Շուրթերիդ՝ միայն լավագույնը. ծավալ հաղորդելու բնական միջոցները

Եթե ստվերաներկը պետք է երկար ընտրել և տարածել, իսկ գծաներկ քսելիս՝ անգամ չշնչել, ապա շրթներկի դեպքում, առաջին հայացքից, ամեն բան պարզ է: Տարածում ես մեկ շարժումով և վազում: Փորձիր շուրթերին ավելի շատ ժամանակ հատկացնել, և դու կզարմանաս, թե ինչպես այս պարզ քայլը 10 միավոր կավելացնի քո դիմահարդարմանը:

1. Նախապատրաստում
Հարդարումն ավելի լավ է պահպանվում նախապատրաստված շուրթերին:

Սկսի՛ր շերտազերծումից: Կարելի է տնային պայմաններում սկրաբ պատրաստել շուրթերի համար՝ խառնելով մեղրն ու մի փոքր շաքարավազը, և նույնիսկ մերսել շուրթերը սովորական ատամի խոզանակով: Այնուհետև պետք է տարածել ինտենսիվ խոնավացնող բալզամ:

2. Հիմք
Կատարյալ հիմք ստանալու առաջին տարբերակը՝ շրթներկի երանգին մոտ շուրթերի մատիտն է: Այն շրթներկի գույնն ավելի հագեցած կդարձնի և կերկարաձգի գույնի կայունությունը: Եթե ուզում ես պահպանել բնական տեսքն ու փայլը, օգտագործի՛ր թափանցիկ փրայմեր: Այն կանխարգելում է շրթներկի ծորալը և օգնում հարթեցնել շուրթերի մակերեսը: «Կուպիդոնի աղեղի» հատվածին տարածիր մի փոքր հայլայթեր, իսկ ստորին շրթունքի տակ մի փոքր ստվերաներկ՝ փայլազերծ վրձնի օգնությամբ, որը կարող ես գտնել գծաներկման համար գունապնակում

3. Շրջագծում
Այս փուլում դու կարող ես անել ամեն բան: Ուզո՞ւմ ես ծավալ հաղորդել: Գծաներկի՛ր շուրթերը՝ մի փոքր դրանց սահմանագծից դուրս գալով: Չափը մի՛ անցիր: Կարող ես նկարել մատիտի գծին հավասար գիծ՝ առավել բնական արդյունքի համար: Շուրթերդ տարբերվո՞ւմ են իրենց չափերով: Շուրթերից մեկի դեպքում անցիր նկարված գծից, երկրորդի դեպքում՝ այդ գծից ներս՝ չափերը հավասարեցնելու համար: 

4. Գույն և կառուցվածք
Կողմնորոշվի՛ր շրթներկի հարցում: Դասական քսուքանմանը առավել բնական կնայվի:  Այն երանգ կհաղորդի, միևնույն ժամանակ կպահպանի շուրթերի բնական կառուցվածքը:  Փայլուն շրթներկը տեսանելիորեն շուրթերն ավելի երիտասարդ կդարձնի՝ դրանց տեսողական հարթեցման և հյութեղ փայլի շնորհիվ: Փայլազերծ շրթներկը քեզ ավելի լուրջ կարգավիճակ կհաղորդի, իսկ թավշյա կառուցվածքի շնորհիվ այն հիանալիորեն կքողարկի ծավալ հաղորդելու մեր բոլոր խորամանկությունները: Փայլուն մասնկիներով շրթներկը առավելագույն ծավալ է հաղորդում: Այն օգտագործիր միայն շուրթերի կենտրոնում՝ բնական տեսք հաղորդելու համար, կամ ծածկիր շուրթերի ամբողջ մակերեսը, երբ ցանկանում ես սուպերաստղ լինել: 


5. Մոռացի՛ր կանոնների մասին
Յուրաքանչյուր կին շրթներկը տարբեր ձևով է տարածում: Կանանց մի մասը դրա համար վրձին է օգտագործում, մյուսները գույնը վերցնում են մատների ծայրով, մյուսները՝ հենց շրթներկի ծայրով և դրա համար նրանք հայելու կարիք չունեն: Որ տարբերակն է ճիշտ: Այն տարբերակը, որը քեզ հարմար է: Եթե արդյունքում գեղեցիկ և հավասարաչափ գույն է ստացվում, ուրեմն դու ամեն բան գերազանց ես անում: Կարևորը՝ մի մոռացիր ներկել շուրթերի անկյունները և հասիր շուրթերի ծայրերին՝ մատիտի գիծն ամբողջությամբ ծածկելու համար: Եթե ընտրել ես վառ երանգ, խորհուրդ ենք տալիս քողարկիչի վրձնով անցնել շուրթերի եզրերով՝ դրանք կատարյալ դարձնելու համար:  

Տեքստ Ֆոտո Oriflame

Գնել

Նմանատիպ հոդվածներ