ՔԱՅԼ 1. ՏԱՐԱԾԻՐ ՀԻՄՔ
Նախ մաքուր ու չոր եղունգներին տարածիր պաշտպանիչ ծածկույթ: Փորձիր՝ եղունգը ծածկել վրձնի 3 շարժումով. Առաջինը՝ եղունգի միջնմահատվածին և երկուսը՝ ծայրերին: Այժմ զինվիր համբերությամբ և թող միջոցն ամբողջությամբ չորանա:
ՔԱՅԼ 2. ԸՆՏՐԻ՛Ր ԳՈՒՅՆ
Ամենայն հավանականությամբ, դու ունես եղունգների լաքի նախընտրած երանգ: Դա կարող է լինել ոչ թե մեկը, այլ մի քանիսը: Այն տարածիր երկու շերտով և թող՝ չորանա: Չձանձրանալու համար միացրու սիրված կինոֆիլմը, սերիալը կամ յութուբ հոլովակ, որի մասին վերջերս շատ են խոսում, իսկ դու դեռ չես տեսել այն: Այսպես ժամանակը կանցնի աննկատ: Այժմ նայիր եղունգներիդ, լաքը ծածկել է ոչ թե եղունգի մակերեսը, այլ պաշտպանիչ շերտը:
ՔԱՅԼ 3. ՀԵՌԱՑՐՈ՛Ւ ԵՂՈՒՆԳՆԵՐԻ ԼԱՔԸ
Լաքը հեռացնելու համար քեզ անհրաժեշտ է զգուշորեն ձգել պաշտպանիչ շերտի ծայրը հակառակ ուղղությամբ: Գունավոր լաքը կմաքրվի մեկ-երկու շարժումով:
Ուզո՞ւմ ես ևս երկու խորհուրդ: Առաջինը. պատրաստիր տաք ջրով վաննա մանիկյուրի համար և ձեռքերդ երկու րոպեով դիր ջրի մեջ: Սա կօգնի պաշտպանիչ շերտը հեռացնել առավել արագ: Երկրորդը. հիմքը եղունգից հեռացրու ոչ թե հորիզոնական, այլ ուղղահայաց շարժումով:
Ահա և վերջ: Այժմ կարող ես եղունգների լաքը փոխել ցանկացած հաճախականությամբ, իսկ հին լաքը հեռացնել արագ ու պարզ:
