Oriflame-ի Welness շարքի սննդի հարցերով Գիտական խորհուրդ

Ոչ մի միֆ. միայն մասնագիտական գիտելիքներ և գիտական վերջին տվյալներ. Oriflame-ը ստեղծել է ներքին խորհուրդ սննդի և առողջ ապրելակերպի ոլորտի բարձրակարգ մասնագետներից, որպեսզի օգնի քեզ հեշտ և ներդաշնակ արդյունքներ գրանցել այս ոլորտներում: Իմացի՛ր ավելին մեր մասնագետների մասին:

 

Մեր օրերում բազաթիվ կարծիքներ կան, թե ինչպես պետք է սնվել՝ ավելի լավ զգալու և առողջ լինելու համար: Յուրաքանչյուրն իր պատմությունն ու փորձն ունի, և բոլորը չեն, որ կիսվում են դրանցով մասնագիտական կրթություն ստանալուց հետո, ինչի հետևանքով անգամ տարօրինակ և վտանգավոր սննդակարգերը մեծ տարածում են ձեռք բերում: Ահա թե ինչու Oriflame-ի Wellness բրենդի համար այդքան կարևոր են կրթությունը և մասնագիտական գիտելիքները:

Սննդի հարցերով Welness-ի խորհուրդն ընդգրկում է բարձր կարգի սննդաբաններ և դիետոլոգներ: Միավորելով իրենց գիտելիքները՝ նրանք ստեղծում են սնվելու փիլիսոփայություն, մասնակցում են ապրանքատեսակների մշակմանն ու ապահովում են խորհրդատվություն՝ կապված սննդի արդիական հարցերի հետ՝ ըստ շրջանների: Այսօր առաջարկում ենք ծանոթանալ նրանց հետ:  

Քերոլայնը միացել է Oriflame-ին 2019թ.-ի փետրվարից: Նա դիպլոմավորված սննդաբան է և ունի.

  • Անհատի սննդակարգի գիտությունների մագիստրոսի աստիճան, որը ստացել է Մարգարիտ թագուհու համալսարանում, Էդինբուրգ, Շոտլանդիա, Մեծ Բրիտանիա,
  • Սննդային գիտությունների բակալավրի աստիճամ. Համալսարանական քոլեջ, Դուբլին, Իռլանդիա,
  • Թվային մարքեթինգի դիպլոմ. Ֆիցվիլյամի ինստիտուտ, Դուբլին, Իռլանդիա:

Գիտական հետաքրքրության ոլորտներ. մթերքների սննդային արժեք, սպորտային սնունդ և ֆունկցիոնալ մթերքներ:

Քերոլայնը մթերքների սննդային արժեքների հետազոտության, սննդամթերքների և հավելումների, ինչպես նաև հանրային առողջապահության փորձագետ է:

Նա սկսել է իր հետազոտական կարիերան համալսարանի լաբորատորիայում՝ հետազոտելով ֆունկցիոնալ մթերքները՝ բաղադրիչներ, որոնք բացի սննդային արժեքից, հավելյալ օգուտ են տալիս օրգանիզմին: Ավելի ուշ աշխատել է սպորային սննդի մի երիտասարդ ընկերությունում, որտեղ համոզվել է, որ սնունդը կարող է որոշիչ գործոն դառնալ հաջողության կամ պարտության համար: Նա նաև առողջ ապրելակերպի հետ կապված մի քանի նախագծեր է իրականացրել  տարիքային տարբեր խմբերի համար, այդ թվում՝ երեխաների, դեռահասների և բարձր տարիքի առողջ մարդկանց շրջանակում:

Քերոլայնն իր կարիերան շարունակել է սննդային ապրանքատեսակներ արտադրող մի մեծ ընկերության մարքեթինգի բաժնում: Այստեղ զբաղվել է գիտական հաղորդակցությամբ, ինչպես նաև ուսումնասիրել է սննդի այնպիսի բաղադրիչներ, ինչպիսին են պրոտեինը, բջջանյութը և իմունիտետը բարձրացնող բաղադրիչները: Նաև զբաղվել է օգտակար ապրանքատեսակների նորարարական մշակմամբ, որպեսզի թեթևացնի սպառողի ընտրությունը՝ հօգուտ առողջ սննդի:

Քերոլայնն առողջ սնունդը համարում է կարևոր միջոց՝ օրգանիզմի վրա ազդելու համար. չէ՞ որ մեր ամենօրյա սննդային սովորություններն արտացոլվում են առողջության և ինքնազգացողության մեջ և անգամ կարող են հիվանդություններ կանխարգելել:

Նա սննդին վերաբերում է որպես հաճույքի աղբյուր, միաժամանակ հասկանում է, որ սնունդը լավացնում է ինքնազգացողությունը: Սնունդը նրա համար էներգիայի աղբյուր է և մաշկի վիճակը բարելավելու, օրգանիզմում բորբոքումները նվազեցնելու, իմունիտետի և երկարակեցությունը բարձրացնելու միջոց:

Քերոլայնին միշտ հետաքրքրել են սննդի տարբեր սկզբունքները, որոնք դրական ազդեցություն են ունեցել օրգանիզմի վրա: Այժմ, նա ուրախ է աշխատել շվեդական ընկերությունում, որտեղ կարող է առաջ տանել սքանդինավյան սննդակարգի սկզբունքները՝ հայտնի աշխարհի բազմաթիվ մշակույթներում:

Իզաբելլան Oriflame-ի թիմին միացել է 2019թ.-ի սեպտեմբերից: Նա սննդաբան է, և նրա պորտֆոլիոն ներառում է՝

  • Դիպլոմավորված մասնագետ սննդային գիտությունների և սննդի որոլտում. Շվեդական գյուղատնտեսական համալսարան, Ուպսալա, Շվեդիա:
  • Դիսերտացիա. «Ամբողջահատիկային մթերքներ տարեկանից. ազդեցությունը ախորժակի և նյութափոխանակության վրա», 2016:
  • Անհատի սննդային գիտությունների մագիստրոսի աստիճան.Ստոկհոլմի համալսարան և Քարոլինյան ինստիտուտ, Շվեդիա:
  • Սննդային գիտությունների բակալավրի աստիճան .Ստոկհոլմի համալսարան և Քարոլինյան ինստիտուտ, Շվեդիա:
  • 5 գրախոսված հետազոտական աշխատանք ախորժակի և նյութափոխանակության թեմաներով/ հեղինակ.համահեղինակ:

Գիտական ոլորտի հետաքրքրություներ. սնունդ, ախորժակի վերահսկողություն և սպառողական մոտեցումներ:

Իր դոկտորական դիսերտացիայի վրա աշխատելիս Իզաբելլան կլինիկական փորձարկումներ է անցկացրել, որոնք գնահատում են ամբողջահատիկ տարեկանի ազդեցությունը, սննդային մանրաթելերի (այդ թվում՝ պրեբիոտիկ մանրաթելերի) և բուսական սպիտակուցի ազդեցությունն ախորժակի (սով և հագեցվածություն), հորմոնների, նյութափոխանակության վրա և աղիների արձագանքն առողջ մեծահասակների մոտ:  Այս հետազոտությունը թույլ է տալիս եզրահանգումներ անել  տարեկանից ամբողջահատիկ մթերքների օգտակարության վերաբերյալ՝ առողջության և երկարաժամկետ կուշտ լինելու համար:

Բացի կլինիկական հետազոտություններից, Իզաբելլան ունի նաև սենսորային և սպառողական նորարակական հետազոտությունների փորձ սննդի և ըմպելիքների ապրանքատեսակների արտադրությունում:

Իզաբելլան սերում է բժիշկների ընտանիքից, այդ իսկ պատճառով ի սկզբանե պատրաստվում էր բժիշկ դառնալ  գաստրոէնտերոլոգիայի ոլորտում: Այնինչ, նա հասկացավ, որ չի ուզում զբաղվել հիվանդների բուժմամբ, փոխարենը կկանխարգելի հիվանդությունների առաջացումը:

Այդ իսկ պատճառով համալսարանում նա ուսումնասիրել է անհատի սնման հարցերը և լայնամասշտաբ գիտելիքներ է ստացել ամեն ինչի մասին՝ մոլեկուլյար սննդից մինչ հանրային առողջապահություն:

Իզաբելլայի հետաքրքրությունն առ այն, թե ինչ է կատարվում աղիքներում, մեծացել է ուսման տարիներին և ի սկզբանե նա կենտրոնացած էր սննդային մանրաթելերի ուսումնասիրության վրա:  Մագսիտրոսական թեզի վրա աշխատանքն` «Ամբողջահատիկների և սննդային մանրաթելերի ազդեցությունն ախորժակի վրա» թեմայով, ցորենահատիկների արտադրությամբ զբաղվող հսկայական շվեդական ընկերությունում ՝ ճանապարհ բացեց դեպի դոկտորական աստիճան՝ նույն հետազոտության հիման վրա:

Իզաբելլային շատ էր դուր գալիս աշխատել ակադեմիական հետազոտությունների հետ, բայց  զգում էր, որ ուզում է ավելի մոտ դառնալ իրական սպառողին: Այդ իսկ պատճառով սկսեց զբաղվել սպառողական հարցերով՝ շուկայի ուսումնասիրությամբ զբաղվող աշխարհում մեծությամբ երրորդ ամենամեծ ընկերությունում:

Մարլենը դարձել է Oriflame-ի թիմի մի մասը 2019թ.-ի հունիսի: Նա դիպլոմավորված դիետոլոգ է, ինչպես նաև.

  • Անհատի սննդի գիտությունների և սննդաբանության բակալավրի և մագիստրոսի աստիճան, Ուպսալայի համալսարան, Ումեոյի համալսարան, Շվեդիա:
  • Մասնագիտացում՝ սպորտային սնունդ:
  • Մերսող թերապևտի արտոնագիր:
  • Սպորտային մարզչի դիպլոմ:

Գիտական հետաքրքրության ոլորտներ. սպորտային սնունդ, սննդային ապրանքատեսակների էկոլոգիական անվտանգություն, ուսուցանող թրեյնինգներ:

Մարլենի կարիերան սկսվել է համաշխարհային հզորագույն ընկերություններից մեկի՝ հանրային սննդի ոլորտում, որտեղ նա աշխատում էր սեզոնային մթերքներից առողջ և բազմազան բաղադրատոմսեր ստանալու վրա:

Շվեդիայի բնությունը Մարլենի սրտում առանձնահատուկ տեղ է գրավում: Ահա թե ինչու օգտագործելով իր փորձը՝ որոշեց օգտակար ճաշացանկը վերափոխել էլոկոգիապես մաքուր ճաշացանկի: Նա մշակել է առողջ և էկոլոգիապես անվտանգ գաղափար, որն այսօր օգտագործվում է ողջ աշխարհում:

Մարլենը սկսել է առողջության և welness-ի նկատմամբ հետաքրքրություն ցուցաբերել լինելով դեռահաս, երբ ակտիվորեն զբաղվում էր սպորտով և ցանկանում էր ունենալ առողջ մարմին, որը երբեք չէր սահմանափակի իրեն իր ձգտումներում:

Սպորտի շնորհիվ՝ նրա մեջ մեծ ցանկություն առաջացավ հասնել ավելիին, քան անձնական նվաճումներն են: Այսպես, դեռահասության ուշ շրջանում նա դարձավ սպորտային մարզիչ տարբեր սպորտաձևերում և սիրահարվեց այն զգացողություններին և արդյունքներին, որ ունենում էին մյուսներն ու ինքը մարզումների շնորհիվ: Սա ոգեշնչեց  իմանալու ավելին, թե ինչպես է աշխատում և վերականգնվում մարմինը և սովորել մերսման գաղտնիքները դպրոցն ավարտելուց հետո:

Մարլենը միշտ նպատակասլաց է եղել: Նա սիրում էր իր առջև բարձր նպատակներ սահմանել և հասնել դրանց: Ահա թե ինչու սկսեց մասնակցել ֆիթնեսի մրցումներին: Տարիների ընթացքում եղել է լավագույնների ցանկում. տարիներով ավելի շատ փորձառություն և գիտելիք ձեռք բերելով առողջության և ինքնազգացողության մասին՝ որոշում կայացրեց անցնել առողջ ապրելակերպի ավելի ներդաշնակ և բալանսավորված մոտեցմանը:

Մարլենը խենթորեն տարված է առողջության ոլորտում դասավանդմամբ, նա սպորտային սնունդ է դասավանդել է անհատական մարզիչների և առաջնորդների Շվեդիայի ամենամեծ դպրոցներից մեկում: Սիրում է օգնել մարդկանց իրենց առօրյա կյանք ներառել առողջ սովորույթներ առավելագույնս պարզ միջոցով: