Անվտանգ արև. հարցեր և պատասխաններ

Մենք Կլարա Լա Բերրին՝ Օրիֆլեյմի գիտահետազոտական կենտրոնի ավագ քիմիկոս-տեխնոլոգին, տվել ենք մաշկի խնամքի մասին ամենահայտնի հայտնի հարցերը:

Ո՞ՐՆ Է UVA- ԵՎ UVB-ՃԱՌԱԳԱՅԹՆԵՐԻ ՏԱՐԲԵՐՈՒԹՅՈՒՆԸ
Արևի լույսը կազմված է տարբեր երկարությամբ և հաճախականությամբ ալիքներից: UVA-ճառագայթները ուլտրամանուշակագույն ճառագայթման երկար ալիքներ են: Դրանք նույնքան ուժեղ են, որքան UVB-ն, սակայն ավելի շատ են վնասում, ակտիվ են ամպամած եղանակին, կարող են անցնել նույնիսկ ապակու միջով: UVA-ճառագայթները նպաստում են մաշկի վաղաժամ ծերացման նախանշանների առաջացմանը՝ դիմախաղի կնճիռներ և գունակային հետքեր: Որպես կանոն՝ արևապաշտպան միջոցներն ապահովում են ցանկացած տիպի ճառագայթումից պաշտպանություն:  

UVB-ճառագայթներն ունեն կարճ ալիք, դրանց մի մասը կլանվում է ամպերի կողմից, մի մասը՝ օզոնային շերտի կողմից, սակայն մնացած տոկոսը կարող է առաջացնել արևային այրոցներ և կարմրածություն: Ամպամած եղանակին կամ ապակու միջով այս ճառագայթները ազդել կամ թափանցել չեն կարող: Կախված եղանակից, տեղանքից և օրվա ժամից` UVB-ճառագայթները տարբեր կերպ են ազդում, սակայն պիկային ակտիվությունը երկուսի դեպքում էլ նույնն է՝ 10-ից 16-ն ընկած ժամային հատվածում: Մաշկի փոփոխությունների մինչև 80%-ը ֆոտոծերացման արդյունք է, այդ պատճառով միշտ պետք է օգտագործել արևապաշտպան միջոց: Բացի այդ, ուլտրամանուշակագույն ճառագայթումից պատշաճ պաշտպանությունը կարող է նվազեցնել մաշկի քաղցկեղի զարգացման ռիսկը:

ԻՆՁ ԹՎՈՒՄ Է՝ ԻՆՁ ՍԱԶՈՒՄ Է ԱՐԵՎԱՅՐՈՒՔԸ: ՄԱՇԿՍ ՇՈՂԱՑՈՂ ԵՎ ԹԱՐՄ ՏԵՍՔ ՈՒՆԻ: ՊԱՐՏԱԴԻ՞Ր Է ՍԱՆՍՔՐԻՆԻ ՕԳՏԱԳՈՐԾՈՒՄԸ
Այո, քանի որ մաշկի ծերացումը 80%-ով կենսակերպով պայմանավորված գործընթաց է: ՈՒՄ-ճառագայթումն այնքան էլ լավ ազդեցություն չի թողնում. խոնավացման և առաձգականության պակաս, գունակավորման խանգարում և մաշկի ֆոտոծերացում: Մի՛ մոռացիր օգտագործել արևապաշտպան միջոցներ, ընտրի՛ր ճիշտ SPF և խնամք (պատմում ենք մանրամասնորեն): 

Ի՞ՆՉ Է SPF-Ը: ՔԱՂԱՔՈՒՄ ԲԱՎԱԿԱ՞Ն Է SPF 6-Ը, ԹԵ՞ ԻՆՁ ԱՎԵԼԻ ՈՒԺԵՂ ՊԱՇՏՊԱՆՈՒԹՅՈՒՆ Է ՀԱՐԿԱՎՈՐ
Եկե՛ք պարզենք: SPF-ը (Sun Protection Factor՝ արևապաշտպան գործոն) որոշում է, թե որքան արդյունավետորեն է արևապաշտպան միջոցը կանխում UVB-ճառագայթների՝ մաշկը վնասող բացասական ազդեցությունը: Անվանման մեջ գրված թիվը ցույց է տալիս՝ տարածումից հետո որքան ժամանակ կարող ես անցկացնել արևի տակ՝ առանց վնասելու մաշկը: Բանաձևը պարզ է՝ եթե արևի տակ կարող ես մնալ 10 րոպե և չվառվել, SPF 6 -ը կավելացնի այդ ժամանակը 6 անգամ՝ 60 րոպե: SPF 15-ը՝ 15 անգամ – 150 րոպե: Մենք խորհուրդ ենք տալիս ընտրել 15 և ավելի բարձր գործոնով արտադրանքներ՝ անկախ նրանից քաղաքում ես, թե հանգստի ես գնացել: Հիշիր, որ SPF-ը միայն նվազեցնում է վնասվելու ռիսկը, սակայն չի կանխում այն: Այդ պատճառով սանսքրին օգտագործիր ամեն 2 ժամը մեկ, եթե լողում ես կամ քրտնում, և պաշտպանիր մաշկդ հագուստով:

ՍԱՆՍՔՐԻՆ ԿԱՄ B ՎԻՏԱՄԻՆ. ԿԱՐՈ՞Ղ ԵՄ ՄԻԱՍԻՆ ՕԳՏԱԳՈՐԾԵԼ
Իհարկե, եթե օրական նվազագույնը 15 րոպե անցկացնում ես փողոցում, ստանում ես D վիտամինի խորհուրդ տրվող չափաքանակը: Սակայն արևապաշտպան միջոցներ չօգտագործելը և մաշկը վտանգի ենթարկելը՝ բնական եղանակով բավականաչափ D վիտամին ստանալու համար, սխալ է: Բացի այդ, պարտադիր չէ, որ փողոցում արև լինի, բավական է նաև ամպամած եղանակը:

Խմբագրի խորհուրդը
Եվրոպայում արևապաշտպան միջոցների արտադրության համար գործում են ամենախիստ չափանիշները: Լինելով շվեդական ընկերություն՝ Օրիֆլեյմը լիարժեք հետևում է այդ չափանիշներին: Դու կարող ես ընտրել  ցանկացած արևապաշտպան միջոց և վստահ լինել, որ այն կպաշտպանի քո մաշկը ծերացումից և արևային այրվածքներից:

Խուսափի՛ր արևի տակ երկար մնալուց, խմիր բավականաչափ ջուր, առողջ սնունդ օգտագործիր և մի՛ մոռացիր համալիր խնամքի մասին, որը պետք է մաշկի ճիշտ մաքրման և անհրաժեշտ սնուցող բաղադրիչներով ապահովելու համար:

 

Տեքստ