Ինչպե՞ս մեծացնել աչքերը դիմահարդարման միջոցով

Մեզնից ոչ բոլորն են օժտված գեղեցիկ, մեծ աչքերով, սակայն դիմահարդարման շնորհիվ՝ դա հեշտ է շտկել: Մենք սիրով կսովորեցնենք քեզ՝ ինչպես դա անել 5 պարզ քայլերի օգնությամբ:

1. ՎԱՌ ՍՏՎԵՐԱՆԵՐԿԵՐ
Տպտպացնող շարժումներով կոպին տարածիր բաց երանգի ստվերաներկ: Այս տեխնիկայի շնորհիվ՝ ստվերաներկերը «կնստեն» ավելի հարթ, իսկ աչքերը միանգամից կունենան շողացող տեսք:

2. ԸՆԴԳԾԻՐ
Այժմ վերցրու մաշկիցդ մեկ երանգով ավելի մուգ ստվերաներկ և տարածիր կոպի ծալվող հատվածին: Սա կընդգծի աչքերդ:

3. ՆԵՐՔԻՆ ԳԻԾԸ
Վերցրու բաց երանգի գծաներկ (սպիտակ կամ բաց վարդագույն) և տարածիր կոպի ներքին գծով: Սա տեսողաբար կմեծացնի աչքերի խնձորակը և կթաքցնի կարմրածությունը: Արդյունքն ավելի նկատելի դարձնելու համար՝ վերին թարթիչների գիծն ընդգծիր սև գծաներկով:


4. ԹԱՐԹԻՉՆԵՐ
Աքսիոմ. երկար թարթիչներ = մեծ աչքեր: Այդ պատճառով էլ խիզախորեն վերցրու թարթիչների ունելիքը և գործարկիր այն: Այս գործողությունը մշտապես կատարիր՝ նախքան սևաներկը տարածելը, այլապես թարթիչներդ կվնասես:

5. ՍԵՎԱՆԵՐԿ
Կերպարդ ամբողջացնելու համար թարթիչներին տարածիր սև երանգի սևաներկ: Վրձինը ետ ու առաջ տանելով՝ դու կհաղորդես ծավալ, իսկ սևաներկի երկրորդ շերտը թարթիչները կդարձնի առավել արտահայտիչ:

Սեղմի՛ր այստեղ` տեսանյութը դիտելու համար:

Տեքստ Ֆոտո John Buddee, Hair & Make-up by: Åsa Östergren