&inputFormat=png&q=90)
Ի՞նչ են շիճուկները
&inputFormat=png)
Շիճուկները արտադրանքներ են՝ նախատեսված մաշկի խնամքի համար, որոնք պարունակում են այնպիսի ակտիվ բաղադրիչների մեծ քանակություն, ինչպիսիք են հակաօքսիդանտները, թթուները և վիտամինները: Շիճուկը նպաստում է մաշկի վրա կոլլագենի արտադրմանը և օգնում է պահպանել խոնավության անհրաժեշտ մակարդակը: Շնորհիվ փոքր չափսերի բջիջների՝ շիճուկներն ունեն ավելի թեթև կառուցվածք, քան քսուքները և ապահովում են սնուցող նյութերի ներթափանցումը մաշկի խորը շերտեր:
Ինչո՞ւմն է շիճուկների օգտագործման առավելությունը
Շիճուկները ստեղծված են մաշկի ենթաէպիդերմալ շերտերում հատուկ խնդիրների լուծման համար, օրինակ՝ պիգմենտային հետքերի, մաշկի երանգի տարիքային փոփոխությունների և խորը կնճիռների դեմ պայքարելու համար: Շիճուկները հակատարիքային խնամքի անփոխարինելի մասն են, նրանց էֆեկտիվությունը ապացուցված է կլինիկական թեստավորումների արդյունքում:
Կարո՞ղ է շիճուկը փոխարինել ցերեկային կամ գիշերային քսուքներին
Ոչ, քանի որ խոնավացնող միջոցները նախատեսված են մաշկի խոնավության մակարդակը պահպանելու համար, քանի որ ստեղծում են պաշտպանիչ պատնեշ մաշկի և շրջակա միջավայրի միջև: Շիճուկներն աշխատում են այլ կերպ․ դրանք ներթափանցում են մաշկի խորություններ, որպեսզի ապահովեն այն սնուցող բաղադրիչներով:
Ցերեկային, գիշերային քսուքներն ու շիճուկները անհրաժեշտ են տարբեր նպատակների համար և հեռացնելով դրանցից ցանկացածը, դու զրկում ես մաշկդ այն կարևոր առավելությունից, որն ունի այս միջոցներից յուրաքանչյուրը: Ահա մի քանի գործոն, որոնք կօգնեն քեզ հասկանալ՝ որն ինչ է՝
Շիճուկներն ունեն թեթև կառուցվածք, ինչի շնորհիվ առանց դժվարության ներթափանցում են մաշկի մեջ և ապահովում են այն անհրաժեշտ բաղադրիչներով:
- Շիճուկները ուժեղացնում են ցերեկային քսուքի ազդեցությունը, բայց չեն փոխարինում այն:
- Ցերեկային քսուքն ունի խորը խոնավացնող ազդեցություն և պաշտպանում է մաշկն օրվա ընթացքում: SPF-ը պաշտպանում է մաշկը ֆոտոծերացումից:
- Գիշերային քսուքները ստեղծված են գիշերային ժամերին օգտագործման համար, նրանք սնուցում են մաշկը և օգնում են դրան վերականգնվել գիշերվա ընթացքում: Շիճուկը չի կարող ապահովել նման ազդեցություն:
Ինչպե՞ս օգտագործել շիճուկները:
Տարածիր շիճուկը դեմքի և պարանոցի մաքուր մաշկին՝ թեթև մերսող շարժումներով: Փոքր քանակությունը լիովին բավական է, քանի որ միջոցի բաղադրությունը հագեցած է և լավ է տարածվում մաշկի վրա: Շիճուկը հիանալիորեն ներծծվում է և երկու րոպե անց կարող ես տարածել քո սիրելի ցերեկային կամ գիշերային քսուքը:
