Հանգստյան օրերը Wellness ոճով

Հաճախ տոներին կշեռքի սլաքը փոխում է իր սովորական տեղը։ Եվ սա պատահական չէ: Ընկերական երեկույթներ, ընտանեկան ճաշկերույթներ, անսահմանափակ քանակությամբ ընպելիք և սնունդ, և որպես հետևանք՝ ավելորդ կալորիաներ։ Դրա մասին պատմում են մեր փորձագետները՝ Անկե Գինզբուրգն ու Էլիզաբեթ Նորդսթրոմը։

ԵՐԵԿՈՒՅԹՆԵՐՆ ՈՒ ԱՌՈՂՋ ՍՆՆԴԱԿԱՐԳՆ ԱՆՀԱՄԱՏԵՂԵԼԻ ԵՆ

  1. Տոների ընթացքում 3 մեծ ուտեստներից բաղկացած ամբողջական ճաշն ամենևին էլ հազվագյուտ երևույթ չէ։ Նման իրավիճակում ճիշտ վարքագիծը կլինի հետևյալը․ որպես նախուտեստ վերցնել աղցանը և բաց թողնել ապուրը, որը հաճախ պատրաստված է կարագով կամ սերուցքով։
  2. Կեր դանդաղ՝ սնունդը մանրակրկիտ ծամելով։ Այսպես դու ավելի արագ կհագենաս՝ ստանալով ավելի քիչ կալորիա, և բացի այդ, սա ավելի օգտակար է մարսողության համար։
  3. Եթե երեկույթին կազմակերպված է «շվեդական սեղան», վերցրու փոքրիկ ափսե և որոշիր, թե քանի անգամ կարող ես քեզ թույլ տալ այն լցնել ողջ երեկույթի ընթացքում։ Այս հարցը լուծիր ուտելուց առաջ։

ՊԱՀՊԱՆԻ՛Ր ԿԱԶՄՎԱԾՔՆ ԱՆԳԱՄ ՏՈՆԵՐԻՆ.

  1. Եթե շատ զբաղված ես, քեզ կօգնեն օրակարգում աննշան փոփոխությունները, որոնց շնորհիվ կարող ես ավելի շատ շարժվել․ հրաժարվի՛ր վերելակից և օգտվի՛ր աստիճանավանդակից, ավտոբուսից իջիր ավելի շուտ, մեքենան կայանիր քիչ ավելի հեռու վարյում՝ մնացած հեռավորությունը քայլելով անցնելու համար։ 
  2. Ընկերուհուդ հետ սուրճ ըմպելու փոխարեն՝ նրան հրավիրիր զբոսանքի։ Այսպես դու միաժամանակ կշփվես նրա հետ, իսկ օրգանիզմին կտաս օգտակար ծանրաբեռնվածություն։
  3. Արա՛ պարզ վարժություններ՝ մինչ ունես այլ զբաղմունք, օրինակ, ծնկածալումներ՝ ատամները մաքրելու ընթացքում կամ պառկած վիճակում ոտքերի բարձրացումը՝ հեռախոսով խոսելու ընթացքում։

ԵՂԻ՛Ր ՈՒԺՈՎ ԼԻ՝ ԱՆԳԱՄ ԱՄԵՆԱԾԱՆՐԱԲԵՌՎԱԾ ՕՐԵՐԻՆ.

  1. Պահպանի՛ր օրգանիզմում հեղուկի ճիշտ մակարդակը, խմիր շատ ջուր։ Եթե երեկույթի ընթացքում ըմպելիքների մեջ կա սպիտակ գինի, դրան ավելացրու հանքային ջուր։ Սա քո օրգանիզմի համար կլինի ավելի քիչ վնասակար, և միևնույն ժամանակ ավելի համեղ ու նորաձև (այս կոկտեյլն անվանում են «Շպրից»)։
  2. Եթե հնարավոր չէ խուսափել մինչև լուսաբաց տևող երեկույթներից, ժամանակ գտիր 20-րոպեանոց ընդմիջումներ անելու համար և քնիր։ Դու կարթնանաս թարմացած և ուժով լի։
  3. Մի՛ փորձիր քունն առնել հանգստյան օրերին՝ առավել ուշ արթնանալու հաշվին։ Սա միայն կխախտի քո քնի ռիթմը և դու կունենաս ավելի վատ ինքնազգացողություն։

ՄԻ՛ ՆՅԱՐԴԱՅՆԱՑԻՐ՝ ԱՆԿԱԽ ՑԱՆԿԱՑԱԾ ՀԱՆԳԱՄԱՆՔԻՑ

  1. Արձակուրդը պլանավորիր այնպես, որ ունենաս նաև մարզասրահ այցելելու, առողջ սնունդ պատրաստելու և ոչ քիչ կարևոր՝ առողջ քուն ունենալու ժամանակ։
  2. Նվերներ և շփում՝ սա շատ կարևոր է, սակայն հիշիր, որ քո հարազատներին և մտերիմներից մատուցած լավագույն նվերը քո առողջությունն ու երջանկությունն է։
  3. Պահիր երախտագիտության օրագիր։ Տոները շնորհակալություն և երախտագիտություն հայտնելու ճիշտ ժամանակն է, այդ պատճառով գրանցիր այն ամենն, ինչի համար կուզենայիր որևէ մեկին հայտնել քո «շնորհակալությունը»։ Այս դրական վարքագծի օրինակն օգնում է հաղթահարել սթրեսը։

ՔՈ ՕՐԸ ՃԻՇՏ ՍԿՍԻՐ

  1. Բնական յոգուրտ, թարմ մրգեր և «Նեչուրալ բալանս» կոկտեյլի մեկ չափաբաժին։ Այս քիչ կալորիականությամբ և սնուցող նախաճաշը պատրաստելը կզբաղեցնի մի քանի րոպե։
  2. Արյան շրջանառությունը խթանելու համար՝ արթնանալուց ձգվիր՝ ինչպես հարկն է։ Սա կարթնացնի մարմինդ։
  3. Առավոտյան շտապողականությունը թող չխանգարի քեզ ընդունել համալիր՝ բաղկացած Օմեգա 3 ճարպաթթվից, աստաքսանտինից և մուլտիվիտամինային համալիրին, որոնք ամրացնում են սրտի, ուղեղի, մաշկի և մկանների առողջությունը։


Տեքստ Ֆոտո Shutterstock & Fotolia