1
Սկզբում անհրաժեշտ է գանգրացնել գլխի ներքևի հատվածի մազերը: Մնացած մազերը հավաքի՛ր գլխավերևում և ամրացրո՛ւ ծամակալով: Վերցրո՛ւ մազի փոքր փունջ և պտտի՛ր մազերը գանգրացնելու արդուկի շուրջ: Արդուկը պահի՛ր ուղղահայաց դիրքով 5-8 վայրկյանների ընթացքում: Այսպես դու կստանաս ձիգ խոպոպիկներ: Քանի որ արդուկի աշխատանքային հատվածի ջերմաստիճանը բավականին բարձր է, իսկ գանգրացնելու համար նախատեսված ժամանակը՝ շարունակական, մի՛ մոռացիր սկզբում մազերին տարածել մազերի ջերմապաշտպանիչ ցողաշիթ:
2
Գլխավերևում նախապես ամրացված փնջից հերթականությամբ հանի՛ր նոր փոքրիկ փնջեր և կրկնի՛ր նախորդ կետում նկարագրված պրոցեսը: Շարունակի՛ր՝ ծոծրակից դեպի ճակատ ուղղությամբ: Դու պետք է ստանաս անթերի, համաչափ գանգուրներ: Եթե ինչ-որ պատճառով փնջերից մեկը համաչափ չէ, անհրաժեշտ է կրկին մշակել այն:
3
Ավարտելով վերջին մազափնջերի հետ աշխատանքը՝ գանգուրներին տարածի՛ր ամուր ֆիքսացիա հաղորդող ցողաշիթ:
4
Ցողաշիթը չորանալուց հետո զգուշորեն սանրի՛ր գանգուրները՝ մազերի համար մերսող խոզանակի օգնությամբ: Դրանք կդառնան ավելի փափուկ ու հավասար գանգուրներ: Վերջացնելուց հետո տարածի՛ր փայլ հաղորդող ցողաշիթ:
Պատրաստ է: Դու ստեղծեցիր հոլիվուդյան՝ կարմիր ուղեգորգին արժանի սանրվածք:
