1. ԴԻՐ ԻՐԱՏԵՍԱԿԱՆ ՆՊԱՏԱԿՆԵՐ
Եթե քո առջև դնում ես անիրատեսական նպատակներ, կարող ես վնասվածք ստանալ կամ կորցնել սեփական ուժերի նկատմամբ հավատը: Վաղ, թե ուշ կուզենաս թողնել մարզումները, որոնք քեզ թվում են բացարձակապես անհեռանկարային: Այդ պատճառով անհրաժեշտ է դնել իրատեսական նպատակներ: Դու միշտ կարող ես բարձրացնել քո նշաձողը՝ ուժերդ, դիմադրողականությունդ կամ տեխնիկական վարպետությունդ ավելացնելու հետ մեկտեղ: Հիշի՛ր, որ դեպի առողջություն տանող ուղին իրենից չի ներկայացնում մարաթոն կամ սպրինտ:
2. ՊԱՐԳԵՎԱՏՐԻՐ ԻՆՔԴ ՔԵԶ՝ ՔՈ ՀԱՋՈՂՈՒԹՅՈՒՆՆԵՐԻ ՀԱՄԱՐ
Նպատակներին հասնելուն պես, ինչպես նաև մարզումների ողջ ընթացքում՝ մի մոռացիր տոնել հաջողության պահերը: Այսպես դու գործընթացը կդարձնես առավել գրավիչ և կպահես տրամադրվածության անհրաժեշտ մակարդակը: Օրինակ՝ պատրաստիր համեղ սմուզի կամ մարզումից հետո նայիր քո սիրելի ֆիլմը: Օգնիր՝ վարժանքներդ դառնան հաճելի սովորություն:
3. ՄԱՐԶՎԻ՛Ր ԳՐԱԶՈՎ
Ավելի հեշտ է խախտել քեզ տրված խոստումը, քան տանուլ տալ ընկերոջը: Գրազ արի և մի մոռացիր համար 1 կանոնի մասին, գրազը պետք է լինի միմիայն իրատեսական, պետք չէ վիճել, որ մեկ տարի անց կլինես բռնցքամարտի չեմպիոն: Դա կարող է լինել օրինակ՝ մեկ տարի շարունակ ոտքերի մարզումը կամ ամեն ամիս վազքուղին 50 կմ ավելացնելը: Լավ է աշխատում նաև տուգանքների տարբերակը՝ յուրաքանչյուր բաց թողած մարզման համար: Ընկերները միշտ պատրաստակամ են օգնել, սա հենց հիանալի առիթ է:
4. ՈՒՐԱԽԱՑԻՐ և ՎԱՅԵԼԻՐ
Սա գլխավոր խորհուրդն է հենց նրանց համար, ովքեր գիտակցաբար են ընտրել առողջ կենսակերպը: Ամեն օր նույնանման վարժությունները վաղ թե ուշ կարող են ձանձրացնել, իսկ մկաններդ կսովորեն այդ ծանրաբեռնվածությանը և կդադարեն արձագանքել: Այդ պատճառով էլ կարևոր է բազմազանեցնել սպորտային մենյուն նոր վարժություններով, սպորտաձևերով և հասնել իրատեսական նպատակների:
5. ՄԻ՛ ԿՏՐՎԻՐ ԷԿՐԱՆԻՑ
Մեր ժամանակի մեծ մասը մենք անցկացնում ենք սոցցանցերում: Իսկ ինչո՞ւ այդ ժամանակը չօգտագործել հօգուտ մեր առողջության: Բաժանորդագրվիր Ինստագրամի, Ֆեյսբուքի, Վկոնտակտեի, կամ Յութուբի մոտիվացնող հաշիվներին: Մենք երաշխավորում ենք, որ նման «ընկերներ»-ի մարզումները բաց թողնելու ցանկությունը ի սպառ կվերանա:
