Իսկ լինո՞ւմ է ավելի վատ։ Լուծում ենք ամենատհաճ 9 բյութի-խնդիր

Մեզնից յուրաքանչյուրն ունի այս խնդիրներից գոնե մեկը, որոնց մասին խոստովանելն անգամ հաճելի չէ։ Լավ է, որ բացի դրանցից մենք ունենք նաև փորձագետներ, որոնք գիտեն այս տհաճություններից ազատվելու միջոցները։

1. 

ՀՈՆՔԵՐՍ ՇՏԿԵԼԻՍ ՉԱՓՆ ԱՆՑԵԼ ԵՄ

«Հոնքերի հին տեսքը վերականգնելու համար անհրաժեշտ է ժամանակ և համբերություն, սակայն դու կարող ես արագացնել այդ գործընթացը հոնքերի գել-կոնդիցիոների օգնությամբ։ Մինչ դրանք աճում են՝ իրավիճակը հնարավոր է շտկել հոնքերի վրձնով, որին անհրաժեշտ է տարածել մեղրամոմ, և հոնքերը ներկել հոնքերի մատիտի կամ ստվերաներկերի օգնությամբ։ Մանրամասներն այս տեսադասընթացի մեջ։
Սոֆիա Մարինյո դե Լեմոս՝ գեղեցկության խմբագիր

2. ԻՄ ՈՏՔԵՐՆ ՈՒՆԵՆ ՏՀԱՃ ՀՈՏ, ԴԱ ԻՆՁ ՆՅԱՐԴԱՅՆԱՑՆՈՒՄ Է

Ոտքերի տհաճ հոտն առաջանում է 2 դեպքում՝ չափից շատ քրտնարտադրության և մանրէների բազմանալու պատճառով։ Շաբաթը մի քանի անգամ օգտագործիր ոտքերի սկրաբ՝ մահացած բջիջներից ազատվելու համար, որոնք էլ ստեղծում են կատարյալ միջավայր՝ մանրէների զարգացման համար։ Լոգանք կամ ցնցուղ ընդունելուց հետո ոտքերդ միշտ ամբողջությամբ չորացրու և տարածիր ոտքերի քսուք-հոտազերծիչ կամ բուրումնավետ ցանափոշի, որը կօգնի ոտքերը պահել չոր։ Պայուսակում պահիր ոտքերի ցողաշիթ և օրվա ընթացքում մի քանի անգամ տարածիր ոտքերին»։ 
Ալերնեստ Նունեց Բենգթսոն՝ մարմնի կատեգորիայի փորձագետ

Քո ընտրությունը՝ Feet Up շարքի միջոցներ

3

ՕԳՆԵ՛Ք ԻՆՁ, ԱՌԱՎՈՏՅԱՆ ԵՍ ԿԱՐԹՆԱՆԱՄ ՔԹԻՍ ՎՐԱ ՄԵԾ ԲՇՏԻԿՈՎ

«Ինչ էլ անես, ոչ մի դեպքում մի՛ սեղմիր այն։ Դրա փոխարեն բշտիկի վրա տարածիր սալիցիլաթթու պարունակող քսուք։ Այն հեռացնում է բորբոքվածությունը, ունի հակամիկրոբային արդյունք և նմանատիպ խնդիրները լուծում է հեշտությամբ։ Եթե այդ պահին քեզ մոտ չկա սալիցիլաթթու պարունակող քսուք, ապա բշտիկի վրա դիր սառույց՝ բորբոքվածությունը նվազեցնելու համար, և այն թաքցրում թեյի ծառ պարունակող քողարկիչի օգնությամբ։ 
Մելինա Գալեադի՝ մաշկի խնամքի կատեգորիայի փորձագետ

 

«Ոչ մի դեպքում մի՛ սեղմիր այն։ Դրա փոխարեն բշտիկի վրա տարածիր սալիցիլաթթու պարունակող քսուք։ 


4. ԴԻՄԱՀԱՐԴԱՐՈՒՄՍ ՄՇՏԱՊԵՍ ՏԱՐԱԾՎՈՒՄ Է ՎԵՐՆԱՇԱՊԻԿԻՍ ՕՁԻՔԻՆ ԵՎ ՄՆՈՒՄ ԶԳԵՍՏԻՍ ՏԱՐԲԵՐ ՀԱՏՎԱԾՆԵՐԻՆ
«Դիմահարդարումն ավելի լավ պահպանելու համար անհրաժեշտ է մինչ այդ դեմքին տարածել դիմահարդարման հիմք, այնուհետև թափանցիկ դիմափոշի կամ կայունություն հաղորդող ցողաշիթ։ Այս հարցում նաև օգնում են ջրակայուն կոսմետիկ միջոցները»։
Սոֆիա Մարինյո դե Լեմոս՝ գեղեցկության խմբագիր

Սոֆիայի նախընտրած միջոցներն են՝ Դիմահարդարման հիմք Giordani Gold, Շպարի հիմք The ONE IlluSkin, Դիմափոշի The ONE

5. ԴԵՄՔԻՍ ՎՐԱ ԱՃՈՒՄ ԵՆ ՄՈՒԳ ՄԱԶԵՐ և ԴԱ ԻՆՁ ՎՀԱՏԵՑՆՈՒՄ Է
«Այս խնդիրը խորհուրդ է տրվում լուծել մազահեռացման համար նախատեսված մեղրամոմի ժապավեններով, որոնք նախատեսված են հատուկ դեմքի անցանկալի մազերը հեռացնելու համար։ Դա հեշտ է, արագ և արդյունքը պահպանվում է մինչև չորս շաբաթ»։ 
Ալերնեստ Նունեց Բենգթսոն՝ մարմնի կատեգորիայի փորձագետ

6. ՁՄՌԱՆԸ ՔԹԻՍ ՇՈՒՐՋ ԱՌԱՋԱՆՈՒՄ Է ԿԱՐՄՐԱԾՈՒԹՅՈՒՆ՝ ԱՅՆ ՀԱՃԱԽԱԿԻ ՍՐԲԵԼՈՒ ՊԱՏՃԱՌՈՎ
«Խուսափիր չափից շատ տաք կամ սառը ջրով լվացվելուց՝ հետագա կարմրածությունից խուսափելու համար։ Օգտագործիր լվացվելու նուրբ միջոցներ, դեմքդ զգուշությամբ սրբիր սրբիչով և տարածիր սնուցող, խոնավացնող քսուք։ Ես խորհուրդ եմ տալիս խուսափել ուժեղ բուրահաղորդիչներով միջոցներից, քանի որ դրանք նույնպես կարող են առաջացնել մաշկի գրգռվածություն։ Դրանց փոխարեն լավ է օգտագործել հանգստացնող բալզամներ և յուղեր։ Քեզ կօգնի նաև հանգստացնող դիմակը։
Մելինա Գալեադի՝ մաշկի խնամքի կատեգորիայի փորձագետ

7. ԻՆՔՆԱՐԵՎԱՅՐՈՒՔԻՑ ՀԵՏՈ ՄՆԱՑԵԼ ԵՆ ԲԾԵՐ
«Վաննան ջուր լցնելուց հետո ավելացրու մարմնի յուղ և մաշկը մերսիր մերսող ձեռնոցի օգնությամբ։ Մուգ հատվածներն արդյունավետորեն գունաբացելու համար, զգուշորեն տրորիր կիտրոնի հյութով»։ 
Սոֆիա Մարինյո դե Լեմոս՝ գեղեցկության խմբագիր

8. 

ՕՐՎԱ ԱՎԱՐՏԻՆ ԹԵՎԱՏԱԿՈՒՄ ԱՌԱՋԱՆՈՒՄ ԵՆ ՔՐՏՆԱՀԵՏՔԵՐ

«Քրտնարտադրությունը մարմնի բնականոն գործառույթ է, սակայն դրա չափից շատ արտահայտվելու դեպքում այն կարող է նեղություն պատճառել։ Քրտնազերծիչը տարածիր քնելուց առաջ՝ թևատակերի չոր մաշկին և այդ գործընթացը կրկնիր նաև առավոտյան։ Կրիր բնական գործվածքներից հագուստ՝ բամբակ, բուրդ, մետաքս կամ վուշ, քանի որ դրանք թողնում են մաշկը շնչի։
Ալերնեստ Նունեց Բենգթսոն՝ մարմնի կատեգորիայի փորձագետ


9. 

ԵՍ ԱՐԵԼ ԵՄ ՄԵՂՐԱՄՈՄՈՎ ՄԱԶԱՀԵՌԱՑՈՒՄ, ԵՎ ԱՅԺՄ ՆԿԱՏՎՈՒՄ Է ԳՐԳՌՎԱԾՈՒԹՅՈՒՆ ԲԻԿԻՆԻ ՀԱՏՎԱԾՈՒՄ

«Տհաճ զգացողությունները նվազեցնելու համար սառույցի փոքր քանակությունը դիր փափուկ կտորի մեջ և հպիր գրգռված հատվածին։ Թող մաշկի վրա 15 րոպե՝ մինչ գրգռվածության նվազեցումը։ Այն հետագայում չառաջանալու համար կրիր բամբակե գործվածքից լայնարձակ ներքնազգեստ»։
Ալերնեստ Նունեց Բենգթսոն՝ մարմնի կատեգորիայի փորձագետ

Տեքստ Ֆոտո Getty images, Fotolia & Oriflame