ԱՌԱՋԻՆ ՏԱՐԲԵՐԱԿ
Նորաձև, վառ և ամանորյա ձևավորում բոլոր նրանց համար, ովքեր դեռ նոյեմբերից սկսում են զարդարել տոնածառն ու երգել «Last Christmas I gave you my heart»: Նվերը վերամշակված թղթով փաթաթիր, ինչպես հոլովակում: Որպեսզի փաթեթավորումը կոկիկ լինի և չբացվի, ներսից ամրացրու այն երկկողմ սքոչով: Շնորհավորանք կամ մաղթանք գրիր ու փակցրու, իսկ հետո նվերը զարդարի՛ր եղևնու ճյուղերով, կարմիր ու սպիտակ ուլունքներով և փաթեթավորման համար նախատեսված ամուր թելով:
ԵՐԿՐՈՐԴ ՏԱՐԲԵՐԱԿ
Ստեղծարարություն և մինիմալիզմ. սա ոչ ստանդարտ լուծումների բոլոր սիրահարների համար է: Նվերը փաթաթիր փաթեթավորման համար նախատեսված թղթով (խորհուրդ ենք տալիս պարզ սպիտակ տարբերակը): Ծայրերն ամրացրու երկկողմ կպչուն ժապավենով: Վերցրու հաստ թելեր, անցկացրու տոնածառի փոքրիկ խաղալիքների միջով և փաթաթի՛ր նվերի տուփին: Հստակ ուղեցույց չկա՝ ստեղծագործական բացարձակ ազատություն:
ԵՐՐՈՐԴ ՏԱՐԲԵՐԱԿ
Այս գաղափարը դուր կգա բոլոր քաղցրակերներին: Վերցրու վերամշակված թուղթ, վրան դիր նվերը և փաթաթի՛ր այնպես, որ վերևում «գրպանիկ» մնա: Օգտագործի՛ր երկկողմ կպչուն ժապավեն: «Գրպանիկում» կոճապղպեղով թխվածքաբլիթ և եղևնու ճյուղ դիր, իսկ նվերը զարդարի՛ր ժապավենով:
․․․ԵՎՍ ՄԵԿ ՏԱՐԲԵՐԱԿ
Ցանկացած նվեր կարելի է դարձնել յուրահատուկ՝ տանական տոպրակների օգնությամբ: Ամեն տոպրակի տես քեզ անակնկալ է սպասում. միացրու Oriflame հավելվածի սքանները և տեսախցիկը մոտեցրու տոքրակի կոմնային մասի սքան-կոդին՝ ամանորյա կախարդանքը տեսնելու համար:
