Ամեն ինչ կարգին է

Ինչո՞ւ է այդքան հեշտ սիրել վնասակար սնունդը, ծուլանալ և ողջ գիշեր նստել համակարգչի առաջ, իսկ սպորտով զբաղվել, ճիշտ սնվել և հոգալ ինքդ քո մասին այդքան դժվար: Նախ, դա հաճելի է, չենք խաբի: Եվ գործողությունները, որոնք առաջացնում են հաճելի զգացողություններ, ցանկանում ես կրկնել: Պատկերացրու՝ դու ուտում ես մի կտոր տորթ (կամ չիպս): Ի՞նչ ես զգում այդ պահին: Ճիշտ է, հաճույք. և սա երկրորդ պատճառն է: Երբ փորձում ես սովորություն ձևավորել, օրինակ՝ ամեն օր 10 րոպե հատկացնել մաշկի խնամքին, միանգամից օգուտ և հաճույք ստանալ հանրավոր չէ: Ի՞նչ անել: Եկե՛ք փորձենք:

Մաշկի համալիր խնամքը, սպորտը, ճիշտ սնունդը, կարիերան, ի վերջո, արդյունք են տալիս ժամանակի հետ: Դա գործընթաց է: Հենց այդ պատճառով դժվար է ստիպել ինքդ քեզ ինչ-որ բան անել՝ առանց հաճույք ստանալու, նույնիսկ հակառակը՝ ամեն սկսելու փորձի հետ ուժերի անկում նկատելով: Սակայն ելք կա:

ԶԲԱՂՎԱԾ ԵՂԻՐ
Երբ հետ ենք կանգնում հաճելիից, բայց վնասակարից, որ եղել է մեր կյանքի անբաժան մասը, այն անհրաժեշտ է ինչ-որ այլ բանով փոխարինել: Այն իներցիայով գրավում է: Այլ բան է, երբ աշխատավայրում հետաքրքիր նախագիծ է հայտնվում, դու սկսում ես զբաղվել նոր հոբբիով կամ սիրահարվում ես, մի խոսքով՝ ուշադրությունդ ուղղում ես կյանքի այլ ոլորտ: Եվ մոռանում ես վնասակար սովորությունների մասին:

ՊԱՅՄԱՆԱՎՈՐՎԻ՛Ր ՔԵԶ ՀԵՏ
Ոչ մի սովորություն մեկ օրում կամ շաբաթում չի ձևավորվում, նշանակում է՝ հետ վարժվելը նույնպես ժամանակատար է: Ընտրված ուղուց չշեղվելու համար պայմանավորվի՛ր ինքդ քեզ հետ: Ասա՛ քեզ, որ եթե ամբողջ շաբաթ ամեն օր մարզանք անես, շաբաթվա վերջում քեզ նոր օծանելիք կգնես: Կամ եթե ճիշտ սնվես, հանգստյան օրերին կգնաս ռեստորան ու կուտես սիրելի ուտեստը: Մոտիվացրո՛ւ ինքդ քեզ, միայն դու գիտես, թե որն է քեզ համար ցանկալի պարգևատրումը:

Խորհուրդ բլոգեր, մարզիչ և գործարար Սոնյա Սոլդատովայից«Ես slow beauty-ի կողմնակից եմ (դանդաղ գեղեցկություն): Ինձանից 8 տարի պահանջվեց, որպեսզի ինձ ինչ-որ չափով մոտեցնեմ իմ երազանքին: Ինքդ քո հանդեպ աշխատանքը չի կարելի ընդունել որպես դատապարտվածություն: Դա քո անձնական ժամանակն է, որտեղ դու մենակ ես, որտեղ կարող ես ամեն ինչից հանգստանալ: Խնամքը, ակտիվությունն ու սպորտը քեզ հետ պետք է լինեն ամբողջ կյանքում ու չափավոր տեմպով: Քեզ պետք է մշտապես հետևես: Կտրուկ վայրիվերումները, այսօր ես լվացվում եմ, արագ տարածում նրբաքսուքը, հետո այն մեկ տարի մնում է դարակում, ու մեկ տարի անց հիշում եմ, իմ պատմությունը չէ»:

ԻՐԱՏԵՍԱԿԱՆ ՆՊԱՏԱԿՆԵՐ ԴԻՐ
Նիհարել մեկ շաբաթում 10 կգ, վաղը թողնել ծխելը, իսկ վաղը չէ մյուս օրը՝ պատրաստել տոնական հյուրասիրություն և 30 հոգու համար տորթ, թեև քո խոհարարական ունակությունների գագաթնակետը ծովամթերքներով պաստան է. համաձայնիր, որ այս նպատակներն այնքան էլ իրատեսական չեն: Նույնիսկ եթե դրանք բոլորն էլ կատարես ու դեռ տասը այդպիսիք, ամենայն հավանականությամբ չես զգա ո՛չ հաճույք, ո՛չ օգուտ, ո՛չ անհրաժեշտ արդյունք:  

Խորհուրդներ կինոյի և թատրոնի դերասանուհի Իրինա Գորբաչովայից. «Կյանքի ընթացքում մենք հաճախ ենք մեզ վերաբերվում որպես սևագրի: Ասում ենք` ինչ-որ պահի ես ամեն ինչ կմաքրագրեմ. կհետևեմ առողջությանս, կխնամեմ ինձ, բայց ոչ հիմա: Որովհետև ժամանակ չկա, հնարավորություն չկա, ցանկություն չկա և այլն: Իսկ հետո՝ ասենք 35 տարեկանում, կինը վազում է մարզասրահ, վազում է դեմքին ներարկումներ անելու, ինչ-որ բան ձգելու և այլն: Բայց այս բոլոր ծայրահեղ միջոցները ավելի լուրջ խնդրի են հանգեցնում. փորձում ես պահպանել մի բան, որ ի սկզբանե քո մեջ չկա: Ինքդ քեզ սիրելու համար հարկավոր է սկսել գործել: Հարկավոր է ամեն օր մտածել այդ մասին, ժամանակ ծախսել, գուցե՝ մեկ տարուց ավելի: Սա համակարգային մոտեցում է, այն նաև վերաբերում է մարդկանց, ընկերների, շրջապատի հետ հարաբերություններին, որովհետև սա քո ամբողջ էներգիան է, որը տալիս ես ու ինչ-որ կարևոր բանի մեջ ներդնում»:

ԲԱՐԻ ԳՈՐԾԵՐ ԱՐԱ ԵՎ ԻՆՔԴ ՔԵԶ ՈՒ ՇՐՋԱՊԱՏԻԴ ՀԱՐԳԱՆՔՈՎ ՎԵՐԱԲԵՐՎԻՐ
Պարզ փոփոխությունները կազմված են փոքրիկ քայլերից: Այդ քայլերը շատ հաճախ կարող են թվալ ոչ առարկայական, սակայն որքան շատ այդպիսի քայլեր անես, այնքան զգալի կլինի օգտակարությունը: Դա վերաբերում է ոչ միայն կյանքին, այլև շրջապատին: Հավաքել ու տալ լավ, բայց հին իրերը կամ գրքերը մանկատուն: Մարաթոն կազմակերպել և ողջ հասույթը տրամադրել բարեգործական ֆոնդին: Տանը, աշխատավայրում կան ԽՍԿ-ում սովորական լամպերը փոխարինել էներգախնայողներով: Չէ՞ որ գեղեցկությունն ավելին է, քան գրավիչ արտաքինը: Այն նաև բարի արարքներն են:

Սոցկայքերում պատմի՛ր, թե ինչպես ես դու աշխարհն ավելի լավը դարձնում #ՀիանալիՓոփոխություններ #ԻմԻսկականԱմառը հեշթեգներով: Ամենավառ պատմությունները հիմք կդառնան «Հիանալի փոփոխություններ» վավերագրական ֆիլմի սերիաների համար: Մանրամասները՝ oriflamesummer.com կայքում:

Տեքստ Ֆոտո Վլադիմիր Կոչետկով, Oriflame

Գնել

Նմանատիպ հոդվածներ