1. ՀԱՎԱՏԱ՛ ԴՐԱՅԲՐԱՇԻՆԳԻՆ
Դրայբրաշինգը կամ չոր խոզանակով մերսումը, առանց չափազանցության, կարող է փոխել քո կյանքը: Այն լավացնում է արյան շրջանառությունը, նպաստում է թունավոր նյութերի դուրսբերմանը և մաշկի նորացմանը: Արդյունքում՝ առաձգականություն և ձգվածություն, նարնջի կեղևի էֆեկտի նվազում և ակնթարթային թարմացում:
Ամենն, ինչ քեզ անհրաժեշտ է որակյալ խոզանակն է: Մերսի՛ր չոր մաշկը ուղղաձիգ, երկար շարժումներով՝ վերից վար ուղղությամբ: Հատուկ ուշադրություն դարձրու խնդրահարույց հատվածներին՝ շփելով մաշկը շրջանաձև շարժումներով: Դրայբրաշինգը հինգ րոպեից ավելի չի խլի. հավատա՝ այդքան ժամանակ ունի մեզնից յուրաքանչյուրը:
2. ԽՆԱՄՔՈՎ ՄԱՔՐԻ՛Ր ՄԱՇԿԸ
Սիրում ես մաքրել մաշկդ այնքան, մինչև ճռճռա՞: Խորհուրդ ենք տալիս մոռանալ այդ սովորության մասին, գոնե ձմռան ընթացքում: Չոր, սառը օդը վնասում է մաշկը: Քո խնդիրն է օգնել նրան, ոչ թե ավելի բարդացնել իրավիճակը: Օճառն ու ագրեսիվ ցնցուղի գելերը փոխարինի՛ր մաքրող քսուքով, որը լրացուցիչ կխոնավացնի մաշկը:
3. ՄԻ՛ ՇՏԱՊԻՐ ԼՔԵԼ ԼՈԳԱՍԵՆՅԱԿԸ
Ցնցուղից հետո պարտադիր սնուցող միջոց օգտագործիր. թեթև ինքնամերսումը կօգնի բարձրացնել տրամադրությունն ու նվազեցնել սթրեսը, իսկ օգտակար բաղադրիչները մաշկն ավելի փափուկ ու հարթ կդարձնեն: Մենք խորհուրդ ենք տալիս առավել խիտ կառուցվածքով և ինտենսիվ ազդեցությամբ քսուք: Թո՛ղ այն նաև ջերմացնող բույր ունենա:
4. ՀՈԳԱ՛ ՆԱԵՎ ԳԼԽԻ ՄԱՍԻՆ
Ձմռանը տառապում է ոչ միայն մաշկը, այլև մազերը: Հարդարման միջոցներ, վարսահարդարիչ, արդուկ, սառը քամի և ջերմության տատանումներ. ամեն օր մազերը ստիպված են փորձություններ հաղթահարել: Այդ պատճառով մի մոռացիր կանոնավոր կերպով սնուցող դիմակներ և պաշտպանիչ յուղեր օգտագործել:
5. ՍԻՐԻ՛Ր ՔԵԶ
Բոլոր այս կետերը կաշխատեն երկու անգամ ավելի լավ, եթե դրանք սիրով և սեփական մարմնի հանդեպ հարգանքով կատարես: Օգնի՛ր նրան վերականգնվել. քնի՛ր, բնական գործվածքներ օգտագործի՛ր, օգտակար ուտեստներով սնուցի՛ր ներսից անհրաժեշտ վիտամիններով: Լսի՛ր ինքդ քեզ, և օրգանիզմդ կհուշի՝ ինչ լրացուցիչ խնամք է քեզ անհրաժեշտ:
