Սաննա Ֆրանկլին. «Ես ուղղակի պաշտում եմ ամառը: Սիրում եմ արև, լողափ, ծով և տաք եղանակ: Ես գիտեմ ամեն ինչ՝ սեզոնային փոփոխությունների և փոփոխվող պայմաններում մաշկի խնամքի մասին, ապրել եմ Ստոկհոլմում և Նյու Յորքում: Սիրով կկիսվեմ ամռանը մաշկը խնամելու վերաբեյալ իմ խորհուրդներով»:
1. ՄԱՇԿԻ ՇԵՐՏԱԶԱՏՈՒՄ
Իմ կարծիքով սկրաբի օգտագործումը շաբաթական երկու անգամ հարթ մաշկ ունենալու պայքարում իմ ներդրումն է: Ցնցուցի գելն ու սկրաբը տարածում եմ արմունկներին և սրունքներին՝ այդ հատվածներն առավել մանրակրկիտ մշակելու համար: Սակայն այստեղ աշխատանքը չի ավարտվում: Ձեռքերի մաշկը նույնպես ունի խնամքի կարիք, դրա համար օգտագործում եմ «Կաթ և մեղր» շարքի սնուցող սկրաբը: Այս ամենը մաշկին հաղորդում է հարթություն, փափկություն, իսկ միջոցների նուրբ բույրը կհաղորդի հավելյալ հաճույք:
2. ՃԻՇՏ ՍԱՓՐՈՒՄ
Կիսաշրջազգեստ, զգեստ, կարճ շալվար՝ տաք եղանակը թելադրում է նորաձևության իր կանոնները: Մաշկի հարթությունն ապահովելու, կտրվածքներից խուսափելու և գրգռվածությունը կանխարգելելու համար հաճախակի փոխիր ածելու շեղբը, ինչպես նաև օգտագործիր սափրվելուց առաջ և հետո նախատեսված միջոցներ:
Ի՞նչ անել, եթե սափրվելուց հետո մաշկի վրա մնացել են շեղբից բծեր: Մի՛ անհանգստացիր: Սրբիչը խոնավացրու՝ այն դնելով սառը ջրի մեջ և այնուհետև դիր այն գրգռված հատվածներին (շուրջ 5 րոպե): Հաջորդող երկու օրերը խուսափիր սպիրտով միջոցներ օգտագործելուց, դրանք կարող են ավելի շատ վնասել մաշկը:
3. ԱՆՎՏԱՆԳ ԱՐԵՎԱՅՐՈՒՔ
Բոլորս էլ գիտենք ՈՒՄ-ճառագայթների վնասակար ազդեցության մասին, սակայն ինչպիսի՞ ամառ՝ առանց գեղեցիկ արևայրուքի: Հուրախություն մեզ, կա ավելի լավ ընտրություն: Օգտագործիր սկրաբ կամ շերտազատող միջոց, իսկ հաջորդ օրը՝ ինքնարևայրուք: Այս պրոցեդուրան անհրաժեշտ է կրկնել յուրաքանչյուր 2-4 օրը մեկ՝ բծեր առաջանալուց խուսափելու համար:
4. ՊԱՇՏՊԱՆՈՒԹՅՈՒՆ ԱՐԵՎԻՑ
Միշտ օգտագործիր արևապաշտպան միջոց, անգամ եթե գտնվում ես ստվերում, օգտագործում ես ինքնարևայրուք կամ արևը թաքնվել է ամպերի հետևում: Միայն SPF-ը կպաշտպանի քո մաշկը վնասակար ուլտրամանուշակագույնից, կկանխարգելի գունակային հետքերի առաջացումն ու մաշկի վաղաժամ ծերացումը:
5. ՄԱՇԿԻ ԽՈՆԱՎԱՑՈՒՄԸ ՆԵՐՍԻՑ
Ամռանը մաշկի խոնավության պահպանումը անհրաժեշտություն է: Խմիր ավելի շատ ջուր, սա կօգնի լրացնել օրգանիզմում պահուստավորված հեղուկի կորուստը: Իմ խորհուրդը. ջուրը լցրու շշի մեջ, ավելացրու կիտրոնի մի քանի շերտ, դիր այն սառնարան և այնուհետև այն օգտագործիր ողջ օրվա ընթացքում: Պարզ և օգտակար:
