Ընտրում ենք փայլուն շրթներկի երանգ՝ ըստ գունային տիպի

Աչքերդ շաղվո՞ւմ են նոր շրթներկի գունապնակից: Դու ցանկանում ես բոլոր գույները կամ միայն մեկը, բայց ԱՅՆ ՄԻԱ՞ԿԸ: Երանգ, որը թարմացնում է, ընդգծում աչքերիդ գույնը, մաշկիդ փայլ հաղորդում, իսկ սելֆիներիդ՝ հարյուրավոր լայքեր...: Ինչպե՞ս ընտրել այդ երանգը: Բացատրենք փայլուն եզրափակմամբ նոր՝ The ONE Colour Stylist Ultimate շրթներկի օրինակով:

Մոռացի՛ր «ձմեռ» և «աշուն», «ֆուկսիան սազում է թխահերներին» և նմանատիպ այլ կաևծրատիպերի մասին: Կարմիր շրթներկը, կամ շրթներկի ցանկացած այլ երանգ, որը կգեղեցկացնի հենց քեզ, կարելի է ընտրել ըստ մաշկի երանգի: Ամենապարզ ուղեցույցը միշտ քեզ հետ է, հենց քո ձեռքերին: Ուշադրություն դարձրո՛ւ մաշկի և երակների երանգին, գտի՛ր քեզ մոտ նկարագրությունը և կողմնորոշվի՛ր երանգի ընտրության հարցում:


Սառը ենթաերանգ
Կապույտ կամ մանուշակագույն երակներ, վարդագույն մաշկ: Քեզ կսազեն «կեղտոտ»-վարդագույն, ֆուկսիայի, բալի, և սալորագույն երանգները:

Մեր ընտրությունը. «Վարդագույն»՝ աշխատանքի գնալիս, «Փայլուն վարդագույն»՝ ժամադրության գնալիս և «Բուրգունդյան շիկ»՝ միջոցառման գնալիս:  

Չեզոք ենթաերանգ
Եթե արագորեն չես կարողանում որոշել երակներիդ գույնը, ամենայն հավանականությամբ քո մաշկի ենթաերանգը  չեզոք է: Կախված լուսավորությունից, օրվա կամ տարվա պահից այն կարող է մոտ լինել մեկ տաք, մեկ սառը երանգներին: Ուշադրություն դարձրու կարմիր-նարնջագույն, նուրբ վարդագույն, մարջանագույն կամ դեղձագույն երանգներին:

Ձմռանը, երբ մաշկն ավելի դժգույն է, քեզ նույնպես կսազեն բոլոր սառը երանգները, իսկ ամռանը, երբ թեթևակի արևայրուք է առաջանում, փորձի՛ր տաք երանգները:

Մեր ընտրությունը. «Ծաղկող երեքնուկ»՝ ամեն օրվա համար, «Նուրբ մանուշակագույն»՝ զգեստների և «Կարմինե կարմիր»՝ լակոնիկ, սև սմոքինգի հետ:

Տաք ենթաերանգ
Կապտականաչ երակներ և մաշկի՝ դեղինին մոտ երանգ: Նման մաշկ ունեցողին կսազեն հյութեղ հատապտղային, կարմիր և տերակոտա երանգները:

Մեր ընտրությունը. «Քաղցր դեղձ»՝ ջինսերի և սպիտակ սպորտային վերնաշապիկի հետ,  «Ոճային կարմիր»՝ երբ ուզում ես լինել ուշադրության կենտրոնում, «Օդային մարջան»՝ ռոմանտիկ տրամադրության և «Մուգ շոկոլադ»՝ նորաձև երեկույթի կամ ժամանակակից արվեստի ցուցադրության համար:  


3 լայֆհեք՝ փայլուն շրթներկի համար

1. Շեշտադրում արա
Շուրթերիդ քսիր փայլազերծ կամ կաթնագույն, իսկ մեջտեղի հատվածին՝ փայլուն շրթներկ, որը կօգնի ծավալ ստեղծել և հաղորդել վառ շեշտադրում: Վերցրո՛ւ շուրթերիդ երանգին մոտ կամ մեկ-երկու երանգով ավելի բաց կամ ավելի մուգ գույն՝ «օմբրե» նորաձև տեսքի համար: Այս աշուն ավելի շատ փորձարկումներ արա:

2. Թարմություն հաղորդիր
Միագույն դիմահարդարման թրենդը չի անցնում: Ներկե՞լ ես շուրթերդ: Տարածի՛ր միևնույն շրթներկը նաև այտերին: Փայլուն կառուցվածքը կատարելապես հարմար է այս հնարքի համար: Այն հեշտությամբ տարածվում է և բնական փայլ հաղորդում:  

3. Հարդարման պայուսակի մեջ տեղ ազատիր
Ընդամենը մեկ շրթներկի և մեկ մատիտի օգնությամբ կարելի է ստանալ մի քանի կատարելապես տարբեր հարդարում շուրթերի համար՝ տարբեր երանգներ ընտրելու դեպքում:  Խառնի՛ր հենց շուրթերի վրա: Նախ շուրթերի ամբողջ մակերեսով անցի՛ր մատիտով, այնուհետև՝ շրթներկով: Կարող ես նաև տարբեր երանգներ օգտագործել վերևի և ներքևի շուրթերին՝ դա նորաձևության հարթակներից իջած ևս մի հետաքրքիր թրենդ է:

Գնել

Նմանատիպ հոդվածներ