Ամառային խնամք․ 15 կանոն

Ամառային եղանակը թելադրում է մաշկի խնամքի իր կանոնները: Դրանք անհրաժեշտ է իմանալ և կիրառել, մինչ արևայրվածքներ ստանալը։

1. Մի՛ կատարիր սխալ․ փակ տարածքներից դուրս գալուց առաջ օգտագործիր արևապաշտպան միջոցներ։ Միայն SPF-ը կպաշտպանի քո մաշկը վնասակար ուլտրամանուշակագույնից, կկանխարգելի գունակային հետքերի հայտնվելը և կդիմագրավի վաղաժամ ծերացման վտանգը։

2. Գուցե դու տեղյակ չես, սակայն անհրաժեշտ է իմանալ, որ շուրթերն այրվում են ավելի շուտ, քան մարմնի այլ մասեր։ Բարձր SPF ցուցիչով Բալզամը  կփափկացնի դրանք և կպաշտպանի վնասվելուց։

3. Դեմքի ցողաշիթը կամ տոնիկը լավ է պահպանել սառնարանում, այսպես դրանք ավելի արդյունավետ կկատարեն մաշկը թարմացնելու իրենց խնդիրը և կօգնեն հաղթահարել ամառվա տապը։ Բացի այդ, Ecobeauty տոնիկը պարունակում է վարդի և երիցուկի օրգանական ջուր, ինչպես նաև մեծ քանակությամբ հակաօքսիդիչներ։

4. Մի՛ մոռացիր գլխի մաշկի մասին։ Արևային այրվածքը ոչ միայն ցավոտ է, այլև կարող է հանգեցնել մաշկի շերտազատման։ Հերաբաժանն անհրաժեշտ է մշակել արևապաշտպան միջոցով կամ կիզիչ արևի դեպքում՝ կրել գլխարկ։

5. Շերտազատող միջոցների օգտագործումը մաշկի համալիր խնամքի բաղկացուցիչ մասն է։ Այս միջոցները մաշկն ազատում են մահացած բջիջներից, արագացնում դրա վերականգնման գործընթացը և դարձնում այն ավելի հարթ։Խորհուրդ է տրվում նաև երեկոյան օգտագործել մաշկը 
մաշկը մաքրելու գործիք, շերտազատող կամ հիդրաթթվի հիմքով միջոցներ։

6. Թարմ միրգն ու բանջարեղենը առողջ մաշկի գրավականն են։ Առավել ևս ամռանը, երբ ընտրությունը լայն է, գները՝ ցածր։ Ուշադրություն դարձրու սև, կապույտ հապալասին, կիվիին, պապայային, նարնջին և ելակին, դրանք պարունակում են մեծ քանակությամբ С վիտամին։

7. Կան բազմաթիվ միջոցներ, որոնք օգնում են ազատվել ոտքերի անցանկալի մազերից։ Եթե դու՝ ինչպես մենք, մեղրամոմե թերթիկները նախընտրում ես ածելիից, խորհուրդ ենք տալիս փորձել Silk Beauty։ Սկրաբի ամենօրյա կիրառումը և արագ ներծծվող քսուքի հետագա կիրառումը կօգնեն պահպանել քո ոտքերի անթերի տեսքը։

8. Շոգ և խոնավ եղանակը կարող է դեմքին, մեջքին, կրծքերին և ուսերին առաջացնել անցանկալի ցան։ Այդ ամենից խուսափելու համար մաշկը ճիշտ մաքրիր՝հատուկ մաքրող միջոցի և տոնիկի օգնությամբ, որոնք կհեռացնեն աղտոտվածությունը, մաշկի ավելորդ ճարպը և դիմահարդարման մնացորդները։ Շաբաթը երկու անգամ օգտագործիր շերտազատող միջոց, որը կխթանի բջիջների նորացման գործընթացը։ Ինչպես նաև հրաժարվիր սինթետիկ գործվածքներից՝ նախապատվությունը տալով բամբակե և վուշե գործվածքներին։

9. Աչքերի շուրջ մաշկը նուրբ է և հակված է կնճիռների առաջացմանը, իսկ արևային ճառագայթները արագացնում են ծերացման գործընթացը։ Վառ ու ծակող արևին անպայման կրիր արևային ակնոց, իսկ աչքերի տակի այտուցվածությունը հեռացնելու և մաշկը խոնավացնելու համար օգտագործիր աչքերի շուրջ մաշկի հատուկ քսուք։

10. 10. Մենք հաճախ մոռանում ենք ձեռքերի խնամքի մասին, սակայն դրանք նույնպես հակված են կնճիռների առաջացմանը և հիպերգունակավորմանը, ինչպես և մեր մարմնի այլ հատվածները։ Քեզ կօգնի SPF պարունակող ձեռքերի քսուքը, որը կլինի միաժամանակ և՛ պաշտպանող, և՛ սնուցող։

11. Լանջաբացվածքի մաշկը որպես կանոն ավելի բարակ է և չոր, քան դեմքի մաշկը, իսկ սա նշանակում է՝ այն առավել խոցելի է շրջակա միջավայրի վնասակար գործոնների ազդեցությունից։ Այն պաշտպանելու համար ամեն օր օգտագործիր արևապաշտպան միջոց։

12. Լողափից հետո անհրաժեշտ է վերականգնել մաշկի խոնավության առողջ մակարդակը և արևային ճառագայթների պատճառած վնասը հասցնել նվազագույնի։ Sun Zone ապրանքանիշի միջոցները պարունակում են հալվե վերայի մզվածք, որը զովացնում է, հեռացնում կարմրածությունը և խոնավացնում մաշկը։

13. Մաշկը արևի ճառագայթների ազդեցությանը ենթարկելու փոխարեն օգտագործիր ինքնարևայրուք (օրինակ՝ Sun Zone ապրանքանիշից) – Այն գեղեցիկ է և անվտանգ։

14. Լողավազաններում պարունակվող քլորը քայքայում է մաշկի վերին շերտը, որն անհրաժեշտ է խոնավությունը պահպանելու համար։ Այդ պատճառով էլ չափազանց կարևոր է լողավազանից դուրս գալուն պես ցնցուղ ընդունելը։ Սա կօգնի խուսափել մաշկը չափից շատ չորանալուց և վնասվելուց։

15. Եթե շոգին քո մաշկի վրա հայտնվում են հետքեր, խորհուրդ ենք տալիս լվացվել սառը ջրով, ինչը կնեղացնի լայնացած մազանոթները և կնվազեցնի կարմրածությունը։



Տեքստ Ֆոտո Getty Images

Գնել

Նմանատիպ հոդվածներ