Քո ստամոքսը զբաղված է օրը 24 ժամ: Այն անդադար վերամշակում է սնունդը, կլանում սննդանյութերը, դուրս հանում ավելորդ նյութերը: Մարսողությամբ դրա աշխատանքը չի ավարտվում: Սկսենք թեկուզև նրանից, որ քո իմունային բջիջների 70%-ը գտնվում է ստամոքսի մակերեսին: Դա առաջնագիծն է, որը քեզ պաշտպանում է պաթոգեն միկրոօրգանիզմներից:
Ստամոքսի առողջության առանցքային գործոններից մեկը մեր միկրոբիոմի վիճակն է, որն էկոսիստեմ է՝ կազմված վատ և լավ միկրոօրգանիզմներից: Ահա չորս պարզ քայլ, որոնք կօգնեն հավասարակշռել միկրոբիոմը:
1. Ավելի շատ բջջանք
Մեզնից շատերը սա բավարար քանակությամբ չեն ստանում: Խորհուրդ տրվող չափաբաժինը օրական 30 գրամն է, բայց միջինում մենք սննդի հետ օգտագործում ենք ընդամենը 23 գրամ: Բջջանքը սնունդ է օգտակար միկրոօրգանիզմների համար, այն բարելավում է ստամոքսի միկրոֆլորան և խթանում մարսողությունը:
Լայֆհաք. փորձիր ուտել հնարավորինս քիչ վերամշակված, պատրաստի սնունդ, և մեծացնել բջջանքի ամենօրյա սպառումն՝ ի հաշիվ թարմ բանջարեղենի, մրգերի, ամբողջահատիկ հացի և հատիկավոր մթերքների:
2. Խմիր բավարար քանակությամբ ջուր
Բավարար քանակությամբ ջուրը կենսականորեն կարևոր է մեր ստամոքսի առողջության և աղիքների կանոնավոր աշխատանքի համար: Ջրի անբավարարությունն առաջացնում է փորկապություն, վքնածություն, անհարմարավետություն:
Լայֆհաք. փորձիր խմել օրական 8-10 բաժակ ջուր: Խուսափիր քաղցր ըմպելիքներից, որոնք միայն ավելորդ կալորիաներ են ավելացնում սննդակարգում: Նախապատվություն տուր այն մթերքներին, որոնք պարունակում են մեծ քանակությամբ ջուր՝ յոգուրտ, ձմերուկ, սեխ, ապուրներ:
3. Օգտագործիր ֆերմենտացված մթերքներ
Բջջանքը, որի մասին մենք խոսում էինք առաջին կետում, սնունդ է դառնում արդեն գոյություն ունեցող օգտակար բակտերիաների համար: Իսկ դրանց քանակը մեծացնելու համար օգտագործիր ֆերմենտացված մթերքներ, որոնք պարունակում են կենդանի պրոբիոտիկներ՝ յոգուրտ, կեֆիր, քիմչի:
Լայֆհաք. տարբեր մթերքներ պարունակում են տարբեր տեսակի պրոբիոտիկներ: Սնվիր հնարավորինս բազմազան, որպեսզի մեծացնես միկրոբիոմի բազմազանությունը:
4. Մեծացրու ակտիվությունդ
Սպորտի ցանկացած տեսակ ուժեղացնում է ստամոքսի գալարակծկումները: Աէրոբիկ վարժությունները խթանում են այն՝ արյան շրջանառությունն ակտիվացնելու շնորհիվ, իսկ ձգումներով վարժություններն ու յոգան ազդում են ինչպես ներսից մերսումը:
Լայֆհաք. եթե նույնիսկ սպորտ չես սիրում, փորձիր օրակարգում ակտիվության պարզ տեսակներ ներառել: Խուսափիր վերելակներից, ավտոբուսից իջիր մեկ կանգառ շուտ, և թեթևակի մարզում արա ժամը մեկ, եթե քո աշխատանքը նստակյաց է: