ԿԱՐԵՎՈՐԸ ԱՌՈՂՋ ՔՈՒՆՆ Է
Ամառային արձակուրդներից հետո դժվար է վերադառնալ կյանքի սովորական ռիթմին, սակայն դա անելը պարզապես անհրաժեշտ է։ Երեխային քնի համար անհրաժեշտ է 9 ժամ, սա անհրաժեշտ պայման է ամուր առողջություն, լավ տրամադրություն և ֆիզիկական գերազանց կազմվածք ունենալու համար։
ԲԱՐԻ ԼՈՒՅՍ
Դու, իհարկե, մեկ անգամ չէ, որ լսել ես՝ նախաճաշը օրվա ընթացքում ընդունած ամենակարևոր սնունդն է, հատկապես, երբ խոսքը մանկական օրգանիզմի մասին է։ Ամբողջահատիկային հաց, թարմ մրգեր, բնական յոգուրտ, հավկիթ, որպեսզի քո երեխան լինի ակտիվ և ուսման մեջ ունենա առաջադիմություն, չէ՞ որ այս ամենի համար անհրաժեշտ է մեծ քանակությամբ էներգիա։
ՀԱՆԿԱՐԾԱԿԻ ՍՈՎԱԾԱՆԱԼՈՒ ԴԵՊՔՈՒՄ
Ոչ մեկին դուր չի գալիս քաղցի զգացողությունը, և եթե ուզում ես՝ քո երեխան ճիշտ սնվի, ապա հոգա, որ նա մշտապես ձեռքի տակ ունենա սնունդ՝ անհրաժեշտության դեպքում այն ընդունելու համար։ Դա կարող է լինել շերտերով կտրատված թարմ բանջարեղեն, հումուսի քիչ քանակություն, հակաօքսիդիչներով հարուստ սմուզի կամ տնային փոփկորն։ Ահա առողջ և օգտակար ընդմիջման մի քանի գաղափար:
Ո՞ՒՄ ԱՎԵԼԱՑՆԵԼ
Երեխայի սննդակարգը պետք է ներառի աճող օրգանիզմին անհրաժեշտ բոլոր միկրոէլեմենտներն ու վիտամինները։ Օգտակար նյութերի պակասը կարող եք լրացնել մուլտիվիտամինների օգնությամբ։ Դրանք անպայման պետք է ներառեն А, С և D վիտամիններ, որոնք պատասխանատու են դիմադրողականության, կալցիումի և մագնիում՝ էներգիայի և մկանային համակարգի ճիշտ աշխատանքի համար, Օմեգա 3 ը անհրաժեշտ է ուղեղի լավ աշխատանքի, իսկ կալցիումը՝ ատամների ու ոսկորների առողջության համար։ Այս բոլոր վիտամինները կարելի է գտնել Wellness Kids համալիրում։
ՕՐԱԿԱՐԳ
Մի՛ մտածիր, թե աշխատանքային ռեժիմին վերադառնալը մեկ օրվա գործ է։ Ճիշտ օրակարգ կազմելու և դրան հարմարվելու համար անհրաժեշտ է ժամանակ։ Սկսիր գոնե սեպտեմբերի մեկից երկու շաբաթ առաջ։
ԸՆԿԵՐԱՑԻՐ ՍՊՈՐՏԻ ՀԵՏ
Երեխաների նորմալ աճն ու զարգացումը ապահովելու համար անհրաժեշտ է օրական նվազագույնը մեկ ժամ՝ ֆիզիկական ակտիվության համար։ Դա կարող է լինել ակտիվ խաղ, պարեր, հեծանվային զբոսանք, այցելություն լողավազան ։ ֆիզկուլտուրայի շաբաթական երկու ժամը բավարար չէ։ Կանոնավոր սպորտով զբաղվելը ամրացնում է հենաշարժողական ապարատը, զարգացնում ուշադրությունը, բարձրացնում տրամադրությունը և ինքնավստահության զգացողությունը։
ՄԻԱՅՆ ՀԱՆԳՍՏՈՒԹՅՈՒՆ
Քո փոքրիկը փոքր-ինչ հուզված է սեպտեմբերի մեկից առաջ, և դա սովորական է, հատկապես, եթե առջևում նոր դպրոց է և նոր կոլեկտիվ։ Սթրեսից ազատվելու լավագույն միջոցը նրա հետ վախերի և տագնապի վերաբերյալ զրուցելն է և օգնել նրան իրերը դիտարկել դրական կողմից։ Չէ՞ որ դպրոցը ոչ միայն ուսուցիչն ու դասերն են, այլև ընկերները, խաղերը, շփումը։ Երեխայի հետ միասին գնի՛ր վառ նոթատետր կամ անսովոր գրիչ, քննարկիր նրա հետ՝ ինչպես եք անցկացնելու մանկական տոնը, ում կհրավիրեք և կտեսնես, թե ինչպես է տագնապն ու վախի զգացողությունը լքում նրան։
ՄԻ՛ ՄՈՌԱՑԻՐ ՔՈ ՄԱՍԻՆ
Սեպտեմբերի մեկի նախօրեին՝ երկար արձակուրդից հետո, դու ինքդ կարող ես սկսել նյարդայնանալ և ունենալ անհարմարավետության զգացողություն։ Զանգահարիր ընկերուհուդ, կիսիր նրա հետ քո տագնապները, զրուցիր դպրոցի ուսուցիչների հետ, ժամանակ տրամադրիր սիրելի հոբբիին։ Հոգեկան կոմֆորտի պայքարում բոլոր միջոցներն արդարացված են։
