Հիմա կատարյալ պահ է՝ թեման խորությամբ ուսումնասիրելու համար. չէ՞ որ մենք ստիպված ենք դիմակ դնել, որը փակում է դեմքի մեկ երրորդը: Մի խոսքով, այս գաղտնիքները պետք կգան ցանկացած պահի: Ներքևում խոսում ենք 6 հնարքի մասին՝ սկսած աչքերը վիզուալ մեծացնելուց, վերջացրած՝ ինչպես անել, որ սևաներկը պահպանվի ողջ օրվա ընթացքում:
Լայֆհաք #1. աչքերի տակ դիմափոշու կրկնակի շերտ
Տարածելիս՝ սևաներկը հաճախ կեղտոտում է կոպը: Դրանից խուսափելու համար միջազգային մակարդակի դիմահարդար Ջո Ադենուգան խորհուրդ է տալիս նախ դիմափոշի տարածել աչքերի շուրջ հատվածում. «Մինչ թարթիչներին անցնելը, փխրուն դիմափոշի տարածիր և ամրացրու այն ֆիքսող ցողաշիթով: Եթե ստվերաներկ ես օգտագործում, մի մոռացիր կոպերի փրայմերի մասին: Այն ևս թույլ չի տա, որ սևաներկն արտատպվի»:
Դիմափոշին ունի ևս մեկ առավելություն. եթե օրվա ընթացքում փշրվում է սևաներկը, այն ավելի հեշտ կլինի վրձնով հեռացնել: Կարող ես նաև միանգամից օգտագործել Կայուն սևաներկ՝ բացված հայացի էֆեկտով THE ONE IN ACTION, դրա հատուկ բանաձևը չի ծորում և չի արտատպվում:
Լայֆհաք #2. ջրակայուն սևաներկ՝ գաղտնի զենք
Հերիք է կորացնես թարթիչներն, ու դրանք դառնում են ծավալուն՝ առանց որևէ արհեստական թարթիչի կամ երկարացման:
Կորացնող գործիքը հարմարեցրու թարթիչների արմատների մոտ, սեղմիր և սահեցրու վեր՝ դեպի ծայրերը: Այս գործողությամբ հովհարի էֆեկտ կստանաս: «Իսկ ինչպե՞ս անել այնպես, որ կորացումը մնա ողջ օրվա ընթացքում»,- կհարցնես դու: «Շատ կարևոր պահ՝ աքցան օգագործելուց հետո. տարածիր միայն ջրակայուն սևաներկ: Այն հիանալի ֆիքսում է կորությունը, նույնիսկ եթե բնականից թարթիչներն ուղիղ են»,- ասում է աստղային դիմահարդար Աֆինա Էֆստատիոուն Լոնդոնից:
Լայֆհաք #3. շատը միշտ չէ, որ լավ է
Բնական է մտածել՝ որքան առատ լինի սևաներկի շերտն, այնքան արտահայտիչ կլինեն աչքերը: Սակայն երբեմն ավելի լավ է քիչ: «Դիմահարդարումը սկսիր վերին թարթիչներից, չէ որ դա երբեմն բավական է բաց հայաց ստանալու համար,- խորհուրդ է տալիս Ջո Ադենուգան: «Տարածի՛ր ավելի քիչ սևաներկ ստորին կոպի թարթիչներին, քանի որ մեծ քանակության դեպքում հայացքը ծանրանում է»:
Լայֆհաք #4. սոսնձում ենք թարթիչները – այո, այո, հատուկ
Տիկնիկի հայացքը ևս մեկ արդիական էֆեկտ է, որին հեշտ է հասնել: Այն նաև անվանում են «սարդի ոտիկներ». միմյանց հետ սոսնձված թարթիչների փնջերը սրանում են վերևում:
Նախ տարածեք սևաներկը մի քանի շերտով, ապա միացրեք թարթիչները ունելիով: «Շարժվեք աչքի ներքին անկյունից՝ արտաքին: Այդպես չեք վնասի արդեն հավաքված փնջերը»,- ասում է Ջո Ադենուգան:
Լայֆհաք #5. կորացրու վրձնի ծայրը
Դժվարանո՞ւմ ես հասնել աչքերի ներքին անկյուններին: Այդ դեպքում այս գաղափարը հենց քեզ համար է: Ձեռքիդ նկատմամբ վրձնի գլխիկը կորացրու 90 աստիճանով, և ավելի հեշտ կլինի այն կառավարելը: Որպես տարբերակ՝ կարելի է վերցնել հին սևաներկի վրձինը կամ գնել մեկանգամյա օգտագործման վրձինների հավաքածու. եթե սա անես հենց սևաներկի վրձնի հետ, վտանգ կա, որ վրձինն այլևս չի ուղղվի և չես կարողանա տեղավորել այն սրվակի մեջ:
Լայֆհաք #6. սկսեք արմատներից
Սկսիր թարթիչների հենց հիմքից և շարժվիր վեր: Ներկելով դրանք ողջ երկարությամբ՝ առանձին մշակիր աչքերի արտաքին անկյունները: «Սանրող շարժումներով կարող ես առավելագույն ծավալի և երկարության հասնել»,- ասում է Աֆինա Էֆստատիոուն:
