Ինչպե՞ս եղունգները խնամել ձմռանը

Առաջին հայացքից դա կարող է թվալ ակնառու, սակայն ցուրտը բացասաբար է անդրադառնում եղունգների վիճակի վրա։ Ինչպե՞ս դրանք պաշտպանել։ Մենք կպատմենք։

ՄԻ՛ ՄՈՌԱՑԻՐ ԽՈՆԱՎԱՑՄԱՆ ՄԱՍԻՆ
Մենք մշտապես խոսում ենք խոնավացման մասին, և դա արդարացի է։ Գիտե՞ս ինչու։ Եղունգների խոնավացումը նույնքան կարևոր են, որքան մաշկինը։ Այդ պատճառով մի մոռացիր խոնավացնող քսուքը տարածել եղունգներին և կուտիկուլին, իսկ առանձնահատուկ ցուրտ օրերին կարող ես օգտագործել շուրթերի բալզամ։ Գործում է, ստուգված է։

Մենք ընտրում ենք «Կաթ և մեղր. Ոսկե շարք» ձեռքերի խոնավացնող քսուքը


ՄԵՐՍԻՐ ԿՈՒՏԻԿՈՒԼԸ
Քսուքի կիրառմամբ կուտիկուլի ամենօրյա մերսումը շատ կարևոր է եղունգների առողջության համար։ Սակայն ի՞նչ անել, երբ քսուքը չի օգնում։ Քեզ կօգնի կուտիկուլի սկրաբը։ Այն կհեռացնի մահացած բջիջները և կօգնի, որ քսուքը ներծծվի շատ արագ և հաղորդի անհրաժեշտ արդյունքը։

Մենք խորհուրդ ենք տալիս Փափկացնող բալզամը The ONE-ից  կուտիկուլի խնամքի համար և սկրաբը՝ կուտիկուլը հեռացնելու համար։

ԶԳՈՒՅՇ ԽԱՐՏՈՑԻ ՀԵՏ
Եթե առայսօր եղունգներդ խարտում ես՝ խարտոցը տանելով առաջ ու հետ, ապա դադարիր դա անել հենց այսօր։ Դու կարող ես այդ կերպ վնասել եղունգները, կամ ինչն ավելի վատ է՝ նպաստել դրանց շերտավորվելուն։ Խարտոցը պետք է տանել միայն մեկ ուղղությամբ։ Մեկ այլ տարածված սխալ է կուտիկուլը կտրելը։ Կտրելով կարող ես նպաստել վարակի ներթափանցմանը, ինչի հետևանքները կարող են լինել շատ տհաճ։ Եվ վերջապես, քո մետաղական խարտոցը փոխարինիր առավել նուրբ տարբերակով։ Քո եղունգները շնորհակալ կլինեն։

Ուշադրություն դարձրու եղունգների խարտոցին։

ԹՈՂ ԵՂՈՒՆԳՆԵՐԸ ՀԱՆԳՍՏԱՆԱՆ
Մենք բոլորս էլ պաշտում ենք մատնահարդարումը, սակայն լաքի մշտական կիրառումը կարող է եղունգների վրա թողնել բացասական ազդեցություն։ Բանն այն է, որ եղունգների տարատեսակ նյութեր ներծծելու ունակությունն ավելի բարձր է, քան մաշկինը։ Դա հանգեցնում է դրանց չորանալուն և գունազրկմանը։ Արդյունքում քո եղունգները ձեռք կբերեն ոչ այնքան հրապուրիչ տեսք։ Նմանատիպ տհաճություններից խուսափելու համար ժամանակ առ ժամանակ թող եղունգները հանգստանան։ Ընթացքում օգնիր դրանց վերականգնվել եղունգների դիմակի կամ խնամքի սնուցող միջոցի օգնությամբ։

Մեր ընտրությունը՝ Եղունգների սնուցող յուղ-խնամք The ONE-ից։

ԴԻՐ ՁԵՌՆՈՑՆԵՐ ԹԵ՛ ԴՐՍՈՒՄ, ԹԵ՛ ՏԱՆԸ
Ձմռանը ձեռնոցներ կրելն անհրաժեշտություն է։ Բացի ցրտից դրանք պաշտպանում են քո մաշկն ու եղունգները խոնավության կորստից։ Սակայն արդյո՞ք գիտես, որ ձեռնոցներն անհրաժեշտ են ոչ միայն դրսում, այլև՝ տանը։ Ձեռքերի խոնավացնող քսուքը տարածելուց հետո բամբակե ձեռնոցներ հագնելը նպաստում է միջոցի առավել շուտ ներծծվելուն։ Ձեռնոցները կարող ես դնել նաև գիշերվա ընթացքում։ Արդյունքը նկատելի կլինի վառ առավոտյան։

Փորձիր Ձեռքերի խնամքի ձեռնոցները։

ԽՄԻՐ ՎԻՏԱՄԻՆՆԵՐ
Քո եղունգների ամրությունն ու առողջությունը ապահովելու համար բավարար չէ միայն քսուքի և խարտոցի կիրառումը։ Անհրաժեշտ է նաև ճիշտ սնվել կամ ընդունել հատուկ հավելումներ, որոնք կբարելավեն եղունգների վիճակն ու արտաքին տեսքը ներսից։ Հավելումներ ընտրելիս՝ բաղադրության մեջ փնտրիր երկաթ և L-ցիստեին, որոնք կարևոր են եղունգների առողջությունն ու ամրությունն ապահովելու համար։

Ուշադրություն դարձրու Մազերի ու եղունգների նուտրիհամալիրին։

Տեքստ Ֆոտո Oriflame Brand Images