1. ՏՐԱՄԱԴՐՈՒԹՅԱՆ ԳՈՒՆԸ՝ ՄՈԽՐԱԳՈՒՅՆ
Վաղ առավոտից դեմքի խամրած երա՞նգ: Ջրազրկման դեպքում թուլանում է մաշկի նորացման համար պատասխանատու ֆունկցիան: Նշանակում է, որ այն չի ազատվում մեռած բջիջներից, ուստի դու ստիպված ես տոննաներով կոսմետիկա օգտագործել՝ զոմբիի չնմանվելու համար:
2. ՅՈՒՂԱՅԻՆ ՓԱՅԼ ԵՎ ՉՈՐՈՒԹՅԱՆ ԶԳԱՑՈՂՈՒԹՅՈՒՆ
Ջրազրկված մաշկը խուճապի է մատնվում: Նա զգում է, որ խոնավացումը բավարար չէ, ուստի սկսում է անչափ մեծ քանակությամբ սեբում արտադրել՝ ստեղծելով պատնեշ, որը կկանխի խոնավության ավելի մեծ կորուստը: Հենց դրա համար էլ քեզ թվում է, թե մաշկդ յուղոտ է: Մի՛ շտապիր այն հիմնահատակ մաքրել և չորացնող միջոցներ օգտագործել: Ավելին, պետք է ճիշտ հակառակն անել՝ ավելի շատ խոնավացնել:
3. ԱՄԵՆ ԻՆՉ ԳՐԳՌ(Վ)ՈՒՄ Է
Ջրազրկման պարագայում հեշտ չէ նաև մաշկի պաշտպանիչ պատնեշի համար: Նա էլ է դժվարությամբ պայքարում մանրէների և աղտոտվածության դեմ, որը շրջակա միջավայրն այդքան սիրալիր ամեն օր տալիս է: Հենց այդ պատճառով մաշկն ավելի զգայուն է դառնում: Եթե միջոցները, որոնք մինչ այդ հրաշալի էին, հանկարծ սկսում են գրգռվածություն առաջացնել, անհրաժեշտ է լրջորեն մտածել այդ մասին:
4. ԱՆՍՊԱՍԵԼԻ ԿՆՃԻՌՆԵՐ
Եթե հայելու մեջ կնճիռներ ես նկատել, որոնք հայտնվել են անսպասելի, անմիջապես մի՛ վազիր հակատարիքային միջոցներ գնելու: Հնարավոր է, որ մաշկդ ջրազրկված է: Հիշի՛ր՝ ինչ տեսք ունի չորացած միրգը. այն կորցնում է առաձգականությունը և ծալքերով է ծածկվում: Սակայն դու միրգ չես, ուստի այս գործընթացը շրջելի է:
5. ՁԳՎԱԾՈՒԹՅՈՒՆ ԵՎ ՔՈՐ
Օդորակիչներն ու ջերմաստիճանի նվազումն ազդում են մաշկի վիճակի վրա: Քորը, ձգվածությունը, թեփոտվածությունը դրա ամենահաճախ հանդիպող հետևանքներն են:
ԻՆՉՊԵ՞Ս ԱՄԵՆ ԻՆՉ ՇՏԿԵԼ
Խոնավացնե՛լ: Մենք կպատմենք՝ ինչպես դա առավելապես արդյունավետորեն անել: Սփոիլեր՝ մեկ քսուքով չի ստացվի:
1. ԽՆԱՄՔՈՎ ՄԱՔՐԻ՛Ր ՄԱՇԿԴ
Ընտրի՛ր նուրբ մաքրող միջոցներ, որոնք պարունակում են խոնավացնող բաղադրիչներ և առանց սպիրտ են: Հիշի՛ր՝ տաք ջուրը չորացնում է նույնքան, որքան ագրեսիվ մաքրումը:
2. ՕԳՏԱԳՈՐԾԻ՛Ր ԽՈՆԱՎԱՑՆՈՂ ԵՎ ՍՆՈՒՑՈՂ ԴԻՄԱԿՆԵՐ
Դիմակներն ի զորու են կարճ ժամկետում խոնավացնել մաշկն ու վերադարձնել փայլը: Դա տեղի է ունենում մաշկի պաշտպանիչ պատնեշը վերականգնելու հաշվին՝ սնուցող յուղերի և թթուների օգնությամբ: Իսկ երբ պատնեշը նորմալ է գործում, խոնավությունը չի հեռանում օրգանիզմից: Փորձի՛ր NovAge մաշկը ինտենսիվորեն վերականգնող գիշերային դիմակը:
3. ԵՎ ՀԻԱԼՈՒՐՈՆԱԹԹՎՈՎ
Ընտրի՛ր խոնավացնող միջոցներ, որոնց բաղադրության մեջ կա հիալուրոնաթթու: Երբ խոսքը մաշկը սնուցելու և խոնավությունը պահպանելու մասին է, դա քո №1 օգնականն է: Օգտագործի՛ր մեր խորհուրդներն ու օգնի՛ր մաշկիդ վերականգնվել:
