1. ՅՈՒՂ
Ուզո՞ւմ ես ստեղծել թարմ ու երիտասարդ կերպար: Դիմահարդարվելուց առաջ դեմքին տարածիր թեթև խոնավացնող յուղ: Այն տաքացրու ափերիդ մեջ և թեթև, տպտպացնող շարժումներով տարածիր մաշկին: Բացի խոնավացումը, այն նաև կնպաստի հիմքի գեղեցիկ ու հարթ տարածվելուն:
2. ՓՐԱՅՄԵՐ
Փրայմերն օգնում է հարթել մաշկի թերությունները, այն նախապատրաստում հիմքը տարածելուն, տեսողաբար նաև հեռացնում կնճիռներն ու լայնացած ծակոտիները: Այն տարածիր մատների ծայրերի օգնությամբ, սակայն մի վերցրու միջոցի մեծ քանակություն, ավելորդությունները նկատելի կլինեն դիմահարդարման հենց հաջորդ քայլում: Բավական է միջոցը վերցնել չամիչի չափով:
3. ՀԻՄՔ
Այժմ քիչ քանակությամբ հիմք տարածիր այտերին, ճակատին և կզակին: Այն համաչափ բաշխիր հիմքի համար նախատեսված վրձնի օգնությամբ: Եթե հանկարծ պարզվի, որ միջոցը բավական չէր ամբողջ դեմքին տարածելու համար, հոգ չէ, պարզապես տարածիր ևս մի քիչ: Այն հատվածներում, որտեղ անհրաժեշտ է ավելի խիտ մակերես, վրձնի փոխարեն օգտագործիր սպունգ, այսպես կքողարկես ակնեն և աչքերի տակի մուգ շրջանակները:
Պատրաս՛տ է: Դու հենց նոր ստացար դիմահարդարման կատարյալ հիմք:
Սեղմի՛ր այստեղ՝ տեսանյութը դիտելու համար:
