Ինչո՞ւ են անհրաժեշտ շիճուկները

Շիճուկները արագ դարձան մաշկի խնամքի միջոցների շարքում առաջինը՝ իրենց հայտնվելու հենց առաջին պահից: Չնայած այս արտադրատեսակի հանրահայտությանը՝ մեզանից շատերը կցանկանային ավելի լավ հասկանալ՝ ինչո՞ւ են դրանք անհրաժեշտ և ինչպե՞ս են գործում: Մեր հարցերին կպատասխանի Օրիֆլեյմի Մաշկի հետազոտության ինստիտուտի մասնագետ և Օրիֆլեյմի փորձագիտական հանձնաժողովի անդամ Հոլլի Գրենֆելլը:

Ի՞նչ է շիճուկը
Շիճուկը մաշկի խնամքի միջոց է, որը հագեցած է մեծ քանակությամբ ակտիվ բաղադրիչներով, ինչպիսիք են հակաօքսիդիչները, թթուները և վիտամինները: Շիճուկը խթանում է մաշկում կոլագենի արտադրությունը և օգնում է պահպանել խոնավության անհրաժեշտ մակարդակը: Փոքր չափեր ունեցող մոլեկուլների հաշվին՝ շիճուկներն ավելի թեթև կառուցվածք ունեն, քան քսուքները, և ապահովում են սնուցող բաղադրիչների թափանցումը մաշկի ավելի խորը շերտեր:

Ո՞րն է շիճուկների օգտագործման առավելությունը
Շիճուկները ստեղծված են մաշկի ենթաէպիդերմալ մակարդակում որոշակի խնդիրների լուծման համար, օրինակ՝ պայքարում են գունակային հետքերի, մաշկի երանգի Տարիքային փոփոխությունների և խորը կնճիռների դեմ: Շիճուկները Հակատարիքային խնամքի անհրաժեշտ մասն են, դրանց արդյունավետությունն ապացուցված է կլինիկական փորձարկումներով:

Կարո՞ղ է շիճուկը փոխարինել ցերեկային և գիշերային քսուքներին
Ոչ, քանի որ խոնավացնող միջոցները նախատեսված են մաշկում հեղուկի մակարդակը պահպանելու համար՝ ստեղծելով յուրատեսակ պաշտպանիչ պատնեշ մաշկի և շրջակա միջավայրի միջև: Շիճուկներն այլ կերպ են գործում. թեթև կառուցվածքի շնորհիվ դրանք թափանցում են մաշկի խորը շերտեր՝ այնտեղ հասցնելով սնուցող բաղադրիչներ: Շիճուկներն ուժեղացնում են ցերեկային քսուքի ազդեցությունը, սակայն չեն փոխարինում ո՛չ նրան, ո՛չ գիշերային քսուքին:

Ցերեկային քսուքը հաղորդում է խորը խոնավացնող ազդեցություն և պաշտպանում մաշկը ողջ օրվա ընթացքում: SPF գործոնն ապահովում է պաշտպանությունը ֆոտոծերացումից:
Գիշերային քսուքները ստեղծված են գիշերային ժամերին օգտագործելու համար, դրանք սնուցում են մաշկը և օգնում այն վերականգնել գիշերվա ընթացքում: Շիճուկը ի զորու չէ ապահովել նման ազդեցություն:

Ինչպե՞ս օգտագործել շիճուկները
Թեթև, մերսող շարժումներով տարածի՛ր շիճուկը դեմքի և պարանոցի մաքուր մաշկին: Մի փոքր քանակությունը միանգամայն բավական է, քանի որ միջոցի բաղադրությունը բավականին խիտ է և այն հրաշալի բաշխվում է մաշկում: Շիճուկը հոյակապ ներծծվում է, իսկ մի քանի րոպե անց դու կարող ես կիրառել սիրելի ցերեկային կամ գիշերային քսուքը:


Տեքստ Ֆոտո Oriflame