ՀԱՑ
Մեկ բոքոնի համար անհրաժեշտ բաղադրիչներ.
- 350 մլ տաք ջուր
- 6 գ չոր խմորիչ (կամ 12 գ թարմ)
- 190 գ ամբողջահատիկ ալյուր
- 2 բաժին Պրոտեինային համալիր (2 х 18 գ)
- 25 գ կտավատի սերմեր
- 75 գ եփած ամբողջահատիկ ձավար (հնդկաձավար, ամբողջահատիկ ցորեն, շագանակագույն կամ վայրի բրինձ, քինոա, տարեկանի ձավար)
- 25 գ արևածաղկի սերմեր
- 25 գ դդմի սերմեր
- 3 գ աղ
Պատրաստման եղանակը.
Ջեռոցը տաքացնել մինչև 180 աստիճան: Մեծ տարայում տաք ջրով խառնել խմորիչը և թողնել 5 րոպե: Միևնույն ժամանակ մեկ այլ տարայում խառնել մնացած բաղադրիչները, այնուհետև ավելացնել խմորիչային խառնուրդը: Հացի համար նախատեսված ուղղանկյուն տապակի (մոտավոր չափը՝ 28 x 12 x 7 սմ) մեջ բուսական յուղ քսել և ալյուր շաղ տալ, ապա ստացված խմորը դնել տապակի մեջ: Սրբիչով ծածկել տապակը և 30 րոպե դնել տաք վայրում մինչև խմորը բարձրանա՝ ավելանալով 2 անգամ: Այնուհետև տապակը դնել ջեռոցի մեջ և թխել 180 աստիճան ջերմությամբ՝ 60 րոպե: Պատրաստի բոքոնը հանել տապակից և նախքան կտրելը թողնել 2 ժամ, որ սառչի:
ՅՈԳՈՒՐՏ
Մեկ չափաբաժնի համար անհրաժեշտ բաղադրիչներ.
- 100 մլ ջուր (կա՛մ յուղազրկված կաթ, կա՛մ սոյայի, կա՛մ նուշի կաթ)
- 200 մլ ոչ քաղցր յոգուրտ
- 50 գ մյուսլի (կա՛մ ամբողջահատիկ շիլա, կա՛մ բնական չոր վարսակաձավարի փաթիլներ)
- 1 ճ/գ դդմի սերմեր
- 1 ճ/գ արևածաղկի սերմեր
- 1 բաժին Պրոտեինային համալիր(18 գ)
- Թարմ հատապտուղներ կամ նռան հատիկներ՝ զարդարելու համար:
Պատրաստման եղանակը.
Խառնել ջուրը/կաթը, յոգուրտն ու Պրոտեինային համալիրը մինչև համասեռ զանգված դառնալը, ապա ավելացնել մյուսլին/փաթիլները և սերմերը. դնել սառնարան՝ թողնելով մինչ առավոտ: Կարելի է նաև միանգամից ուտել՝ զարդարելով հատապտուղներով կամ նռան հատիկներով:
ԴԻԺՈՆԱԿԱՆ ՄԱՆԱՆԵԽ
12 չափաբաժնի համար նախատեսված բաղադրիչներ.
- 100 մլ ջուր
- 50 մլ դիժոնական մանանեխ
- 50 մլ ձիթապտղի ձեթ
- 50 մլ խնձորի քացախ
- Պրոտեինային համալիր 1 բաժին (18 գ)
Շեյքերի մեջ լցնել պորտեինային համալիր, ավելացնել ջուր, խառնել, մինչև այն ամբողջությամբ լուծվի, այնուհետև ստացված հեղուկը լցնել խորը տարայի մեջ: Ավելացնել մանանեխը, ձիթապտղի յուղն ու քացախը, լավ խառնել: Պատրա՛ստ է: Դիժոնական մանանեխը կարող եք պահել սառնարանում մեկ շաբաթ շարունակ: Օգտագործելուց առաջ անպայման խառնել:
