ՆԱԽՈՒՏԵՍՏ. ՇՎԵԴԱԿԱՆ ԲՈՒՏԵՐԲՐՈԴՆԵՐ
Սիրելի պանիր, սիրելի հաց, մի քիչ երևակայություն, և տոնական երկույթի խոհանոցային հիթը պատրաստ է: Փորձի՛ր ավանդական շվեդական բուտերբրոդների մեր տարբերակները.
— Սևահացի վրա՝ թթվասեր, սաղմոն և կանաչի
— Սպիտակ հացի վրա՝ ռիկոտա ու թարմ թուզ
— Սպիտակ հացի վրա՝ սերուցքային պանիր, սիրելի մրգեր ու հատապտուղներ
— Սևահացի վրա՝ ավոկադոյի խյուս, ձու ու կանաչի
ՀԻՄՆԱԿԱՆ ՈՒՏԵՍՏ. ՏԵՖՏԵԼԻ՝ ՍԵՐՈՒՑՔԱՅԻՆ ՍՈՈՒՍՈՎ
Պատրաստի՛ր տեֆտելի հորթի մսից՝ քո սիրելի բաղադրատոմսով և մատուցի՛ր փոքրիկ եփած կարտոֆիլներով: Ավելացրու նաև սերուցքային սոուս. սա թերևս շվեդական ավանդական մսագնդերի մատուցման լավագույն տարբերակն է:
Սոուսի համար քեզ անհրաժեշտ է.
—650 մլ կաթ
—40 գ ցորենի ալյուր
—60 գ կարագ
—1 դափնու տերև
—Մի պտղունց մշկընկույզ
—Աղ/բիբար՝ ըստ ճաշակի
—60 գ Սպիտակուցային համալիր (ըստ ցանկության)
Պատրաստման եղանակը.
1. Մարմանդ կրակին կարագով տապակել ալյուրը, բարակ շիթով լցնել կաթը՝ անընդհատ խառնելով: Գնդիկներ չլինելու համար կրակը մի քիչ ուժգնացնել:
2. Սոուսի մեջ լցնել մշկընկույզ, դափնու տերև: Սոուսը հասցնել եռման աստիճանի, ապա ավելացնել աղն ու պղպեղը՝ ըստ ճաշակի:
3. Վերցնել կրակից, ավելացնել սպիտակուցային համալիրը (ըստ ցանկության), խառնել և անցկացնել մաղով:
ԱՂԱՆԴԵՐ. ՏԱՆՁԵՐ՝ ՎԱՆԻԼԱՅԻՆ ՍՈՈՒՍՈՎ
Տանձերը եփի՛ր համեմունքներով քաղցր օշարակի մեջ և վրան կտրատած ընկուզեղեն ցանիր: Տանձերը պատրաստվում են ընդամենը 10 րոպեում և արդեն իսկ լավն են, բայց մենք առաջարկում ենք այս ուտեստն ավելի համեղ դարձնել՝ վրան վանիլային սոուս ավելացնելով:
Սոուսի համար անհրաժեշտ է.
— 4 ձվի դեղնուց
— 110 գ շաքարավազ
— 500 մլ կաթ
— 1 պտղունց վանիլ
— 40 գ «Նեչուրալ բալանս» կոկտեյլ վանիլի համով (ըստ ցանկության)
Պատրաստման եղանակը.
1. Կաթսայի մեջ մարմանդ կրակին տաքացնել կաթը մի պտղունց վանիլով՝ չհասցնելով եռման:
2. Մինչ կաթը տաքանում է, շաքարավազով հարել դեղնուցները: Դանդաղ լցնել դեղնուցը կաթի մեջ և եփել մարմանդ կրակին՝ անընդհատ խառնելով ու չհասցնելով եռման, 5-6 րոպե:
3. Վերցնել կրակից, ավելացնել «Նեչուրալ բալանս» կոկտեյլը (ըստ ցանկության), լավ խառնել և թողնել, որ սառչի:
