Դեմքի մերսում տան պայմաններում

Խթանող, լիմֆոդրինաժային կամ կետային մերսում՝ այս բյութի-պրոցեդուրաների հայտնիությունն աճում է ամբողջ աշխարհում: Ինչի՞ համար են դրանք անհրաժեշտ, ինչպե՞ս անել և ի՞նչ արդյունքներ ակնկալել՝ կարդա մեր հատուկ հոդվածում:

ԽԹԱՆՈՂ ՄԵՐՍՈՒՄ

Ինչի՞ համար է այն անհրաժեշտ
Հոգնած ու գունատ մաշկին առողջ փայլը վերադարձնելու համար:

Ի՞նչ արդյունքներ ակնկալել
Կանոնավոր և ճիշտ մերսում կատարելու դեպքում՝ արդյունքը կուրախացնի: Մաշկը կդառնա առավել հարթ, ուրվագծերն՝ ավելի հստակ, իսկ դեմքը կշողա: Այնպես որ, խիզախորեն խթանող մերսումը ներառիր դեմքի համալիր խնամքում:

Ինչպե՞ս դա անել
Գլխավորը՝ հստակ հետևել տեխնիկային: Դեմքը խոնավացրու տաք ջրով, վերցրու մաքրող գելի քիչ քանակություն և բարակ շերտով խնքամով տարածիր այն ամբողջ դեմքին՝ խուսափելով աչքերի շուրջ հատվածից: Այնուհետև վերցրու դեմքի մաշկը մաքրող SkinPro գործիքը, խոզանակ-գլխիկը թրջիր ջրի մեջ և մերսող շրջանաձև շարժումներով անցկացրու այն դեմքի մաշկի ամբողջ մակերեսով: Օգտագործման ժամանակը՝ շուրջ 20 վայրկյան ճակատային հատվածում և 40 վայրկյան մնացած հատվածի համար (այտեր, այտոսկրեր, կզակ և այլն): Այսպիսի մերսումը տևում է ընդամենը մեկ րոպե, օգնում է խթանել արյան շրջանառությունը և ապահովում է կլինիկապես ապացուցված արդյունքներ. 8 անգամ* ավելի շողացող մաշկ արդեն 5 շաբաթ հետո:

* in vivo կլինիկական հետազոտությունների արդյունքներ, որին մասնակցել են 30 կին: Հետազոտությունը տևել է 5 շաբաթ:

ԼԻՄՖՈԴՐԻՆԱԺԱՅԻՆ ՄԵՐՍՈՒՄ

Ինչի՞ համար է այն անհրաժեշտ
Այտուցվածության և մաշկի առաձգականության կորստի դեմ պայքարելու համար:

Ի՞նչ արդյունքներ ակնկալել
Կարճ նկարագրենք. լիմֆոհանգույցները պատասխանատու են վարակների դեմ պայքարելու և վնասակար նյութերն օրգանիզմից հեռացնելու համար: Մարդու օրգանիզմում կա ավելի քան 100 լիմֆոհանգույց, այդ թվում նաև ականջների հետևում, քթըմպանի և այտերի միջև: Լիմֆոդրինաժային մերսումը ճիշտ կատարելու դեպքում՝ մաշկը կտոնուսավորվի, իսկ այտուցվածությունը կհեռանա: Իրական կախարդանք:

Ինչպե՞ս դա անել
1. Դեմքի և պարանոցի մաշկի աղտոտվածությունից ազատվելու համար՝ օգտագործր սիրելի մաքրող միջոցը: Այնուհետև ափերի մեջ վերցրու դեմքի յուղը և թեթև շարժումներով տարածիր այն վերևից դեպի ներքև, իսկ ներքին ծնոտի շրջանում՝ ներքևից դեպի վերև: Հիշի՛ր, որ ներքևից դեպի վերև շարժումն օգնում է մաշկի հաղորդել տոնուս, իսկ վերևից ներքև շարժումը՝ օգնում ազատվել ավելորդից: Քեզ անհրաժեշտ է երկրորդը:

2. Այնուհետև մերսիր մատների թեթև շարժումներով վերևից ներքև՝ քթից դեպի բերանի անկյուններ, ինչպես նաև ականջների առջևի և հետևի հատվածներում:

3. Մատնեմատով անցիր աչքերի տակ ուղեծրային ոսկորի շուրջ՝ կրկնելով С տառի ձևը: Այս տեխնիկան օգնում է ազատվել այտուցվածությունից:

ԿԵՏԱՅԻՆ ՄԵՐՍՈՒՄ

Ինչի՞ համար է այն անհրաժեշտ
Հայացքին թարմ տեսք հաղորդելու և աչքերի հոգնածությունը հեռացնելու համար:

Ի՞նչ արդյունքներ ակնկալել
Կետային մերսման հիմքում բուժման հին չինական մեթոդն է և ներառում է տեխնիկաներ լարվածությունը հեռացնելու համար (մեր դեպքում՝ աչքերի մկանների): Երբ ամբողջ օրվա ընթացքում նայում ենք համակարգչին, առաջին հերթին տուժում են աչքերը: Դրանք գերլարվում են և հոգնում, երկրորդը տուժում է աչքերի շուրջ մաշկը: Կետային մերսումը կօգնի կանխարգելել աչքերի մկանների գերլարվածությունը, ինչպես նաև դիմախաղի և խորը կնճիռների առաջացումը:

Ինչպե՞ս դա անել
Սկզբում օգտագործիր սիրված մաքրող միջոցը՝ դեմքի և պարանոցի մաշկի աղտոտվածությունից ազատվելու համար, այնուհետև զգուշորեն սեղմիր երկու ցուցամատերի օգնությամբ դեմքի կետերին: Հերթականությունն այսպիսին է.

1. Աչքերի ներքին անկյուն
2. Հոնքերի ներքին անկյուն
3. Վերհոնքային աղեղներ
4. Աչքերի արտաքին անկյուն
5. Վերին կոպի կենտրոնից քիչ ներքև
6. Քթարմատ

Տեքստ Ֆոտո Getty Images

Գնել

Նմանատիպ հոդվածներ