Քայլ 1
Հարթ վրձնի վրա վերցրո՛ւ արծաթագույն երանգի ստվերաներկ և տարածի՛ր այն կոպի մեջտեղի հատվածին թեթև հպումներով: Վրձինը այս ու այն կողմ մի՛ շարժիր, այն միայն զգուշությամբ սեղմիր կոպին՝ ավելացնելով ստվերաներկի քանակն ըստ անհրաժեշտության:
Քայլ 2
Շրջի՛ր վրձինն ու տարածիչ-սպունգի օգնությամբ աչքերի անկյուններին տարածիր փայլուն կաթնագույն ստվերաներկ: Այն կհստակեցնի հայացքն ու դրան թարմություն կհաղորդի:
Քայլ 3
Մի փոքր դրամատիզմ ավելացրու: Պատասխանատու պահ. միևնույն հարթ վրձնի վրա վերցրո՛ւ սև ստվերաներկ, թափ տուր ավելորդ պիգմենտը, և տարածի՛ր աչքի ներս ընկած անկյուններին: Մի՛ մոռացիր շնչել: Աշխատիր ստանալ V-աձև մգեցվածություն: Փոքր չափերով ավելացրո՛ւ ստվերաներկն ու սեղմի՛ր վրձինը կոպին՝ առանց ավելորդ շարժումների. դա հաջողության գլխավոր գրավականն է: Տարածի՛ր նուրբ, կլորավուն շարժումներով մաքուր վրձնի օգնությամբ՝ սահմանագծերը վերացնելու և թեթև մշուշ ստանալու համար:
Քայլ 4
Ընդգծի՛ր ստորին թարթիչների գիծն արծաթագույն ստվերաներկով և մի՛ վախեցիր դրանք ավելի ներքև տարածելուց: Այդպես դու տեսանելիորեն ավելի մեծ կդարձնես աչքերը:
Քայլ 5
Մենք մոտ ենք ավարտին: Հայացքին ավելի շատ խորություն հաղորդիր սև մատիտի օգնությամբ: Լցրո՛ւ թարթիչների մոտ դատարկությունը՝ մատիտով անցիր վերին և ստորին թարթիչների մոտ կոպի ներսի հատվածով: Մնաց թարթիչաներկը: Ընտրի՛ր ամենամեծ ծավալ հաղորդողը և տարածի՛ր մեկ-երկու շռայլ շերտ: Նման դիմահարդարման հետ որքան արտահայտված լինեն թարթիչներն, այնքան լավ:
Քայլ 6
Մուգ երանգներով հագեցած դիմահարդարումը կարող է դեմքին հոգնած տեսք հաղորդել: Դրանից խուսափելու համար աչքերի տակի հատվածն անցկացրու քողարկիչով, իսկ այտերի «խնձորիկներին» տաք երանգի սնգույր տարածիր: Շուրթերին կամ ընդհանրապես ձեռք մի տուր, կամ ավելացրու չեզոք գույնի շրթներկի բարակ շերտ: Այդպես ուշադրության կենտրոնում կլինեն աչքերը:
Պարզ, արագ, և դու պատրաստ ես լայքաբեր սելֆիին: Կրկնի՛ր մեր դասընթացի դիմահարդարումն ու կիսվի՛ր արդյունքներով՝ կիրառելով #գունային_ալիքի վրա և #OnColour հեշթեգերը:
