Քայլ առ քայլ. Մատնահարդարում՝ քոլոր-բլոքինգ ոճում

Քոլոր-բլոքինգը կամ գունային բլոկների կիրառումը հակադիր գույների օգտագործմամբ՝ եղունգներն ընդգծելու ժամանակակից ու վառ մեթոդ է։ Մենք ցույց կտանք՝ ինչպես ապահովել նման արդյունք 4 պարզ քայլի օգնությամբ։

1. ՀԻՄՆԱԿԱՆ ՇԵՐՏ
Ընտրիր լաքի 3 հակադիր երանգ։ Որքան դրանք վառ են, այնքան առավել նկատելի կստացվի արդյունքը։ Սկզբում եղունգներին տարածիր բաց երանգի շերտը։ Դա կլինի այն հիմքը, որի վրա կխաղարկես մյուս գույները։ Թող ամբողջությամբ չորանա։

2. ԹԵՔ ԵՌԱՆԿՅՈՒՆ
Տարածիր երկրորդ շերտը՝ ինչպես դա ցուցադրված է նկարում։ Ստացիր եռանկյուն, որը կսկսվի եղունգի վերին հատվածի մեջտեղից։ Հիշիր մեկ պարզ կանոն. միշտ ավելի նախընտրելի է տարածել մի քանի բարակ գիծ, քան մեկ լայն։ Կա ևս մեկ առավելություն, բարակ գծերն ավելի արագ են չորանում, իսկ դա նշանակում է, որ նվազում է նոր կիրառած լաքը փչացնելու հավանականությունը։

3. ԱՆԿՅՈՒՆ
Ընտրված երրորդ երանգի օգնությամբ մեծ եռանկյան շրջանակներում նկարիր ավելի փոքր ևս մեկը։ Հստակության համար օգտագործիր հատուկ բարակ վրձին կամ կտրիր հին վրձիններից մեկը։ Որքան բարակ է գործիքդ, այնքան սուր են անկյունները և հստակ՝ կատարված աշխատանքը։

4. ՊԱՇՏՊԱՆԻՉ ՇԵՐՏ
Վերջում տարածիր պաշտպանիչ շերտ՝ ավելի շատ փայլ հաղորդելու համար։

Սեղմիր այստեղ՝ տեսադասընթացը դիտելու համար։

Տեքստ Ֆոտո John Buddee Nail art: Frida Selkirk