«Ծովային կալցիում և D վիտամին» համալիրի յուրաքանչյուր հաբ պարունակում է գրանցված Aquamin™ համալիրը. սա բնական ծովային կալցիումի աղբյուր է, որը հավելյալ պարունակում է ավելի քան 70 օժանդակող միկրոէլեմենտներ (250մգ կալցիում) և D վիտամին (5մկգ)՝ լիարժեք յուրացման համար:
&inputFormat=jpg)
Կալցիումն այն եզակի քիչ էլեմենտներից է, որը բառացիորեն օգտագործվում է մարդու օրգանիզմի յուրաքանչյուր բջջի կողմից:
Այն կենսականորեն անհրաժեշտ է ամուր և առողջ ոսկորների, մկանների կրճատման, սրտի և նյարդային համակարգի գործունեության, արյան ճիշտ մակարդելիության և հորմոնների արտադրման համար:
Ի՞նչ է տեղի ունենում կալցիումի դեֆիցիտի դեպքում:
Կալցիումի համարյա 99%-ը կենտրոնացած է ոսկորներում և ատամներում. սրանք մակրոէլեմենտի պահեստներն են մեր օրգանիզմում: Կալցիումի ցածր քանակության դեպքում այն կլանվում է այս պահեստներից, որպեսզի իր մասնակցությամբ գործընթացները բնականոն ընթանան:
Ահա թե ինչու կալցիումի դեֆիցիտի հիմնական նախանշաններն են ատամների վիճակի վատթարացումը (օրինակ՝ կարիես և էմալի վնասում) և հակվածությունը հաճախակի կոտրվածքների հանդեպ:
Որպես առաջնային նախանշան՝ ի հայտ են գալիս հոգնածություն, ընդհանուր թուլութուն, արագ հյուծվածություն: Խնդիրներ են առաջանում նաև մազերի, մաշկի և եղունգների հետ:
Ինչո՞ւ է կալցիումը կարևոր ատամների համար:
Ատամները ոչ միայն հատուկ գործառույթներ են կատարում օրգանիզմում, այլ նաև առողջության կարևոր ցուցանիշ են: Դրանց կորուստը հանգեցնում է աղեստամոքսային տրակտի աշխատանքի խանգարմանը և մարդու էսթետիկ կերպարի նկատելի փոփոխությանը:
Կարևոր է իմանալ, որ որքան էլ ամուր լինեն մեր ոսկորներն ու ատամները, իրականում, սա կենդանի հյուսվածք է, որը վերականգնվում և օգտագործվում է ողջ կյանքի ընթացքում: Իսկ նոր ոսկրային հյուսվածքն անընդհատ փոխարինում է հնին՝ վերականգնելով տարբեր վնասվածքները, որոնց ենթարկվում է ոսկորը:
Կալցիումը մասնակցում է ատամի էմալի վերականգնման մշտական գործընթացին, որը ոչ մի վայրկյան չի դադարում. ահա թե ինչու է կալցիումը մշտապես անհրաժեշտ ատամներին :
Ժամանակակից կյանքի ռիթմը միշտ չէ, որ թույլ է տալիս զբաղվել առողջության խնամքի պրոֆիլակտիկայով և ատամների առողջությամբ: Անկանոն սնունդը, ռացիոնում կալցիումի բարձր պարունակություն ունեցող սննդի բացակայությունը հանգեցնում են անհարմարավետության և լնդերի և ատամների խնդիրների: Որպեսզի բերանի խոռոչի բոլոր հյուսվածքներն առողջ լինեն, անհրաժեշտ է սննդի հետ ստանալ որոշ վիտամիններ և միկրոէլեմենտներ կամ ընդունել դրանք հավելումների տեսքով:
Ինչպե՞ս լրացնել կալցիումի պակասը:
Ձեր ամենօրյա ռացիոնում ներառեք պինդ պանիր, անյուղ կաթնաշոռ և յոգուրտ: Օգտագործեք շատ բանջարեղեն, որոնց տերևները կանաչ գույն ունեն՝ մաղադանոս, նեխուր, ծնեբեկ, ցանկացած տեսակի կաղամբ (նախընտրելի է գունավոր), բողկ և հազարի տերևներ: Կանաչին հագեցած է կալցիումով և դրական է ազդում օրգանիզմի կողմից այլ մթերքների յուրացմանը: Մեծ քանակությամբ կալցիում կա նաև հատիկավորներում, ձվի դեղնուցում, ընկույզի տեսակներում, ծովամթերքներում: Օգտագործեք ձկան լյարդ, քունջութ, թեփ, խնձոր, ընկույզ և մեղր: Այս շատ կարևոր միներալի մեծ քանակ առկա է մրգերի մեծ մասում:
Մենք հաճախ մոռանում ենք բազմազան սննդի մասին և այստեղ է, որ օգնության են գալիս սննդային հավելումները, որոնք օգնում են կարգավորել միկրոէլեմենտների պակասը օրգանիզմում:
Օրինակ՝ Օրիֆլեյմի Wellness «Ծովային կալցիում և D վիտամին» համալիրը կալցիումի հրաշալի աղբյուր է, որը ստանում են Հյուսիսային Իռլանդիայի ծովերից: Հավելման մեջ պարունակվող AQUAMINTM բաղադրիչը բիոակտիվ կալցիումի եզակի աղբյուր է, որը ստանում են կալցիում պարունակող ծովային ջրիմուռներից: Բնության մեջ հանդիպող մի շարք հավելյալ միկրոէլեմենտների հետ համատեղ՝ այն կալցիումի լավ աղբյուր է՝ ոսկորների ամրությունը պահպանող էֆեկտով. կլինիկորեն ապացուցված է: Մենք ավելացրել ենք նաև D վիտամինը՝ օրգանիզմի կողմից կալցիումի ավելի լավ յուրացման համար:
Սննդային ուսումնասիրությունները ցույց են տալիս, որ մի շարք երկրներում չեն պահպանվում սննդի մեջ կալցիումի պարունակության վերաբերյալ սննդակարգային խորհորդները, ուստի լավագույն լուծումը ռացիոնում սննդային հավելումների ներառումն է՝ դեֆիցիտի վերացման համար:
