Օրիֆլեյմը միշտ աջակցում է բոլոր նրանց, ովքեր կյանքի են կոչում իրենց երազանքները: Այս սկզբունքը տարածվում է նաև բարեգործական գործունեության վրա, որով ընկերությունը զբաղվում է իր հիմնադրման (1967 թ.) առաջին իսկ օրից:
Մենք խորապես հավատում ենք, որ բնակչության առավել քիչ պաշտպանված հատվածին՝ երեխաներին և երիտասարդ կանանց ընձեռած մեր օգնությունը հնարավորություն կտա իրականացնել իրենց երազանքները: Ինքնուրույն նախաձեռնություններին աջակցելու մեր հստակ մտադրությունը հասարակական կյանքին մեր մասնակցության հիմնական սկզբունքն է: Այս ամենն ամբողջությամբ համապատասխանում է Օրիֆլեյմի բիզնես-մոդելին:
Առավելագույն արդյունավետության հասնելու համար մենք բոլոր բարեգործական նախագծերը միավորել ենք Օրիֆլեյմի բարեգործական հիմնադրամում: Մենք համագործակցում ենք կառավարական և բարեգործական կազմակերպությունների հետ, որոնք ոչ միայն ունեն կրթական նախաձեռնությունները կյանքի կոչելու հաջող փորձ, այլև կիսում են մեր նպատակներն ու արժեքները: Մենք հպարտ ենք Մանուկների համաշխարհային հիմնադրամի հետ մեր վաղեմի hամագործակցությամբ, որը սկսած նախորդ տարվանից հենց մեր տարածաշրջանում աջակցում է մի շարք բարեգործական ծրագրերի՝ ուղղված դաժան վարվեցողության զոհ դարձած երեխաների հոգեսոցիալական վերականգնմանը:
Մանուկների համաշխարհային հիմնադրամ
Յուրաքանչյուր երեխա ունի երջանիկ մանկության, անվտանգության, ուրախության, խաղերի և կյանքում հետաքրքրություններ ունենալու իրավունք: Ցավոք, բազմաթիվ երեխաներ զուրկ են այս հիմնական իրավունքներից: Մանուկների Համաշխարհային հիմնադրամը, որը հիմնադրվել է Շվեդիայի թագուհու բարձր հովանու ներքո, և որի համահիմնադիրը Օրիֆլեյմ ընկերությունն է, օգնում է կարիքավոր երեխաներին ամբողջ աշխարհում: Այս կազմակերպության շնորհիվ մենք կարող ենք օգնություն ցուցաբերել անտուն, բռնության ենթարկված, ինչպես նաև մանկական հաստատություններում գտնվող երեխաներին:
Մանուկների Համաշխարհային հիմնադրամի գործունեությանն աջակցելու համար և հենց օգնության կարիք ունեցող մարդկանց օգնելու համար մենք ստեղծել ենք ակցիա՝ կապված մեր նոր՝ Tenderly Promise հարդարաջրի թողարկման հետ: Այս բույրը գնելու դեպքում՝ գումարի մի մասը փոխանցվում է Հիմնադրամ, երեխաներին օգնելու համար մենք ուզում ենք կուտակել ավելի քան 1 մլն եվրո:
Իմանալ ավելին Tenderly Promise հարդարաջրի մասին
