Բյութի առասպելներ՝ մաշկի խնամքի մասին

Յուղոտ մաշկի դեպքում չի կարելի օգտագործել խոնավացնող միջոցներ, յուղը խցանում է ծակոտիները, ջուր խմելը կլուծի չորության խնդիրը. ո՞րն է այս փաստերից ճշմարիտ, իսկ ո՞րը՝ առասպել:

ՃՇՄԱՐՏՈՒԹՅՈՒՆ, ԹԵ՞ ԱՌԱՍՊԵԼ 1. ՄԱՇԿԻ ԾԵՐԱՑՈՒՄՆ 80%-ՈՎ ՊԱՅՄԱՆԱՎՈՐՎԱԾ Է ԳԵՆԵՏԻԿԱՅՈՎ

ՃՇՄԱՐԻՏ Է:  Իհարկե մենք ժառանգում ենք որոշակի գենետիկ հատկանիշներ, սակայն մաշկի ծերացումն 80%-ով կախված է կենսակերպից և շրջակա միջավայրի ազդեցությունից (ՈՒՄ ճառագայթում, աղտոտում կամ ծխախոտ):

Ի՞ՆՉ ԱՆԵԼ: Առավոտյան և երեկոյան օգտագործի՛ր մաշկի համալիր խնամք՝ մաշկի երիտասարդյությունն ու առողջությունը պահպանելու համար՝ անկախ տարիքից, եղանակից, տարվա եղանակից կամ մեկ ուրիշ գործոնից:

ՃՇՄԱՐՏՈՒԹՅՈՒՆ, ԹԵ՞ ԱՌԱՍՊԵԼ 2. ԱՆՀՐԱԺԵՇՏ ՔԱՆԱԿՈՎ ՋՈՒՐ ԽՄԵԼԸ ԲԱՎԱԿԱՆ Է ՄԱՇԿԸ ԽՈՆԱՎԱՑՆԵԼՈՒ ՀԱՄԱՐ

ԱՌԱՍՊԵԼ Է: Իհարկե բավականաչափ ջուրը օգտակար է օրգանիզմի և ինքնազգացողության համար, սակայն, եթե քո մաշկն ունի տեղային խոնավացման կարիք, գնի՛ր քսուք կամ շիճուկ: Միակ դեպքը, երբ ջուր խմելուց առաջ և հետո նկատելի է տարբերությունը, մարմնի ջրազրկումն է: Իսկ մարմինը ջրազրկել պետք չէ:

Ի՞ՆՉ ԱՆԵԼ: Առավոտյան  և երեկոյան օգտագործի՛ր շիճուկ և քսուք՝ խոնավության հաշվեկշիռը պահպանելու համար: Մի մոռացիր ջուր խմելու մասին:

ՃՇՄԱՐՏՈՒԹՅՈՒՆ, ԹԵ՞ ԱՌԱՍՊԵԼ 3: ԼԱՅՆԱՑԱԾ ԾԱԿՈՏԻՆԵՐԸ ԿԱՐԵԼԻ Է ՓՈՔՐԱՑՆԵԼ

ԱՌԱՍՊԵԼ Է: Լայնացած ծակոտիների առաջացման պատճառները երեքն են. գենետիկա, ծերացում և ճարպագեղձերի աշխատանքի խանգարումներ: Սեբումի, կարծրացած բջիջների և աղտոտվածության ավելցուկը խցանում և ձգում է ծակոտիները: Ապա գործի է անցնում ժամանակը. մաշկը կորցնում է առաձգականություն ու կախվում է, արդյունքում՝ ծակոտիներն ավելի լայն են թվում:

Ի՞ՆՉ ԱՆԵԼ: Մաշկի խորությամբ մաքրումն ու սկրաբի կիրառումը կօգնի մաքրել կուտակված աղտոտվածությունը, կոշտացած բջիջների շերտը և սեբումը: Այնպես որ օգտագործի՛ր քո մաշկին հարմար մաքրող միջոց և տոնիկ՝ ավելորդից ժամանակին ազատվելու համար:

ՃՇՄԱՐՏՈՒԹՅՈՒՆ, ԹԵ՞ ԱՌԱՍՊԵԼ 4: ՄԱՇԿԻ ՀԱԿԱՏԱՐԻՔԱՅԻՆ ԽՆԱՄՔՈՒՄ ՏԱՐԻՔԸ ՆՇԱՆԱԿՈՒԹՅՈՒՆ ՉՈՒՆԻ

ՃՇՄԱՐԻՏ Է: Մարդու մաշկը եզակի է: Ծերացման նախանշանները հայտնվում են տարբեր ժամանակահատվածում և պայմանավորված են մի շարք գործոններով՝ գենետիկայով, շրջակա միջավայրի ազդեցությամբ, կենսակերպով և այլն: Հենց այդ պատճառով տարիքը կարելի է օգտագործել որպես հաշվարկի մեկնարկային կետ, սակայն հակատարիքային խնամք ընտրելիս պետք է ուշադրություն դարձնել ծերացման նախանշաններին. խորը կնճիռներ, գունակավորում, դիմագծերի հստակության կորուստ, դիմախաղից առաջացած կնճիռներ, խամրածություն և լայնացած ծակոտիներ:

ՃՇՄԱՐՏՈՒԹՅՈՒՆ, ԹԵ՞ ԱՌԱՍՊԵԼ 5: ԽՈՆԱՎԱՑՆՈՂ ՄԻՋՈՑՆԵՐԸ ԵՎ ՅՈՒՂԵՐԸ ՎՆԱՍԱԿԱՐ ԵՆ ՅՈՒՂՈՏ ՄԱՇԿԻ ՀԱՄԱՐ

ԱՌԱՍՊԵԼ Է: Մաշկի ցանկացած տիպ խոնավացման կարիք ունի: Չէ՞ որ նույնիսկ յուղոտ մաշկը կարող է ջրազրկվել ճարպագեղձերի աշխատանքի խանգարման դեպքում:

Ի՞ՆՉ ԱՆԵԼ: ընտրի՛ր այնպիսի խնամք, որը կկարգավորի հաշվեկշիռն ու կապահովի մաշկի խոնավացումը: Ուշադրություն դարձրու միջոցների կառուցվածքին: Առավել թեթև կառուցվածքը հարմար է յուղոտ, իսկ խիտ և հարուստը՝ չոր և նորմալ մաշկի, ինչպես նաև գիշերային խնամքի համար: Մի՛ վախեցիր յուղեր օգտագործելուց.  ինչպես պատիճներով, այնպես էլ առանց պատիճներիՈրպեսզի մաշկը չապստամբի, հիշի՛ր օգտագործվող միջոցների ծավալի մասին: Օրինակ՝ պարանոցին, դեմքին և լանջաբացվածքին յուղ տարածելու համար, անհրաժեշտ է փոքր քանակություն (երկու չամիչի չափ):

Տեքստ Ֆոտո Getty Images