Պատմության դասեր. 3 անհայտ փաստ բույրերի մասին

Կարծում ես ամեն ինչ գիտե՞ս բույրերի մասին: Արի՛ փորձենք

1. ՈՐՏԵ՞Ղ ԵՆ ՍՏԵՂԾՎԵԼ ԱՌԱՋԻՆ ԲՈՒՅՐԵՐԸ
Մի քանի տեսություն կա բույրերի առաջացման մասին, հավասարապես հիշատակվում են Միջագետքի բնակիչները, պարսիկներն ու եգիպտացիները: Առաջին հայտնի «պարֆյումերը» Տապպուտի (Tapputi) անունով քիմիկոս կինն է համարվում, որն ապրել է մ. թ. ա. II հազարամյակում:

Համարյա չորս հազարամյակ առաջ Եգիպտոսում մարդիկ սկսեցին ամենուր բույրեր օգտագործել. և՛ կրոնական, և՛ թաղման ծեսերի համար: Կարելի է հիշատակել Նեֆերտումին, որը եգիպտական դիցաբանության մեջ համարվում էր բուսականության, պարֆյումերիայի և բույրերի աստվածը: Առավել հաճախ Նեֆերտումը պատկերվում է երիտասարդի տեսքով, որի գլխին լոտոսի ծաղիկն է. աստվածային բույս, պտղաբերության և բարգավաճման խորհրդանիշը: Մեր օրերում լոտոսը օծանելիքի ամենատարածված բաղադրիչներից մեկն է: Կա առասպել՝ ըստ որի Ռա աստվածը հայտնվել է առաջին լոտոս ծաղկից, որն էլ նրան կյանք է հաղորդել:

Օծանելիքի երկրպագու էին նաև պարսիկները: Նրանք օգտագործում էին բույրերը որպես քաղաքական իշխանության խորհրդանիշներ: Արքաների նկարներում կարելի է տեսնել օծանելիքի սրվակներ: Այդպես էլ շարունակվել է, մինչ հույները և հռոմեացիները չեն գրավել Պարսկաստանը. նոր իշխանության գալստյան հետ բույրերի ստեղծումը սկսեց ընկալվել որպես արվեստ: Այս «միտումն» անցավ ամբողջ աշխարհով, և արդեն 1190-ական թվականներին հասավ Ֆրանսիա, որտեղ պարֆյումերային արվեստը հասավ արդյունաբերական մասշտաբների և վերածվեց թանկարժեք բիզնեսի:

2. Ո՞ՐՆ Է ԵՂԵԼԱՌԱՋԻՆ ԲՈՒՅՐՆ ԱՇԽԱՐՀՈՒՄ
Տարբեր երկրներում պարֆյումերային արդյունաբերության զարգացումը տարբեր կերպ էր ընթանում: Բույրերի տեսակները շատ տարբեր էին: Սակայն հունգարացիներն առաջինն էին, որ ստեղծեցին օծանելիք սպիրտի և յուղերի հիմքով: Հենց այդպիսի նվեր է մատուցվել Եղիսաբեթ Հունգարացուն XIV դարում: Այդ օծանելիքը կոչվում էր հունգարական ջուր (Hungary Water), իսկ գլխավոր նոտան հազրեվարդն էր, անանուխն ու մեղվախոտը: Ըստ առասպելի՝ այն ուներ երիտասարդացնող հատկություններ և օգնում էր թագուհուն պահպանել գեղեցկությունը:

3. ՐՈ՞ՆՔ ԵՆ ԱՄԵՆԱԹԱՆԿ ՊԱՐՖՅՈՒՄԵՐԱՅԻՆ ԲԱՂԱԴՐԻՉՆԵՐԸ
Ամենաթանկ և արժեքավոր օծանելիքները պատրաստվում են մաքուր յուղերից, խտացված և յուղային սերմերից, որոնք ստացվում են բույսերից կամ ծաղիկներից: Բնական բաղադրիչներն ամենաթանկն են. հասմիկը, բուլղարական վարդը, ուդը, մուշկը և հիրիկը: Աշխարհում ամենաթանկ բաղադրիչը մոխրագույն համպարն է, որն առաջանում է կաշալոտների մարսողական տրակտում, որքան էլ տարօրինակ չի հնչում: Բաղադրիչի բարձր գինը պայմանավորված է նրանով, որ բնական աղբյուրը կորչում է, օրինակ՝ ուդի յուղը, կամ ստացվում է ոչ համապատասխան սեզոնին, ինչպես մադագասկարյան իլանգ-իլանգը:

Օրիֆլեյմում բույրեր ստեղծելու համար մենք օգտագործում ենք ամբողջ աշխարհից միայն բարձրորակ բաղադրիչներ: Ուզո՞ւմ ես մանրամասներին ծանոթանալ: Հրավիրում ենք պարֆյումերային ճամփորդության:

Տեքստ Ֆոտո Oriflame