը մեծ տարիքում կարող է կապված լինել ուղեղի գործառույթների խախտման հետ և դառնալ Ալցհեյմերի հիվանդության զարգացման սկիզբ: Նոր տվյալները ցույց են տալիս, որ Օմեգա-3 հավելումները, որոնք խորհուրդ են տրվում ծանր դեպրեսիայի դեպքում, իրականում ունակ են նվազեցնել դրա նախանշանները, նույնիսկ առանց հակադեպրեսանտների ընդունման:
Օմեգա-3 և գեղեցիկ մաշկ
Որոշ գործոններ ազդում են մաշկի վրա, և դրանք մենք չենք կարող կառավարել, օրինակ՝ գենետիկան և տարիքը: Լավ նորություն. մնացածը կախված է մեզնից: Արևի ազդեցությունը, կոսմետիկան, սնունդն ու հավելումներն ունեն ավելի մեծ ազդեցություն մաշկի վրա: Օմեգա-3 ճարպաթթուներն օգնում են պայքարել բորբոքումների դեմ և բարելավում են մաշկի լիպիդային շերտը, նպաստում են էլաստիկության և խոնավության բարձրացմանը, ինչպես նաև նպաստում են վերականգնմանը:
Ինչպե՞ս լրացնել Օմեգա-3-ի պակասը
ԷՊԹ և ԴՀԹ ճարպաթթուներից առավելագույն օգտակարություն ստանալու համար շաբաթական 2-3 անգամ սննդակարգումդ կարող ես ավելացնել յուղոտ ձուկ, օրինակ՝ թունա, սաղմով, սկումբրիա, ծովատառեխ և սարդինա: Ձուկը կարելի է օգտագործել ցանկացած ձևով՝ շոգեխաշած, գրիլ, աղ դրած, թխված:
Ընտրեք վայրի ձուկ, ոչ թե բուծարաններից. այն պարունակում է ավելի շատ Օմեգա-3, մինչդեռ աճեցված ձկան դեպքում այդ ցուցանիշը կախված է ձկան կերից, պայմաններից և այլն:
Wellness Օմեգա-3 համալիրը պատրաստվում է վայրի ձկներից՝
ստացված կայուն եղանակով:
Օմեգա-3-ով հարուստ այլ մթերքներ՝ հլածուկի յուղ (սկանդինավյան սննդակարգի ֆավորիտը), ընկուզեղեն (հատկապես՝ հունական) և սերմեր (հատկապես՝ կտավատ և չիա): Օմեգա-3-ը մեր օրգանիզմը հագեցնում է ԷՊԹ և ԴՀԹ անփոխարինելի ճարպաթթուներով, որոնք մեր օրգանիզմն ինքնուրույն չի կարող արտադրել, հետևաբար՝ պետք է ստանա ամեն օր սննդի հետ կամ սննդային հավելումների տեսքով: Այս թթուներն անհրաժեշտ են ուղեղի նորմալ աշխատանքի և տեսողության համար, կարող են նվազեցնել բորբոքումների ու սիրտ-անոթային հիվանդությունների առաջացումը: Wellness «Օմեգա-3» համալիրի օրական երկու պատիճն ապահովում են անփոխարինելի ճարպաթթուների (150 մգ ԷՊԳ, 100 մգ ԴՀԹ) օպտիմալ չափաբաժինը՝ առանց ավելորդ բաղադրիչների:
