Ոսկրային հյուսվածքների հանքային խտությունն աստիճանաբար մեծանում է մարդու ծննդյան օրից սկսած և մոտավորապես 25 տարեկանում մարդը հասնում է իր մարմնի ոսկրային զանգվածի առավելագույնին: Այնուհետև սկսվում է ոսկորների խտության կորուստը: Սակայն ճիշտ ապրելակերպը և հավասարակշռված սնունդն օգնում են պահպանել ոսկորների առողջությունը և նվազեցնել դրանց փխրունությունը:
1. Կալցիում օգտագործիր
Կալցիումը ոչ միայն առողջ եղունգների և ատամների երաշխավորն է: Այն նպաստում է ոսկորների խտությանը, մեծացնում է արյան մակարդելիությունը, նպաստում մկանների կծկմանը, սրտի աշխատանքին: Արյան մեջ միշտ պետք է լինի որոշակի քանակությամբ կալցիում՝ բոլոր օրգան-համակարգերի նորմալ աշխատանքի համար: Եթե քո սննդակարգում կալցիումը քիչ է, այն դուրս է գալիս ոսկորներից:
Մեր օրգանիզմն ինքնուրույն կալցիում չի արտադրում, այն մենք ստանում ենք միայն սննդից: Ներառի՛ր սննդակարգիդ մեջ յոգուրտ, կաթնաշոռ, կանաչ բանջարեղեն, սպանախ, ընկուզեղեն, լոբազգիներ, ձկնամթերք: Սննդի մեջ աղ քիչ օգտագործիր, սահմանափակի՛ր սուրճի և գազավորված ըմպելիքների օգտագործումը, դրանք խանգարում են կալցիումի յուրացմանը:
2. Շարժվիր
Քաշային բոլոր վարժությունները նպաստում են ոսկրային զանգվածի աճին և կանխարգելում ոսկորների խտության կորուստը: Սկսիր պարզ վարժություններից՝ սեղմումներ, կքանստումներ, պարանով ցատկեր:
3. Փողոց դուրս արի
Եթե դու բավականաչափ վիտամին D չես ստանում, սննդից ստացվող կալցիումը չի յուրացվի: Հիշիր այն մասին, որ D վիտամինի լավագույն աղբյուրն արևն է: Քո նպատակը պետք է լինի ամեն օր թարմ օդում և արևի տակ անցկացրած 15-30 րոպեն, իսկ հյուսիսային շրջանների համար՝ մի փոքր ավելի երկար ժամանակ (հատկապես ձմռանը):
4. Սննդակարգում հավելումներ ներառիր
Կալցիումն օրգանիզմ է ներթափանցում միայն սննդի հետ, իսկ յուրացվում է սպառված կալցիումի ընդամենը 30-40%-ը: Օրական նորմը ստանալն այնքան էլ հեշտ չէ, այդ պատճառով պետք է կիրառել հավելումներ: Օրինակ, արժե փորձել Wellness ապրանքաշարի «D վիտամինով ծովային կալցիումը»: Ջրիմուռներից ստացված կալցիումից բացի այն պարունակում է վիտամին D և արտոնագրված՝ AquaminTM համալիր՝ ևս 72 միկրոտարրերով, որոնք ուժեղացնում են կալցիումի ազդեցությունն ու յուրացվելիությունը:
