Մաշկը՝ մաշկին
Հավանաբար լսել եք, որ երեխային հաճախ գրկելով՝ երես եք տալիս նրան, բայց իրականում, ամեն ինչ ճիշտ հակառակն է: Գիտությունն ապացուցել է, որ երեխաներն ամենաշատը սիրո և հպման կարիք ունեն: Մտերմությունն ու հպումներն այն կարևոր բանալիներն են, որ կապ են ստեղծում երեխայի և ծնողի միջև, իսկ հպման բացակայությունը կարող է բացասական ազդեցութուն ունենալ երեխայի մտավոր, ֆիզիկական և վարքի զարգացման վրա: Հպումը նաև օգնում է կարգավորել երեխայի սրտխփոցն ու շնչառությունը, լավացնում է քունը և ընդհանուր առմամբ, ավելի առողջ է դարձնում մանկիկին: Այնպես որ, հանիր երեխայի սիրուն հագուստները և երբ հնարավոր է, գրկիր նրան՝ մաշկը՝ մաշկին:
Կաթ
Բոլոր փոքրիկները կաթի կարիք ունեն. անկախ այն փաստից՝ կրծքով է կերակրվում երեխան, թե շշով, ամենակարևորն այն է, որ մանկիկը քաղցած չմնա: Այնուամենայնիվ, կրծքով կերակրելն ավելի շատ դրական ազդեցություն ունի թե մոր, թե երեխայի վրա: Այն օգնում է իմունային համակարգին, նվազեցնում է որոշ հիվանդություններ ձեռք բերելու ռիսկը և ապահովում է այն ողջ սնունդը, որ անհրաժեշտ է երեխայի աճի համար: Շատ մայրիկներ պայքարում են կրծքով կերակրելու առիթով, բայց առաջնային է հիշել, որ ձախողում չէ, եթե երեխային կրծքով չեք կերակրում:
Քունը
Մանուկները կարող են քնել ամենուր: Իրականում, նրանք օրորոցի, սայլակի կամ մանկական զամբյուղի կարիք չունեն. ամենակարևորն այն է, որ քնեն: Քնի ընթացքում նրանց փոքրիկ ուղեղը մեծանում, զարգանում և հասունանում է: Քունը նաև օգնում է նրանց զարգացնել զգայարանները և սովորելու և մտապահելու գործառույթները: Այնուամենայնիվ, նրանց քունը կախված չէ, թե ինչ տեսակի անկողնում են քնում: Ձեր ձեռքերում, մանկասայլակում կամ որտեղ էլ քնեն, արդեն իսկ լավ է. կարևորը քնեն: Բայց մի՛ ակնկալեք, որ նրանք 8 ժամ անընդմեջ քնելու են:
Մաշկի խնամք
Նորածնի համար կարևոր համարվող ցանկում, մաշկի խնամքը պետք է լինի առաջնային: Երեխայի մաշկը շատ նուրբ է և նոր է հարմարվում արգանդից դուրս գտնվող աշխարհին: Արգանդում երեխաներն ունեն հատուկ պաշտպանիչ շերտ. սա սպիտակ նյութ է, որը պաշտպանում և խոնավ է պահում մաշկը: Որոշ երեխաներ պահպանում են այս շերտը ծնվելիս, բայց ոչ բոլորը. և անգամ եթե պահպանում են, այն վերանում է առաջին իսկ լոգանքի ժամանակ: Նորածինների մաշկի շերտը 30%-ով բարակ է մեծահասակների մաշկից, ունի ցածր բնական խոնավացնող նյութեր և լիպիդային կազմություն, ինչն այն շատ զգայուն է դարձնում: Սա նշանակում է, որ երեխայի մաշկը մեծ պաշտպանության կարիք ունի՝ մաշկի խնամքի տեսանկյունից:
Մենք հավատում ենք, որ յուրաքանչյուր ծնող գիտի, թե որն է լավագույնն իր երեխայի համար: Անկախ նրանից, թե ինչ գաջեթ կընտրեք ձեր փոքրիկի համար, վստահեք ձեզ, և մի՛ անհանգստացեք կողքից հնչող խորհուրդների պատճառով: Եվ հիշեք, եթե վերը նշված չորս կետերին հետևում եք, ապա դուք բավարարում եք երեխայի ամենակարևոր պահանջները:
