Սկզբի համար կողմնորոշվի՛ր մաշկիդ պահանջների մեջ դեմքի տարբեր հատվածներում և ընտրի՛ր արտադրանքներ, որոնք կօգնեն լուծել այդ խնդիրները: Օգտագործումից հետո դիմակը լվացի՛ր տաք ջրով:
ՅՈՒՂՈՏ ՄԱՇԿԻ ՀԱՄԱՐ
Որպես կանոն՝ ամենից խնդրահարույցը T-աձև հատվածում է. այս հատվածում ամենից հաճախն է առաջանում ավելորդ փայլ, խցանված ծակոտիներ և սև կետեր: Օգտագործի՛ր կավե դիմակը, որը կլանում է սեբումը և «դուրս է քաշում» աղտոտվածությունը ծակոտիներից: Սալիցիլաթթվով հագեցած դիմակը կազդի որպես հակաբորբոքային միջոց. կկանխի դեմքին պզուկների և կարմրածության առաջացումը, ինչպես նաև կօգնի ազատվել մեռած բջիջներից:
Խմբագրի ընտրությունը. մաքրող դիմակ «Կռոթուկ»: Մաքրում է մաշկը, վերականգնում է հաշվեկշիռն ու չի չորացնում:
ՉՈՐ ՄԱՇԿԻ ՀԱՄԱՐ
Մաշկը կարող է չորանալ ցանկացած հատվածում, սակայն առավել հաճախ տուժում են այտերը: Ընտրի՛ր վիտամինային բարձր պարունակությամբ դիմակներ՝ մաշկը հանգստացնելու և սնուցելու համար, կամ օգտագործի՛ր հիալուրոնաթթվով հագեցած միջոց, որը թափանցում է մաշկի մեջ և օգնում պահպանել ջրային հաշվեկշիռը: Եթե նախընտրում ես թեթև կառուցվածքով միջոցներ, օգտագործի՛ր գելային դիմակներ, որոնք խոնավացնում են մաշկը, սակայն յուղեր չեն պարունակում:
Խմբագրի ընտրությունը. սնուցող դիմակ «Վարսակ»: Փափկացնում է և սնուցում մաշկը՝ հաղորդելով փայլ: Բոնուս – նուրբ, քսուքանման կառուցվածք:
