Եկեք փորձենք հասկանալ՝ ինչ է ԴՆԹ-ն...
Երկու խոսքով կարելի է ասել հետևյալը․ ԴՆԹ մոլեկուլը կրում է այն ամբողջական տեղեկատվությունը, որը Ձեզ դարձնում է այնպիսին, ինչպիսին կաք։ Այդ տեղեկատվությունը մենք ժառանգում ենք մեր ծնողներից, այդ պատճառով էլ այն եզակի է։ Աշխարհում չկա միանման ԴՆԹ-ով երկու մարդ։ Եզակի դեպքերում հնարավոր է ամբողջական երկվորյակների դեպքում։
Եթե մեր գեները կանխորոշում են, թե ինչ արտաքին տեսք մենք կունենանք (մինչև անգամ մազերի գույնը, հասակը, կազմվածքը), ապա ստացվում է, որ մաշկի խնամքն այնքան էլ կարևոր չէ։
Վերջին հետազոտությունները ապացուցում են հակառակը։ Գիտնականները պարզել են, որ մեր արտաքին տեսքի 80%-ը կախված է շրջակա միջավայրի գործոններից և մեր անձնական ընտրությունից։ Անձնական ընտրության տակ ես նկատի ունեմ այն, ինչով սնվում ենք, ինչպիսի ջուր ենք խմում, բավականաչափ ենք քնում, թե ոչ և այլն։ Շրջակա միջավայրի գործոններ ասելով հասկանում ենք արևային ճառագայթումը, ծխելը, աղտոտվածությունը և օդափոխման համակարգի չոր օդով փակ տարածքներում երկար գտնվելը։
Ինչո՞ւ են այդ գործոններն այդքան կարևոր։
Հիմնականում այն պատճառով, որ դրանք հանգեցնում են բջիջների թթվայնացմանը և մաշկի ծերացմանը։ Մեր օրգանիզմում թթվածնի օգտագործման պրոցեսում գոյանում են ազատ ռադիկալներ, որոնք վնասում են բջիջները։ Ազատ ռադիկալների քիչ քանակությունն անգամ օգտակար է, առանց դրանց չի ապահովվի մեր օրգանիզմի նորմալ գործունեությունը։ Սակայն դրանց ավելցուկը կարող է հանգեցնել ծանր հիվանդությունների, ինչպես նաև մաշկի ծերության։ Սթրեսը, ծխելը, ալկոհոլը, արևային ճառագայթները և շրջակա միջավայրի աղտոտվածությունը միայն բարդացնում են առկա իրավիճակը։
Որքանո՞վ է արևը վնասակար մեր մաշկի համար։
Արևի ճառագայթների չափից շատ քանակությունը կարող է հանգեցնել մի շարք տհաճ հետևանքների, որոնցից վատթարագույնը մաշկի քաղցկեղն է։ Վնասակար ուլտրամանուշակագույն ճառագայթներն առաջացնում են գունակավորման խանգարում և քայքայում մաշկի էլաստինն ու կոլագենը, ինչն էլ իր հերթին հանգեցնում է կնճիռների առաջացան և դեմքի ուրվագծերի կորստի։ Սակայն, միևնույն ժամանակ, չափավոր արևային լոգանքներն օգտակար են օրգանիզմի համար, քանի որ այդ կերպ մենք արտադրում ենք D վիտամին՝ անհրաժեշտ է կալցիումի յուրացման համար, որը պատասխանատու է ոսկրային հյուսվածքների ամրության և դիմադրողական համակարգի աշխատանքի համար։ D վիտամինը հաճախ անվանում են նաև երջանկության վիտամին։ Մեր օրգանիզմում դրա բավարար արտադրությունն ապահովելու համար անհրաժեշտ է բացօթյա վայրում անցկացնել օրական 10 րոպե։
Ի՞նչ է անհրաժեշտ անել ծերացման պրոցեսը դանդաղեցնելու համար։
Խուսափիր արևի տակ երկար գտնվելուց, խմիր բավարար քանակությամբ ջուր, կեր առողջ սնունդ և մի՛ մոռացիր համալիր խնամքի մասին, որն անհրաժեշտ է քո մաշկի ճիշտ մաքրման համար և այն անհրաժեշտ բոլոր սնուցող նյութերով ապահովելու համար։
Մինչև ո՞ր տարիքն ուշ չէ անհանգստանալ երիտասարդ տեսք ունեցող մաշկի համար
Երբեք ուշ չէ ձեռք բերել խնամքի ճիշտ միջոցներ։ Արևային ճառագայթումն ունի կուտակվող էֆեկտ, և մեր օրգանիզմին հիմնական վնասը հասցնում ենք մինչև 20 տարեկանը, սակայն իրավիճակը հնարավոր է շտկել՝ համալիր խնամքի օգնությամբ։
