3 պարզ վարժություն լավ մարսողության համար

Դանդաղ մարսողությունը վայրկենապես դառնում է փքվածության և անհարմարավետության զգացողության պատճառ, իսկ երկարաժամկետ հեռանկարներում հանգեցնում է փորկապության: Ֆիզիկական ակտիվությունը հրաշալի միջոց է աղիքների աշխատանքը լավացնելու համար:

Երբ աղիքների բնականոն գործունեությունը խախտվում է, ապա կղանքը շատ դանդաղ է անցնում աղիքներով, ինչի հետևաքնով կորցնում է խոնավությունը՝ հանգեցնելով փորկապության, փքվածության և անհարմարավետության զգացողության:

Առաջինը պետք է համոզվել, որ մենք օգտագործում ենք սննդային թաղանթանյութերի և ջրի անհրաժեշտ քանակությունԻսկ գիտե՞ս, որ ֆիզիկական վարժությունները նույնպես նպաստում են աղիքների շարժողունակության արագացմանը: Աէրոբիկան, վազքը, լողը և պարերը լավացնում են արյունաշրջանառությունը, իսկ յոգան ասես մերսում լինի ներքին օրգանների համար: Ահա մի քանի արդյունավետ վարժություն:

1. Պտույտներ նստած դիրքից

Նախնական դիրք՝  նստի՛ր գորգի վրա և ոտքերդ ձգի՛ր առաջ, ուղղի՛ր մեջքդ: Թեքի՛ր ձախ ոտքդ և ոտնաթաթն ամբողջությամբ դի՛ր աջ ծնկի արտաքին հատվածին: Աջ ձեռքով բռնվի՛ր թեքված ոտքից և որքան հնարավոր է սեղմիր քեզ: Ձախ ձեռքով հենվի՛ր գորգին և զգուշորեն թեքի՛ր մարմինդ ձախ կողմ այնքան, որքան կկարողանաս: Այս դիրքով մնա՛ մի քանի վայրկյան և թուլացրո՛ւ մկաններդ: Կրկնի՛ր 10 անգամ՝ մարմնի յուրաքանչյուր կողմի համար:

2. Ծալումներ

Նախնական դիրք՝ պառկի՛ր մեջքի վրա, թուլացրո՛ւ մարմինդ և ծալի՛ր ոտքերդ: Գրկի՛ր ծնկներդ և ամուր սեղմի՛ր կրծքվանդակին՝ ձգելով որովայնի և ձեռքի մկանները: Մի քանի անգամ մի կողմից մյուս կողմը ճոճվի՛ր, այնուհետ ոտքերդ առաջ ձգի՛ր և հանգստացի՛ր: Կրկնի՛ր  5 անգամ:

3. Ուղղահայաց ծալումներ

Նախնական դիրք՝ ոտքերը ուսերի լայնությամբ: Պարանոցից դանդաղ կռացի՛ր մինչ ոտնաթաթերը՝ ասես ճակատով փորձում ես դիպչել ծնկներիդ: Ձեռքերով բռն՛իր սրունքներից, զգուշորեն ձգի՛ր մարմինդ դեպի ծնկները և մի քանի րոպե մնա՛ այս դիրքով: Կրկնի՛ր 10  անգամ:

Տեքստ