Փրկե՛ք մեր մաշկը: Արևից պաշտպանության ուղեցույց

SPF-ն առաջին հերթին պաշտպանության ժամանակավոր գործոն է: Մարդը առանց պաշտպանության կարող է արևի տակ մնալ միջինը մինչև 10 րոպե: Եթե տարածում ես SPF 10-ով միջոց, ապա արևի տակ անվտանգ մնալու ժամանակը կերկարի մինչև 100 րոպե, եթե SPF 30՝ մինչև 300 և այդպես շարունակ:

Սակայն ամեն ինչ անհատական է: Որքան ավելի բաց է մաշկիդ երանգը, այնքան ավելի բարձր SPF գործոն է քեզ անհրաժեշտ: Արևի ուղիղ ճառագայթների տակ բաց երանգ ունեցող մաշկը սկսում է կարմրել արդեն 5 րոպե անց, մինչդեռ ավելի մուգ մաշկը՝ 15 րոպե անց: Միջոցն ընտրելիս՝ նկատի ունեցիր այս ամենը:

ԻՆՉՊԵ՞Ս ԸՆՏՐԵԼ
Ուլտրամանուշակագույնից պաշտպանություն ընտրելիս կարևոր է գնահատել քո տարածաշրջանում արևի ակտիվության մակարդակը: Եթե միջոց ես ընտրում միջին գոտու համար (զբոսանք քաղաքում, պիկնիկ, սպորտ) և ունես մաշկի բաց երանգ, ընտրի՛ր  SPF 30, եթե մաշկդ մուգ է՝ SPF 15: Ծովային արձակուրդի դեպքում և՛ մուգ, և՛ բաց մաշկ ունեցողներին խորհուրդ է տրվում ընտրել առավելագույն պաշտպանություն՝ SPF 50՝ արևի բարձր ակտիվության պատճառով:

SPF 50-ը ամենից հարմար մակարդակն է լողափնյա հանգստի և շոգ կլիմայի համար: Չնայած հիմա արդեն թողարկվում են միջոցներ SPF 70 և նույնիսկ SPF 100 պաշտպանիչ գործոններով, SPF 50-ը ևս շատ լավ է աշխատում: SPF 50-ով միջոցը արգելափակում է UVB-ճառագայթների 98%-ը, այնպես որ SPF-ի ավելի բարձր մակարդակն ավելի ուժեղ չի կարող պաշտպանել մաշկը:

ԵԹԵ ԿԱ ԱՅՐՎԱ՞ԾՔ
Եթե զգում ես, որ մաշկդ ծակծկում է, նշանակում է, այն արդեն արևից այրվել է: Հնարավոր է՝ ոչ շատ ուժեղ, սակայն եթե միջոցներ չձեռնարկել, իրավիճակը կարող է վատթարանալ: Փորձեք հնարավորինս շուտ ծածկել արևահարված հատվածները, հեռանալ փողոցից, սառը ցնցուղ ընդունել և տարածել այրևայրուքից հետո օգտագործման համար նախատեսված զովացնող կամ հանգստացնող միջոց:

Եթե ամեն դեպքում մաշկդ այրվել է, կարմրել և ցավում է, որոշ ժամանակ անհրաժեշտ է արևի տակ հայտնվելիս բամբակե թիկնոց ունենալ: Մաշկին անհրաժեշտ է օգնել վերականգնվել: Օգտագործի՛ր արևայրուքից հետո օգտագործման համար նախատեսված  հատուկ միջոցներ կամ պանտենոլ պարունակող բուժական քսուքները:

ԿԱՐԵՎՈՐ Է
Ժամը 11-ից 16-ը արևի ամենից ակտիվ շրջանն է: Այդ ժամերին լողափից անհրաժեշտ է հեռանալ: Առանց արևապաշտպան միջոցների նույնիսկ ստվերում կամ ամպամած եղանակին մաշկը կարող է այրվել: «Արևայրուքից հետո» հատուկ միջոցներն անհրաժեշտ է օգտագործել լողափից անմիջապես հեռանալուց հետո, ոչ թե երբ մաշկն արդեն այրվել է:

Արևապաշտպան քսուքը տարածիր լողափ գնալուց 20 րոպե առաջ, որպեսզի միջոցը հասցնի ներծծվել: Ցանկության դեպքում կարող ես շպարվել արևապաշտպան միջոցի վրայից:

SPF, UVA, UVB՝ արևից պաշտպանության բոլոր տերմինները բացատրում ենք Oriflame գեղեցկության գրքում: