Սպորտն՝ ըստ կենդանակերպի նշանի. Գտիր քո աստղային սպորտաձևը

Փնտրո՞ւմ ես նոր մարզաձևեր։ Ի՞նչ կասես՝ աստղերի խորհրդին ականջ դնելու և ընտրելու այն՝ ըստ կենդանակերպի նշանի։

ԽՈՅ (ՄԱՐՏԻ 21-ԱՊՐԻԼԻ 19-Ը)
Խոյը սովոր է հաղթանակների։ Քեզ օտար չէ մրցակցային ոգին, սակայն տանել չես կարողանում պարտվելը։ Այդ պատճառով էլ քեզ համար լավագույն տարբերակը միանձնյա սպորտն է, որտեղ հաղթանակին ուղղված կամքի լարվածությունը կոմպենսացվում է ադրենալինի հզորագույն արտանետումով։ Փորձիր կոնտակտային մենամարտերը կամ մրցավազքը՝ բռնցքամարտ, մոտոկրոս կամ պարզապես վազիր 100 մետր, եթե պատրաստ չես մոտոհանդերձանքի ու ձեռնոցների վրա ծախսել մեծ գումար։

 

ՑՈՒԼ (ԱՊՐԻԼԻ 21-ՄԱՅԻՍԻ 20)
Եթե դու, ինչպես և Ցուլերի մեծամասնությունը, նախընտրում ես հարմարավետությունը, ապա քո մարզումները պետք է ծառայեն մեկ նպատակի՝ պարգևել հաճույք և լիցքավորել դրական էներգիայով։ Վազք, պարեր, թիավարում, գեղարվեստական գիմնաստիկա՝ գեղեցիկ ու դասական այս մարզաձևերը ստեղծված են հենց քեզ համար։

ԵՐԿՎՈՐՅԱԿՆԵՐ (ՄԱՅԻՍԻ 21-ՀՈՒՆԻՍԻ 21)
Երկվորյակների սիրելի սպորտաձևը խմբակայինն է։ Քեզ դուր է գալիս լինել ակտիվ այնքանով, որքանով այն թմային է կամ գործընկերոջ հետ։ Փորձիր գնդակի հետ ցանկացած խաղեր։ Դրանք շատ լավ զարգացնում են ռեակցիայի արագությունը և պարգևում ծով հաճույք։ Քեզ հարմար են նաև խմբակային ֆիտնես պարապմունքները։

ԽԵՑԳԵՏԻՆ (ՀՈՒՆԻՍԻ 22-ՀՈՒԼԻՍԻ 22)
Սպորտով զբաղվելու քո հիմնական նպատակը՝ լիցքաթավելն ու մեդիտացիան է։ Եվ քանի որ քո նշանը պատկանում է Ջրի տարերքին, քեզ համար լավագույն տարբերակներն են լողը, ջրային աէրոբիկան, թիավարումը և ստորջրյա լողը։

ԱՌՅՈՒԾ (ՀՈՒԼԻՍԻ 23-ՕԳՈՍՏՈՍԻ 22)
Դու կոչված ես լինել աստղ ու հաղթանակել, սա է միավորում քեզ Խոյերի հետ։ Ունես խիզախ բնավորություն, դեմ չես խաղալ մկաններով, և ընդհանրապես, ցուցադրել քեզ ամբոխի առջև։ Ընտրիր լողափնյա վոլյեբոլը, գիմնաստիկան և ուժային մարզումները։ Սակայն դու վստահ կարող ես փորձել ցանկացած նոր և շատ նորաձև այլ մարզում, գլխավորը՝ լինել առաջինը ընկերական շրջապատում։

ԿՈՒՅՍ (ՕԳՈՍՏՈՍԻ 23-ՍԵՊՏԵՄԲԵՐԻ 22)
Պերֆեկցիոնիստ կույսի համար ամենակարևորը մշտական ինքնազարգացումն է։ Այդ պատճառով էլ մարզման տեսակների բազմազանությունից քեզ ամենահարմարը վազքն է կամ բարդ կոորդինացում պահանջող մարզատեսակները, ինչպիսիք են Ցիգուն գիմնաստիկան կամ մարտարվեստը։

ԿՇԵՌՔՆԵՐ (ՍԵՊՏԵՄԲԵՐԻ 23-ՀՈԿՏԵՄԲԵՐԻ 22)
Այսպիսին է կշեռքների բնությունը. անգամ մարզասրահում կենդանակերպի այս նշանի ներկայացուցիչները ամենից շատ անհանգստացած իրենց նրբագեղ կամ գրավիչ տեսքով։ Իհարկե, քո դեպքում ոչ մի կոնտակտային տեսակ հարմար չէ։ Միայն պիլատես, պարահանդեսային պարեր, թենիս կամ գեղասահք։

ԿԱՐԻՃ (ՀՈԿՏԵՄԲԵՐԻ 23- ՆՈՅԵՄԲԵՐԻ 21)
Կարիճների մասին մեզ հայտնի է այն, որ նախընտրում են միայնությունը, սակայն դրա հետ մեկտեղ ունեն պայթունավտանգ բնավորություն։ Այս պատճառով էլ այս նշանի համար սպորտն առաջին հերթին ավելորդ ագրեսիայից ազատվելու միջոց է։ Մարտարվեստ, էքստրեմալ տեսակներ, պարաշյուտային սպորտ՝ ընտրության հնարավորությունը լայն է։

ԱՂԵՂՆԱՎՈՐ (ՆՈՅԵՄԲԵՐԻ 22-ԴԵԿՏԵՄԲԵՐԻ 20)
Շարժուն ու էներգիայով լի աղեղնավորները թողնում են բավականին կենսուրախ մարդկանց տպավորություն։ Նրանք սիրում են բնությունն ու բացօթյա ակտիվությունները։ Փորձիր ձիավարությունը, ալպյան քայլքը, լեռնային հեծանիվը, իսկ եթե քեզ դուր են գալիս մարզասրահում մարզումները, ապա, հնարավոր է՝ բացահայտես քո նոր կողմերը, ինչպես, օրինակ՝ աղեղից նետ արձակողի տաղանդը։

ԱՅԾԵՂՋՅՈՒՐ (ԴԵԿՏԵՄԲԵՐԻ 1-ՀՈՒՆՎԱՐԻ 19)
Թիմային ոչ մի ակտիվություն։ Այծեղջյուրը մրցում է միայն ինքն իր հետ և հաղթահարում ինքն իրեն։ Այդ պատճառով քեզ հարմար է կարգապահությունը, որտեղ կարևոր է տոկունությունն ու հնարավորինի սահմանների ընդլայնումը։ Քեզ հեշտ է տրվում մարաթոնի վազքը, դահուկային էստաֆետայի կամ ժայռամագլցման մեջ կարող ես արձանագրել նշանակալի արդյունքներ։

ՋՐՀՈՍ (ՀՈՒՆՎԱՐԻ 20-ՓԵՏՐՎԱՐԻ 18)
Անձի զարգացում և հոգևոր աճ՝ ահա թե ինչն է կարևոր Ջրհոսի համար։ Այդ պատճառով էլ կենդանակերպի այս նշանի ներկայացուցիչներից շատերը տարված են յոգայով։ Քեզ հարմար է նաև ցանկացած անսովոր սպորտաձև։

ՁԿՆԵՐ (ՓԵՏՐՎԱՐԻ 1-ՄԱՐՏԻ 20)
Ձկները, ինչպես և խեցգետինները, մարզումներից սպասում են նախ և առաջ մարմնի ու խելքի ներդաշնակություն, հանգստություն և մեդիտացիոն արդյունք։ Սակայն նրանց դուր է գալիս նաև խմբակային տեսակները, օրինակ՝ ֆիտնես դասընթացները, եթե, իհարկե, դա քրոս-ֆիտի խելագառ ռիթմով չէ։ Քեզ հարմար են նաև լողը, ջրային պոլոն և ջրասուզումը (առանց էքստրիմի)։

13 ՆՇԱՆ
Մի քանի տարի առաջ ամերիկացի աստղագետ Փարք Կանկլն արեց բացահայտում. Պարզվում է՝ երկրագնդի առանցքը, ինչպես հազարավոր տարիներ առաջ, ցույց չի տալիս նույն ուղղությունը, հետևաբար, կենդանակերպի 12 նշաններին ավելացավ ևս մեկը՝ տասներեքերորդը, իսկ արդեն հայտնիները տեղափոխվեցին մեկ ամիս հետ։ Քանի որ մոլորակները մնացել են իրենց հին տեղերում, ապա ոչ մի էական փոփոխություն տեղի չի ունեցել, քանի որ աստղագիտության մեջ կարևոր է հենց մոլորակների տեղակայումը։ Այդ պատճառով էլ լավ կլինի պահպանել կենդանակերպի նշանների հին կարգը։ Ամեն դեպքում հիշիր. կենդանակերպի նոր՝ 13-րդ նշանը կոչվում է Օձակիր։


Տեքստ