«Կանանց ինտիմ հատվածներում մաշկն ու լորձաթաղանթը չափազանց զգայուն են և հատուկ խնամք են պահանջում: Սովորական օճառը կամ ցնցուղի գելը պարունակում են ալկալիներ և խախտում են ճիշտ թթվային միջավայրը, ինչպես նաև կարող են չորություն և գրգռվածություն առաջացնել: Հատուկ ինտիմ հիգիենայի համար նախատեսված միջոցները ոչ միայն մաքրում են մաշկը և կարգավորում pH-հաշվեկշիռը, այլ նաև օգնում լուծել անհատական խնդիրներ՝ կապված տհաճ հոտի կամ անհարմարության զգացողության հետ»,- պնդում է մանկաբարձ-գինեկոլոգ Տատյանա Իվանովան:
Իսկապես, ինտիմ հիգիենայի համար նախատեսված միջոցի pH-ն ազդում է առողջության վրա: Այն չի խախտում նուրբ հատվածի pH-ը, և օգնում է կանխարգելել անհարմարության զգացողությունը: Ինչպե՞ս կատարել ճիշտ ընտրություն: Արի՛ հասկանանք:
Ինտիմ հիգիենայի առաջին միջոցը պետք է ունենալ արդեն 13 տարեկանում, երբ տեղի է ունենում սեռական հասունացումը: Նոր զգացողությունները կարող են հաճելի չլինել և նույնիսկ ցավոտ լինել, սակայն ինտիմ հատվածները հաճախակի ցնցուղով լվալը կօգնի այս փուլը հեշտությամբ տանել: Հատուկ այս փուլի և մինչև 18 տարեկանն ընկած տարիքի համար մենք մշակել ենք կաթնաթթվով, պրեբիոտիկով և մանուշակի բնական քամվածքով նուրբ միջոց:
«Սեռական հասունացման փուլում աղջիկների մոտ փոխվում է հորմոնալ ֆոնը և ինտիմ հատվածի pH-ը, իսկ նրանց նուրբ մաշկը հատուկ խնամքի կարիք է ունենում: Չափազանց կարևոր է ընտրել փափուկ բանաձևով մաքրող միջոց, որի բաղադրության մեջ կլինի կաթնաթթու. այն օգնում է պահպանել է pH-հաշվեկշիռը և ձևավորում է ճիշտ միկրոֆլորա»,- պատմում է Տատյանա Իվանովան:
Երբ հորմոնալ վերակառուցումն արդեն հետևում է, ժամանակն է ընտրելու հիմնական ամենօրյա խնամքը: Feminelle նոր ապրանքաշարում ներկայացված է միանգամից երեք տարբերակ, որոնք երեքն էլ հաստատված են մաշկաբանների և գինեկոլոգների կողմից, հարմար են ամենօրյա օգտագործման համար, օգնում են հավասարակշռել pH-ը, և պարունակում են բնական քամվածքներ: Ընտրի՛ր որևէ մեկը կամ օգտագործի՛ր երեքը միասին՝ կախված մաշկիդ վիճակից: Լոռամրգի պարունակող պաշտպանիչ միջոցը պահպանում է մաշկի առողջությունը, հալվե և փիփերթ պարունակող հանգստացնող միջոցը հանում է գրգռվածությունն ու անհարմարության զգացումը, սև հաղարջով և լոտոսով թարմացնող միջոցն օժտված է հաճելի զովացնող ազդեցությամբ:
50 տարեկանին մոտ գալիս է դաշտանադադարը, օրգանիզմի հերթական հորմոնալ վերակառուցման ժամանակը, որը հաճախ դառնում է ինտիմ հատվածի չորության պատճառ: Ընտրի՛ր մաքրման համար փափկացնող քսուք-գել, և մի՛ մոռացիր խոնավացման մասին: Շատ կանայք օգտագործում են սնուցող կամ մանկական քսուք՝ անհրամարության զգացողությունից ազատվելու համար, սակայն դա կոպիտ սխալ է: Այդ միջոցների հագեցախ կառուցվածքը կարող է խթանել պաթոգեն միկրոֆլորայի աճը: Քեզ անհրաժեշտ է նրբաքսուք, որը մշակված է հատուկ ինտիմ հատվածի համար և որը պարունակում է կաթնաթթու և վաղենակի բնական քամվածք:
Մանկաբարձ-գինեկոլոգ Տատյանա Իվանովան խորհուրդ է տալիս՝
«Կանացի էստրոգեն հորմոնների կրճատումը դաշտանադադարի փուլում դժվարացնում է օգտակար լակտոբակտերիաների բազմացումը և հանգեցնում չորության, որը կարող է անհարմարության զգացողություն առաջացնել ինտիմ հատվածում: Կաթնաթթու պարունակող փափկացնող և խոնավացնող միջոցների կանոնավոր օգտագործումը կօգնի պահպանել միկրոֆլորայի բնական հավասարակշռությունը և կազատի տհաճ զգացողություններից»:
Ինտիմ հիգիենայի հիմնական կանոնները
1. Սովորական ցնցուղի գելի կամ օճառի փոխարեն՝ միայն հատուկ միջոցներ, որոնք պահպանում են ինտիմ հատվածի օպտիմալ միջավայրը, հանում գրգռվածությունը, հոտազերծում և կարգավորում միկրոֆլորան:
2. Որակյալ ներքնազգեստ, որը չափազանց կիպ չի նստում մարմնին, ցանկալի է՝ բնական նյութերից պատրաստված: Սինթետիկ ներքնազգեստն ու սթրինգները խորհուրդ չի տրվում կրել ամեն օր. դրանք կարող են գրգռվածություն առաջացնել: Ներքնազգեստը պետք է լվալ մյուս հագուստներից առանձին՝ շալվարից, որով նստել ես փողոցի նստարանին, գուլպաներից, և այլն:
3. Ինտիմ ցնցուղ. այս հատվածներում ցնցուղ պետք է ընդունել հնարավորինս արագ, որպեսզի չխախտվի բնական միկրոֆլորան: Ոչ մի սպունգ կամ սկրաբ. դրանք նուրբ մաշկին միկրովնասվածքներ կարող են պատճառել: Այս հատվածի համար պետք է ունենալ առանձին սրբիչ:
4. Հիգիենայի միջոցների հաճախակի փոփոխություն: Մեկ տամպոնը կամ տակդիրը (նույնիսկ ամենօրա) չի կարելի կրել ավելի, քան 3-4 ժամ, որպեսզի բակտերիաները չբազմանան: Դաշտանի օրերին տակդիրն ամեն անգամ փոխելուց առաջ ցանկալի է ինտիմ ցնցուղ ընդունել: Եթե նման հնարավորություն չկա, օգտագործի՛ր հատուկ անձեռոցիկներ:
