Ինչպե՞ս մազերին գլխապտույտ ծավալ հաղորդել

Ամենապարզ և ամենից արդյունավետ սանրվածքը (խոպոպներից հետո, իհարկե) ծավալայինն է: Պատմում ենք՝ ինչպես մազերին ծավալ հաղորդել և ստանալ միլիոնավոր հաճոյախոսություններ:

1. ՄԱՔՐՈՒՄ ԵՎ ՍՆՈՒՑՈՒՄ
Առանց բարակ մազերին ծավալ հաղորդող հատուկ շամպունի և կոնդիցիոների հնարավոր չէ: Երկու միջոցներն էլ միասին են աշխատում՝ օգնելով մաքրել, վերականգնել և սնուցել մազերն առանց ծանրացնելու դրանք: Արդյունքը՝ ամուր, առաձգական մազեր և կայուն ծավալ:

2. ՎԱՐՍԱՀԱՐԴԱՐԻՉՈՎ ՀԱՐԴԱՐՈՒՄ
Դա պարտադիր գործընթաց է: Արդյունքը չփչացնելու համար՝ հարդարելիս պարտադիր օգտագործիր ջերմապաշտպանիչ միջոցներ: Երկրորդ ամենակարևոր պայամանը ճիշտ սանրի ընտրությունն է: Քեզ անհրաժեշտ է կլոր սանր: Եվ վերջապես, ճիշտ տեխնիկա: Գագաթից սկսած՝ մազերդ փնջերի բաժանիր և հերթականությամբ չորացրու՝ ծայրերը պտտելով անհրաժեշտ ուղղությամբ:

3. ԿԱՐԵՎՈՐ ԴԵՏԱԼՆԵՐ
Ամեն ինչ ճիշտ ես արել, սակայն հաջորդ օրը սանրվածքդ այնքա՞ն էլ լավ տեսք չունի: Մազերդ շա՞տ փափուկ են, մի փորք կոշտությո՞ւն է պակասում: Օգտագործի՛ր չոր շամպուն: Այն վայրկենապես չեզոքացնում է մազարմատների յուղոտությունը, խամրած մազերին ծավալ, թարմություն և ամրություն է հաղորդում: Ինչպե՞ս տարածել չոր շամպունը: Թափահարի՛ր սրվակը և մազարմատներից 20 սմ հեռավորությունից ցողիր միջոցը: Առաջին հերթին մշակիր արմատները, հետո՝ նաև ողջ երկարությունը:

4. ՊԱՐԶԱՊԵՍ ԿԱԽԱՐԴԱՆՔ
Արմատների մոտ մազերդ հիմա հիասքանչ տեսք ունեն՝ ծավալուն, փարթամ: Ճիշտ ժամանակն է գաղտնիքների գաղտնիքը բացահայտելու համար: Օգտագործի՛ր 3D-խոզանակ՝ մազերը կլորացնելու համար, այն հրաշքներ է գործում: Այն կօգնի բացել խճճված մազերը, ստանալ ծավալուն հարդարում, ծայրերը ներս կլորացնել կամ ալիքներ ստանալ: Այն կատարյալ է «բոբ» սանրվածքի համար: Բացի այդ, այս հրաշք-խոզանակը հեշտացնում է վարսահարդարիչով մազերի չորացումը և նվազեցնում է մազերը վնասելու հավանականությունը: 

5. ԽՆԱՄՔ ԵՎ ՊԱԾՏՊԱՆՈՒԹՅՈՒՆ
Ողջ տեսքը չփչացնելու և մազերը պաշտպանելու համար, տարածի՛ր ֆիտոսնուցիչների համալիրով բազմաֆունկցիոնալ СС-քսուք: Այն 22 օգտակար հատկություն ունի: Այո՛, այո՛ քսաներկու: Ահա դրանցից մի քանիսը՝ հեշտացնում է հարդարումը, չի ծանրացնում սանրվածքը, հարմար է ցանկացած տիպի մազերի համար, փայլ է հաղորդում, ապահովում է հակաստատիկ ազդեցություն և նվազեցնում է ճյուղավորումը: Օգտագործումը հեշտ է. փոքր քանակությամբ (սիսեռահատիկի չափ) տարածի՛ր ափերիդ և քսի՛ր չոր կամ կիսաչոր մազերին՝ միջնամասից մինչև ծայրեր: Վե՛րջ, վայելի՛ր արդյունքը:

Տեքստ Ֆոտո Oriflame