Տնային սպա: Հասիր լիարժեք ներդաշնակության

Առջևում ձմեռային տոներն են, դա նշանակում է՝ կունանաս ավելի շատ ազատ ժամանակ: Երեկույթների և խնջույքների արանքում մի մոռացիր մի փոքր հանգստանալ և ինքդ քեզ ժամանակ տրամադրել:

ՀԵՌԱՑՆԵԼ ԲՈԼՈՐ ԱՎԵԼՈՐԴՈՒԹՅՈՒՆՆԵՐԸ

Գոլորշուց հետո մաշկը շատ լավ արձագանքում է սկրաբներին և պիլինգներին: Պիլինգը կարող եք համատեղել մերսման հետ. դա շատ հաճելի զգացողություններ կնվիրի: Օրինակ՝ մերսող  օճառ-սկրաբը ներառում է անհրաժեշտ բոլոր բաղադրիչներ խորը լիցքաթափման համար: Մերսող մակերեսով օճառը խթանում է արյան շրջանառությունը, հարթեցնում է մաշկը և նպաստում լիցքաթափմանը՝ թեթև ծաղկային-ջրային բույրի շնորհիվ:

ՄՈՒԼՏԻԹԱՍՔԻՆԳ

Նախքան լոգանք ընդունելը մազերին տարածեք սիրելի յուղը, այն կսնուցի և կփափկացնի մազերդ ու կնվիրի հաճելի բույր: Մաշկի մաքրման մասին հոգ տար քսուքների  և բնական բաղադրիչներով  դիմակների  օգնությամբ:Կարևորը՝ ամեն ինչ նախապես պատրաստել: Ինչու՞ ժամանակ կորցնել, եթե մեկ սպա-օրվա ընթացքում կարող ես կատարել մի քանի բյութի-առաջադրանք:

ԾՈՎԸ՝ ՆԵՐՍՈՒՄ

Երբ գնում ենք ծով, հաճախ նկատում ենք ուժերի ներհոսք, իմունիտետի ուժեղացում, եղունգների և մազերի վիճակի բարելավում։ Ասես էներգիայով ենք լցվում առաջիկա մի քանի ամիսների համար: Լավ նորությունն այն է, որ ծովային աղով տնային լոգանքները ունեն նույն ազդեցությունը: Մատչելի և արդյունավետ. աղը ոչ միայն ազատում է քրոնիկ հոգնածության ախտանիշից, այլև օգնում է բուժել մի շարք այլ հիվանդություններ։

ԱՐՈՄԱԹԵՐԱՊԻԱ

  Բույրերը մեծ ազդեցություն ունեն մեր ինքնազգացողության վրա: Դրա համար շատ կարևոր է ընտրել բույրեր ըստ տրամադրության և հասկանալ՝ ինչ ես ուզում. լիարժեք լիցքաթափվել, թե՞ էներգիա հավաքել ակտիվ օրվանից առաջ: Ընտրիր միջոցներ՝ ըստ քո ներքին պահանջների և օրգանիզմդ քեզնից շնորհակալ կլինի: Կարելի է պատրաստել նաև քեզ ոգեշնչող երգերի հատուկ երգացանկ: Այս ֆոնը քեզ համար ճիշտ տրամադրություն կստեղծի:

ՄԻ ՄՈՌԱՑԻՐ ԽՈՆԱՎԱՑՄԱՆ ՄԱՍԻՆ

Եթե սիրում եա տաք լոգանքներ, նկատի ունեցիր, որ գոլորշուց հետո մաշկը չորանալիս կորցնում է խոնավությունը: Դրա համար տաք լոգանքներից, պիլինգից և այլ պրոցեդուրաներից հետո անհրաժեշտ է խոնավացնող կամ սնուցող քսուքները տարածել ամբողջ մարմնին: Տարվա ցուրտ եղանակին, երբ մաշկի վրա ազդում է դրսի ցուրտը, այնուհետև փակ տարածության ջերմությունը, կարևոր է ընտրել սնուցող քսուք-յուղ 

ԵՎ ՎԵՐՋՈՒՄ

Լոգանքից հետո անհրաժեշտ է ամրապնդել արդյունքը, մաշկին հնարավորություն տալ ստանալ բոլոր անհրաժեշտ նյութերը, իսկ ինքդ քեզ՝ ժամանակ անցնելու նոր կարգավիճակի՝ էլ ավելի գիտակցված և ոգեշնչված: Մի՛ շտապիր ընդհատել սպա-արարողակարգը, օգտվիր քսուքներից, որոնց գիշերային ազդեցությունը կտա քեզ կախարդական արդյունք. Հատուկ ուշադրություն դարձրու  ձեռքերիդ. ի վերջո, հատկապես ձմռան սեզոնին մաշկը ենթարկվում է շրջակա միջավայրի ակտիվ ազդեցության:

Օգտվի՛ր այս խորհուրդներից և կնկատես ինչպես են փոխվում թե՛ ներքին, թե՛ արտաքին զգացողություններդ : Ինքդ քեզ ժամանակ հատկացրու, ջանք մի խնայիր մարմնի մասին հոգ տանելու համար և ուշադիր ընտրիր խնամքիդ միջոցները: Սա քո ներդրումն է քո կյանքի որակի մեջ: