Կոսմետիկա, որը կատարելապես կընդգծի քո արևայրուքը:
1. Արևառված մաշկի համար «must have» են դիմահարդարման փայլուն հիմքերը: Դեմքդ հանգստացած և ներսից փայլող տեսք կստանա: Տարածի’ր հիմքը մաքուր մաշկին՝ նախքան դիմահարդարումը սկսելը:
2. Ավելի շատ փայլ: Հայլայթերն արևայրուք ընդունած մաշկի լավագույն ընկերն է: Այն կընդգծի արևայրուքի խորությունը: Օգտագործի’ր դեմքի դուրս ընկած հատվածների համար, որպես կոպերի համար ստվերաներկ, որպես ուսերի, լանջաբացվածքի, անրակների արևայրուքն ընդգծող միջոց:
3. Արևառված մաշկը ակտիվ շրջագծման կարիք չունի, այլ ավելի շատ՝ ճիշտ արված շեշտադրումների: Դեղձի և ոսկեգույն երանգներով սնգույրը մաշկին առողջ փայլ կհաղորդի, իսկ «քանդակման միջոցը» այտոսկրերը կդարձնի առավել հղկված՝ տպավորություն ստեղծելով, թե դու ոչ միայն արևայրուք ես ընդունել, այլ նաև մի քանի կիլոգրամով նիհարել ես:
4. Դու սխալված չես լինի՝ նախապատվություն տալով շիմերով ստվերաներկերին: Արևայրուք ընդունած մաշկին հատկապես գեղեցիկ են նայվում տաք վարդագույն, ոսկեգույն, բեժ և շագանակագույն երանգները:
5. Ցերեկային դիմահարդարման համար ընտրիր նյուդ, վարդագույն, դեղձագույն-մարջանագույն երանգների փայլեր: Այդ գույներն օգնում են ընդգծել արևառված մաշկի գեղեցկությունը: Երեկոյան դիմահարդարման համար սազական է կարմիր փայլազերծ շրթներկը:
6. Արևայրուք ստացած ձեռքերդ կգեղեցկացնեն մաշկիդ գույնից ավելի բաց երանգների եղունգի լաքերը: Ընտրիր սպիտակ, կաթնագույն, վարդագույն, պաստելային երանգները: Արևառված մաշկին կսազեն նաև վառ նեոնային գույների լաքերը:
