ԻՄՈւՆԱՅԻՆ ՀԱՄԱԿԱՐԳԴ ԲԱԼԱՆՍԱՎՈՐՎԱ՞Ծ Է

Իմունային համակարգ՝ դա օրգանիզմը վիրուսներից պաշտպանելու համակարգ է: Բարդ համակարգ, որը երբեմն կարող է խախտվել ապրելակերպի պատճառով: Թույլ իմունային համակարգը չի կարող արագ և էֆեկտիվորեն արձագանքել վիրուսների և մանրեների դեմ պայքարին, իսկ եթե այն շատ ուժեղ է, ապա պայքարում է անգամ փոշիների, ալերգիայի և անգամ օրգանիզմի սեփական բջիջների դեմ (աուտոիմուն խնդիրներ): Քո իմունային համակարգը հավասարակշռվա՞ծ է: 

ՊԱՀՊԱՆԻՐ ՈւԺԵՂ ԻՄՈՒՆԱՅԻՆ ՀԱՄԱԿԱՐԳԸ ՃԻՇՏ ՍՆՆԴԱՆՅՈՒԹԵՐԻ ՕԳՆՈՒԹՅԱՄԲ

Լավ սնվելը կարևոր է առողջ և ուժեղ իմունային համակարգի պահպանման համար, բայց ֆասթֆուդների աշխարհում, որոնք պարունակում են քիչ սննդանյութեր, հեշտ է բաց թողնել օրգանիզմին անհրաժեշտ ճիշտ սննդանյութերի քանակությունը: 

Վիտամիններ և հանքանյութեր. Կարևոր է սննդակարգից, հատկապես մրգերից, բանջարեղենից, ընկուզեղենից, սերմերից և լոբազգիներից ստանալ բավական քանակությամբ վիտամիններ և հանքանյութեր: Ըստ սննդային արտադրանքների անվտանգության եվրոպական գործակալության (EFSA) տվյալների, հատուկ վիտամինների և հանքանյութերի շարքին, որոնք նպաստում են իմունային համակարգի նորմալ աշխատանքին, պատկանում են վիտամիններ A, B6, B9, B12, C և D, նաև երկաթ, ցինկ, պղինձ և սելեն: 

Ֆիտոնուտրիենտներ. Ֆիտոնուտրիենտները՝ հատուկ սննդանյութեր են, որոնք արտադրվում են օրգանիզմի համար օգտակար բույսերից: Այնպիսի ֆիտոնուտրիենտներ, ինչպիսիք են կարոտինոիդները, ռեսվերատրոլը և ֆլավոնոիդները, հարուստ են մրգերով, բանջարեղենով, հատապտուղներով և համեմունքներով: Դրանք օգնում են պաշտպանել իմունային համակարգը օքսիդանտիվ սթրեսից, կառավարելով ազատ ռադիկալները:

Պրոբիոտիկներ և պրեբիոտիկներ. Քո իմունային համակարգի 70%-ը գտնվում է աղիքում, դրա համար կարևոր է պահպանել առողջ աղիքները և դրանց միկրոբիոմը պրո- և պրեբիոտիկների օգնությամբ: Պրոբիոտիկները՝ դրանք օգտակար բակտերիաներ են, որոնք ապացուցել են իրենց դրական ազդեցությունը առողջության համար, օրինակ՝ ապահովում են իմունային համակարգը: Դու կարող ես ստանալ օգտակար բակտերիաներ խմորված արտադրանքներից, ինչպիսին է յոգուրտը: Պրեբիոտիկները ապացուցել են առողջության վրա իրենց դրական ազդեցությունը, ազդելով որպես սնունդ օգտակար բակտերիաների համար: Խմորված մանրաթելերը համարվում են պրեբիոտիկների օրինակ, որոնք կարելի է ստանալ՝ օգտագործելով բանջարեղեն, ամբողջահատիկավորներ և լոբազգիներ: Պրո- և պրեբիոտիկները կարևոր են իմունային համակարգի համար: 

Օմեգա 3 ճարպաթթուներ.  Օմեգա 3 ճարպաթթուները, ինչպիսիք են ԷՊԹ և ԴՅԹ-ն պարունակվում են յուղոտ ձկան մեջ, ինչպիսին է սաղմոնը, սկումբրիան և սարդինան: Դրանք օգնում են պահպանել իմունային համակարգը, ունենալով հակաբորբոքային ազդեցություն: 

Ի՞ՆՉ Է ՊԵՏՔ ԱՆԵԼ, ԻՄՈւՆԱՅԻՆ ՀԱՄԱԿԱՐԳԸ ՊԱՀՊԱՆԵԼՈւ ՀԱՄԱՐ

Ճիշտ սնվելուց բացի, դու կարող ես պահպանել ուժեղ և բալանսավորված իմունային համակարգը, ամեն օր ապրելակերպի ճիշտ ընտրություններ կայացնելով. պահպանել առողջ քաշը, հաճախակի ֆիզիկական վարժություններ, սթրեսի նվազում և բավականաչափ քուն՝ դրանք ընդամենը մի քանի պարզ քայլեր են, որոնք կարող ես անել: