ԵՎՐՈՊԱ
Ճամփորդությունը սկսենք Իտալիայից: Այստեղ մենք կտեսնենք նարնջի ծառերի հայտնի պուրակները: Նարնջի ծաղկի (Ֆլեռդօռանժ, ներոլի՝ բաղադրիչի այլ անվանումներ) բույրը հայտնի դարձավ դեռ XVI դարում՝ տարածվելով իտալական ազնվական հասարակության շրջանակներում: Այժմ այս եզակի նոտան հնչում է Giordani Gold Essenza փայտյա-ծաղկային կոմպոզիցիայում:
Իտալական մեկ այլ սիրված բաղադրիչներից մեկը կիտրոնն է: Թարմ ու առույգացնող կիտրոնի յուղի բույրն օգտագործվում է բազմաթիվ կոմպոզիցիաներում, օրինակ՝ Men's Collection Citrus Tonic տղամարդկանց բույրում:
Շարժվում ենք առաջ: Իտալիայից դեպի արևելք՝ Բուլղարիայի գեղատեսիլ դաշտերում, աճում են վարդեր, որոնց յուղը մենք օգտագործում ենք Volare բույրը ստեղծելիս: Սեզոնի գլխավոր միտումն ու պարֆյումերային մոլագարների կողմից սիրված վարդը բույրին հաղորդում է ռոմանտիկայի նոտա և հիշեցնում երջանիկ ակնթարթների մասին:
ԱՖՐԻԿԱ
Հաջորդ կանգառը Մարոկկոն է: Այստեղ է աճում պարֆյումերային հնագույն բաղադրիչներից մեկը՝ մայրին: Նրա բավականին ուժեղ, սակայն ազնիվ բույրը ոգեշնչել է մեզ՝ ստեղծելու Eclat Homme կոմպոզիցիան:
Մարոկկոյից հարավ՝ էկզոտիկ Մադագասկարում է աճում իլանգ-իլանգը, որի արբեցնող բույրը գործում է աֆրոդիզիակի պես: Զարմանալի չէ, որ իլանգ-իլանգի յուղը մենք օգտագործում ենք Possess Woman պարֆյումերային բույրը ստեղծելու համար:
ԱՍԻԱ
Եվս մեկ առասպելական պարֆյումերային բաղադրիչի հետ ծանոթանալու համար ուղևորվում ենք արևելք՝ Հնդկաստան: Այստեղ աճում է բրաբիոնը՝ ծաղիկ, որի բույրն առավել վառ է հնչում լուսաբացին: Շնորհիվ բրաբիոնի նոտայի հարուստ հնչեղության՝ այն օգտագործվում է լյուքս դասի բույրերում: Մենք պարզապես հիացած ենք նոր՝ Sublime Nature Tuberose բույրից:
Սիրո՞ւմ եք փայտյա բույրեր: Այդ դեպքում ուղևորվում ենք Ինդոնեզիա: Այստեղ է աճում սանտալենին՝ պարֆյումերային աշխարհի ամենաթանկ բաղադրիչներից մեկը: Այս բաղադրիչի օգնությամբ էլ ապահովվում է Volare Gold պարֆյումերային ջրի քաղցրատտիիպ բույրը:
ՀԱՐԱՎԱՅԻՆ ԱՄԵՐԻԿԱ
Անցնում ենք Խաղաղ օվկիանոսը և հայտնվում Բրազիլական անտառների տրոպիկներում, որտեղ կարելի է գտնել դիպտերիքսը: Դրա պտուղները՝ տոնկայի հատիկները հանդիսանում են բույրերի ստեղծման արժեքավոր բաղադրիչներից մեկը: Պտուղների բերքահավաքը սկսվում է մուսսոնային անձրևներից հետո: Տոնկայի հատիկների արևի տակ չորանալուց հետո դրանց վրա գոյանում է բարակ շղարշ՝ բյուրեղյա կումարին: Այն պատասխանատու է բաղադրիչի թունդ բույրի և անուշահամ նոտայի համար: Հատուկ տեխնոլոգիայի շնորհիվ՝ մեզ հաջողվել է փոխանցել այս եզակի ակնթարթը Sublime Nature Tonka Bean պարֆյումերային ջրին:
ՀՅՈՒՍԻՍԱՅԻՆ ԱՄԵՐԻԿԱ
Հայիթիում, որտեղ էլ մենք կավարտենք մեր ճամփորդությունը, կտեսնենք վետիվերը: Բաղադրիչը ստանալու քրտնաջան գործընթացը (ավելի քան 12 ամսվա աշխատանք) և հարուստ հնչեղությունը վետիվերը դարձնում են պարֆյումերների ամենացանկալի բաղադրիչներից մեկը: Դրա նոտաները լավագույնս հարմար են Giordani Gold Man կոմպոզիցիային. վետիվերի նոտայի նրբագեղ շլեյֆն արտացոլում է բույրի խարիզմատիկ խառնվածքը:
Վերջում այցելենք նաև Գվատեմալա, որտեղ կգտնենք հիլ: Այս թանկարժեք բաղադրիչն իր արժեքով շատ մոտ է վանիլին և զաֆրանին: Մենք այն օգտագործում ենք Men's Collection Dark Wood հարդարաջրում: Այս նոտան և իր փայտյա շլեյֆը կատարյալ համադրություն են:
