ՄԻԱՎՈՐԻ՛Ր ՋԱՆՔԵՐԸ
Նոր կյանք սկսելու համար շատ կարևոր է գտնել համախոհ ընկեր, որը քեզ ձեռնոց կնետի, կոգևորի կամ մարդ, որին նույնպես անհրաժեշտ է մոտիվացիա: Միասին ավելի հեշտ է և ուրախ:
ԳՏԻ՛Ր ԶՈՒԳԸՆԿԵՐ ՄԱՐԶՈՒՄՆԵՐԻ ՀԱՄԱՐ
Համատեղ մարզումներն ունեն բազմաթիվ առավելություններ: Այդ պատճառով գտնել այն մեկին, որը քեզ հետ միասին առավոտյան կվազի 5 կմ, կպահի հաշվեկշիռը սարվանգասանում կամ քրոսֆիտ անցնելիս՝ համար մեկն խնդիրն է: Քո սպորտային ընկերը պետք է քեզ գերազանցի և ունենա համառություն: Կարելի է ասել՝ քո ավելի լավ տարբերակը: Նա պետք է քեզ դուրս հանի հարմարավետության պայմաններից: Եթե դու կանոնավոր այցելում ես սպորտի, սակայն վերջերս ձանձրանում ես, գտիր մարդ, որը խնդիր ունի մոտիվացիայի հետ: Դարձիր նրա միանձնյա մենտորն ու մարզիչը: Երկարատև մարզումներ և հաջող արդյունքներից ուրախություն. քեզ դուր կգա խրատտու լինելը:
Որտե՞ղ փնտրել մարզումների համար զուգընկեր: Հարցրու ընկերներիդ, ծանոթներիդ, բարեկամներից և գործընկերներիդ: Զրուցիր նաև այն մարդկանց հետ, ում հետ հաճախ հանդիպում ես մարզասրահում: Համակիր փնտրելու վերաբերյալ հաղորդագրություն թող սոցցանցերում և սպասիր մեկնաբանությունների:
ՔՆՆԱՐԿԻ՛Ր ՊԼԱՆՆ ՈՒ ՆՊԱՏԱԿՆԵՐԸ
Դուք պայմանավորվել եք միասին գնալ մարզումների: Այժմ ճիշտ ժամանակն է քննարկել մարզումների պլանը, ժամը և շաբաթվա օրերը:
- Սահմանեք ընդհանուր և անհատական նպատակները և դրա կատարման ժամկետները: Դրանք պետք է լինեն իրոք տպավորիչ, դրանց հասնելը կլինի բավականին դժվար, սակայն հետաքրքիր: Մրցեք միմյանց հետ, օգնեք ձգտել ավելիին, միևնույն ժամանակ չանցնել սահմանը:
- Անհատական պարապմունքների բաժանորդագրումը բավականին թանկ է, սակայն դուք միշտ կարող եք պայմանավորվել մարզչի հետ և պարապել երեքով՝ կիսելով գումարը:
- Երազանքի շոփինգ, անմոռանալի ուղևորություն դեպի Եվրոպա կամ կարևոր իրադարձություն. մտածեք երազանքի նպատակ, հանուն որի կգործադրես բոլոր ջանքերդ: Տոնեք հաջող արդյունքները, քննարկեք ձախողումները և մի հանձնվեք: Ամեն ինչ կստացվի:
