Գել, թե՞ կաթիկ. ընտրում ենք մաշկը մաքրող միջոց

Անվիճելի է, որ մաքրող միջոցները կոչված են մաքրելու մաշկը, հեռացնելու դիմահարդարման և սեբումի մնացուկները: Սակայն ինչպե՞ս ընտրել ճիշտ միջոց: ԵՎ ո՞րն է կաթիկի և գելի տարբերությունը: Պարզում ենք շատ արագ:

ԳԵԼ
Ինչի՞ համար է.  
Ինչի՞ համար է. մշակված է մաշկը խորությամբ մաքրելու, ակնե առաջացնող աղտոտվածությունը, սեբումն ու մանրէները հեռացնելու համար: Հարմար է նորմալ, յուղոտ և խառը տիպի մաշկի խնամքի համար:
Ինչպե՞ս օգտագործել. թրջի՛ր մաշկը, ձեռքիդ ափի մեջ մի փոքր գել լցրու, փրփրացրու և միջոցը տարածի՛ր դեմքիդ մաշկին: Բարձրացիր ներքևից վերև մերսող շարժումներով, ապա տաք ջրով լվացիր գելը: Խուսափի՛ր աչքերի շուրջ հատվածից, մաշկն այս հատվածում բարակ է և զգայուն, ուստի օգտագործի՛ր շպարը մաքրող միջոց:

ԿԱԹԻԿ
Ինչի՞ համար է. կաթիկը հարուստ, քսուքանման կառուցվածքով նուրբ մաքրող միջոց է՝ նախատեսված չոր, զգայուն կամ ռոզացեայի առկայությամբ մաշկի խնամքի համար, այն նաև հարմար է աչքերից շպարը հեռացնելու համար:
Ինչպես օգտագործել.
 դեմքի մաշկը թրջիր ջրով, ապա մի փոքր մաքրող կաթիկ լցրու բամբակե սկավառակի վրա և խնամքով մաքրիր դեմքը, պարանոցն ու լաջաբացվածքը: Աչքերից շպարը հեռացնելու համար՝ թաց սկավառակը հպիր աչքի փակ կոպին մի քանի վայրկյան: Ոչ մի դեպքում մի ձգիր մաշկը, կարող են կնճիռներ առաջանալ: Դեմքը լվացի՛ր տաք ջրով: Եթե դու շատ շպար ես օգտագործում, հնարավոր է՝ անհրաժեշտ լինի կրկնել գործողությունը երկու անգամ:

Տեքստ Ֆոտո Ջոն Բադդի/Քրոսբի