Քայլ առ քայլ. շերտանախշ եղունգներ

1. ԳՈՒՅՆԻ ԸՆՏՐՈՒԹՅՈՒՆ
Բազմագույն մատնահարդարում ստեղծելու դեպքում՝ առաջին քայլը գույնի ընտրությունն է։ Մենք խորհուրդ ենք տալիս վառ, հագեցած և ամենակարևորը՝ հակադիր երանգներ։ 

2. ԿՏՐԻՐ ՎՐՁՆԻ ԾԱՅՐԸ
Լաքն առավել հստակ տարածելու համար անհրաժեշտ է հստակ հարթ ծայրով վրձին։ Անհրաժեշտության դեպքում կարող ես կտրել քո ունեցած լաքի վրձիններից մեկը։

3. ԱՌԱՋԻՆ ԳԻԾԸ
Դաստակը դիր կայուն, հարթ մակերեսի վրա։ Վրձնով վերցրու լաքի քիչ քանակություն և եղունգի ամբողջ լայնքով տարածիր հորիզոնական գիծ։ Առավել հստակ արդյունքի համար կարող ես օգտագործել ժապավեն, այն ձգելով եղունգի վրա։ Լաքը տարածիր զգույշ և բարակ շտրիխներով՝ հարթ ու խիտ մակերես ստանալու համար։

4. ԵՐԿՐՈՐԴ ԳԻԾ
Որոշիր՝ որ հատվածով ես տանելու երկրորդ գիծը, ժապավենը տեխափոխիր (եթե այն օգտագործել ես) և կրկնիր նախորդ քայլը, սակայն մեկ այլ երանգով։

5. ՀԵՌԱՑՐՈՒ ԱՎԵԼՈՐԴՈՒԹՅՈՒՆՆԵՐԸ
Վրձնով կամ բամբակե սկավառակով վերցրու լաքը մաքրող միջոցի քիչ քանակություն և մաշկի կամ եղունգի լաքով չպատված հատվածներից վրայից հեռացրու ավելորդություները։

6. ԱՎԱՐՏՈՒՄ ԵՆՔ
Լաքն ամբողջությամբ չորանալուց հետո եղունգներին տարածիր թափանցիկ, պաշտպանիչ լաքի մեկ շերտ։

Սեղմի՛ր այստեղ՝ տեսադասընթացը դիտելու համար։