5 հարց բուսթերների մասին

Ի՞նչ է բուսթերը
Այս կոնցենտրացված միջոցը լուծում է խնդիրեր, որոնք միշտ չէ, որ բնորոշ են քո մաշկին, այլ առաջանում են տվյալ պահին՝ որպես սխալ կենսակերպի հետևանք: Օրինակ՝ կերել ես չափից շատ շոկոլադ և արթնացել մաշկիդ վրա ցանավորմամբ: Կամ ամբողջ գիշեր զվարճացել ես, իսկ առավոտյան արթնացել դեմքի խամրած գույնով: Բուսթերն օգնում է արագ կարգի բերել մաշկը:

Եթե ես շիճուկ ունեմ, բուսթերն այլևս պետք չէ՞:
Շիճուկը համալիր խնամքի մաս է, դու այն օգտագործում ես ամեն օր, որպեսզի մաշկդ նախապատրաստես քսուքի տարածմանը: Բուսթերն ավելացվում է քսուքի մեջ և օգտագործվում մեկ անգամ, կամ օգտագործման հատուկ կուրս ունի, երբ անհրաժեշտ է հավելյալ խնամք՝ հստակ նպատակով: Պատահական չէ, որ բուսթերը վաճառվում է փոքրիկ շշով: Դրանում ակտիվ նյութերի պարունակությունը շատ ավելի մեծ է, քան շիճուկի մեջ, և դրա շատ փոքր քանակությունը բավարար է: 

Ինչպե՞ս և ե՞րբ օգտագործել բուսթերը
Բուսթերի մի քանի կաթիլ ավելացրո՛ւ սիրված Optimals քսուքի մեջ, խառնի՛ր, մինչև միատարր զանգված ստանալը և տարածի՛ր որպես մաշկի խնամքի եզրափակիչ գործողություն: Դու կարող ես այն օգտագործել առավոտյան կամ երեկոյան, օրական մեկ կամ երկու անգամ, մեկանգամյա կամ ամբողջական կուրսով՝ ելնելով մաշկիդ վիճակից և տեսանելի արդյունքից:  Ոչ մի դեպքում մի՛ օգտագործիր բուսթերն առանձին. միայն քսուքի հետ համատեղ:

Կարո՞ղ եմ համատեղել բուսթերը շիճուկի/նրբաքսուքի/դիմակի հետ:
Պետք չէ համալիր խնամքի որևէ փուլից հրաժարվել այն օրը, երբ պլանավորում ես բուսթեր օգտագործել: Դրա բանաձևերը կատարելապես համատեղվում են Optimals համալիր խնամքի մյուս միջոցների հետ: 

Արդյո՞ք պետք է ընտրել բուսթերի տեսակը:
Շիճուկը կարող է լինել միակը, այն պետք է ընտրես խստորեն հենց քո՛ տեսակի մաշկի համար, մինչդեռ բուսթերները հարմար են բոլորին: Դի՛ր դիմահարդարման սեղանիդ վրա միանգամից երեք բուսթեր և օգտագործի՛ր ըստ իրավիճակի:  

Էներգետիկ բուսթեր
Օգնում է վերականգնել մաշկի հանգստացած տեսքը և փայլը անքուն գիշերից հետո:  Նիացինամիդը և Swedish blend համալիրը՝ սև հաղարջի և կեռասի բաղադրությամբ, հարթեցնում են դեմքի գույնն ու այն ավելի բաց դարձնում, և լիցքավորում էներգիայով:  

Սնուցող բուսթեր
Մաշկին հաղորդում է փափկություն, վերացնում անսպասելի թեփոտվածությունը, որն առաջանում է ջրազրկման կամ չոր օդի հետևանքով: Մաշկի վերականգնումը, հարթությունն ու առաձգականությունը ապահավում է E վիտամինը և շետերակի յուղի, մասուրի և կանոլայի յուղերի հիմքով  Swedish blend համալիրը:

Նորացնող բուսթեր
Պայքարում է ցանավորման և ֆասթֆուդի մարաթոնից հետո խցանված ծակոտիների դեմ: Swedish blend համալիրը՝ չիչխանի և կոկռոշենու հիմքով, խթանում է բջիջների նորացումը, իսկ B5 պրովիտամինն ու ծովային պրեբիոտիկը մաքրում և խորությամբ խոնավացնում են մաշկը: